Խորհուրդներ ապագա մայրերին՝ ինչպես պայքարել գազերի դեմ հղիության ժամանակ

Հղիությունը կանացի կյանքի ամենահրաշալի ժամանակահատվածներից է, սակայն երբեմն այն կարող է ծայրահեղ անհարմար իրավիճակների պատճառ դառնալ:

Բժիշկ Մեննի Ալվարեսը Fox News ալիքով պատասխանում է անհանգստացած հղի կնոջ հարցին այն մասին, որ նրա մոտ սարսափելի գազեր են, եւ բացատրում՝ ինչպես դրա դեմ պայքարել:

Ըստ բժշկի, այս երեւույթը հանդիպում է բազմաթիվ հղի կանանց մոտ: Հղիության առաջին ամիսներին պրոգեստերոն հորմոնի քանակի ավելացումը կարող է դանդաղեցնել մարսողությունը, որը բերում է աղիներում ավելորդ գազարտադրության: Պտղի աճի հետ միաժամանակ որովայնի փքվածությունը նույնպես կարող է մեծանալ: Հղիության ժամանակ հորմոնները նաեւ թուլացնող ազդեցություն են ունենում մկանների վրա, ինչի հետեւանքով գազերը կառավարելը դժվարանում է:

Սակայն կան մի քանի մեթոդներ, որոնք կօգնեն հաղթահարել խնդիրը.

Ավելի շատ շարժվեք: Վարժությունները նպաստում են լավ մարսողությանը, բայց նախեւառաջ խորհրդակցեք ձեր գինեկոլոգի հետ:

Սնվեք ճիշտ եւ խմեք ավելի շատ ջուր: Ընդ որում աշխատեք դանդաղ ուտել՝ սնունդը լավ ծամելով: Արագ կուլ տալով, դուք շատ օդ եք կլանում, որը կարող է նպաստել գազարտադրությանը:

Սնվեք կոտորակային՝ մանր չափաբաժիններով, բայց հաճախ: Մեծ չափաբաժինները կարող են ծանրաբեռնել աղիները:

Խուսափեք գազագոյացմանը նպաստող սննդամթերքից՝ կաղամբ, լոբի եւ տապակած ուտեստներ:

Հետեւեք ձեր քաշին. չափազանց ծանր քաշը կարող է ճնշել աղիներին: Ծայրահեղ դեպքում կարելի է փորձել հակաթթվային եւ հղիների համար անվտանգ այլ դեղամիջոցներ գազերի դեմ, սակայն նախեւառաջ անհրաժեշտ է դա համաձայնեցնել ձեր գինեկոլոգի հետ:

Հարցեր, պատասխաններ, մեկնաբանություններ