Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

 

Հղիություն, ծննդաբերություն

«Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց

«Արագիլ» հիմնադրամը ստեղծված է՝ օգնելու անպտղությամբ տառապող  զույգերին. Կարինե Թոխունց

Միայն վերջերս մեր հանրապետոթյունում առաջին տիկին Ռիտա Սարգսյանի և Վերարտադրողական բժշկության հայկական ասոցիացիայի ջանքերով ստեղծվեց «Արագիլ» բարեգործական հիմնադրամը: Հիմնադրամի նպատակն է ֆինանսավորել այն զույգերին, ովքեր տառապում են անպտղությամբ, բայց օժանդակ վերարտադրողական տեխնիկաների կիրառմամբ բուժօգնության դիմելու բավարար միջոցներ չունեն:

 

«Արագիլ» հիմնադրամի ստեղծման, գործունեության և նպատակների մասին զրուցեցինք հիմնադրամի բժշկական փորձագետ, բ.գ.դ., պրոֆեսոր Կարինե Թոխունցի հետ:  


–   Տիկին Թոխունց, ներկայացրեք, խնդրե´մ, նորաստեղծ «Արագիլ» հիմնադրամի ստեղծման նախադրյալները:


–   Վերարտադրողական բժշկության հայկական ասոցիացիան,  իր գոյության տարիների ընթացքում վերլուծելով հանդիպող խնդիրները, եկել է եզրակացության, որ Հայաստանում շատ են զույգերը, որոնց անպտղությունը կարելի է բուժել միայն օժանդակ վերարտադրողական տեխնիկաների կիրառման միջոցով, լինի դա էքստրակորպորալ՝ արտամարմնային բեղմնավորման, թե ներարգանդային սերմնավորման ճանապարհով: Իսկ նշված մեթոդները բավականին թանկարժեք են և շատ զույգերի համար հաճախ անհասանելի: Որոշեցինք այս խնդրի վրա կենտրոնացնել բարեգործական ջանքեր և ներդրումներ, քանի որ այսօր Հայաստանը ծերացող երկիր է, նաև՝ երկիր, որտեղ ակնհայտ արագությամբ նվազում է ազգաբնակչության թիվը: 50 տարվա ընթացքում Հայաստանը կկորցնի մեկ ու կես միլիոն մարդ, նման ընթացքի պայմաններում մեր երկիրը 50 տարվա ընթացքում կկորցնի մեկ ու կես միլիոն երեխայի ծնունդ, մենք կկանգնենք շատ լուրջ խնդրի առջև: Լիովին գիտակցելով խնդրի հրատապությունը, ասոցիացիան դիմեց ՀՀ առաջին տիկնոջը՝ Ռիտա Սարգսյանին: Նախքան հիմնադրամի ստեղծումը խորհրդակցել ենք նաև մեր արտասահմանյան գործընկերների, ասոցիացիայի անդամների հետ, ովքեր միշտ պատրաստ են ակտիվորեն համագործակցել մեզ հետ: Միասնական ջանքերով ստեղծվեց բարեգործական հիմնադրամ, որը կօգնի անապահով զույգերին՝ լուծելու  անպտղության խնդիրը: Եվ այսպես, 2013թ. աշնանն իր գործունեությունը սկսեց «Արագիլ» բարեգործական հիմնադրամը: Քանի որ խնդիրն ունի դեմոգրաֆիկ նշանակություն, որոշեցինք կառավարության ուշադրությունը ևս սևեռել խնդրի լուծմանը՝ եթե ոչ ամբողջովին, ապա որոշակի ֆինանսական  աջակցություն ցուցաբերելու նպատակով: 

 

Առաջին տիկին Ռիտա Սարգսյան Վերարտադրողական բժշկության հայկական ասոցիացիայի հոբելյանական X համաժողովը և «Արագիլ» բարեգործական հիմնադրամի շնորհանդեսը Վերարտադրողական բժշկության հայկական ասոցիացիայի հոբելյանական X համաժողովը և «Արագիլ» բարեգործական հիմնադրամի շնորհանդեսը


–   Ովքե՞ր կարող են դիմել հիմնադրամի օգնությանը:


–   Հիմնադրամին կարող են դիմել մինչև 40 տարեկան անձիք, սակայն առաջնահերթ  աշխատանք կտարվի մինչև 35 տարեկանների հետ, քանի որ այս միջոցառման (ԱՄԲ ) համար դա ամենահեռանկարային տարիքն է: Բացի այդ, զույգն անպայման պետք է ուղեգիր ունենա արտամարմնային բեղմնավորում (ԱՄԲ) իրականացնող բժշկական որևէ հաստատությունից, ինչը կհաստատի, որ տվյալ զույգին ցուցված է ԱՄԲ: Հակառակ դեպքում՝ կան բազմաթիվ հակացուցումներ, հնարավոր բարդություններ և այլն:


–   Նկարագրեք, խնդրե՛մ, այն ճանապարհը, որը պետք անցնի զույգը, եթե որոշել է դիմել հիմնադրամին:


–   «Արագիլ» հիմնադամում գրանցվելու համար նախևառաջ անհրաժեշտ է այցելել  www.fundaragil.am կայքը, որտեղ կա անհրաժեշտ փաստաթղթերի ցուցակը: Այդ փաստաթղթերով զույգը պետք է դիմի Նաիրի բժշկական կենտրոնի 1-ին հարկում գտնվող հիմնադրամի գրասենյակ՝ հիմնադրամի տնօրեն Սուսաննա Գաբրիելյանին, յուրաքանչյուր երեքշաբթի և ուրբաթ օրերին, 13:00-15:00 ժամանակահատվածում: Փաստաթղթերն ուսումնսիրելուց հետո ուղարկվում ենք Աշխատանքի և սոցիալական հարցերի նախարարություն՝ վերջնական եզրահանգման, թե արդյո՞ք զույգը համապատասխանում է հիմնադրամի  պահանջներին: Դրական պատասխանի արդյունքում զույգը կարող է անցնել արհեստական բեղմնավորման ճանապարհը Հայաստանի Հանրապետությունում արտամարմնային բեղմնավորում իրականացնող 4 բժշկական հաստատություններից որևէ մեկում: Այդ կենտրոններն են. Պերինատոլոգիայի, մանկաբարձության և գինեկոլոգիայի ինստիտուտը, Շենգավիթ բժշկական կենտրոնը, Մոր և մանկան առողջության պահպանման գիտահետազոտական կենտրոնը և «Վիտրոմեդ» մասնավոր կլինիկան: 2014թ. հունվարի 1-ից հինադրամին կմիանա նաև կառավարության աջակցությունը: Այս հարցն արդեն քննարկվել  է Ազգային ժողովում և 2014թ. անպտղության բուժման համար պետական աջակցություն կցուցաբերվի:

 

Վերարտադրողական բժշկության հայկական ասոցիացիայի հոբելյանական X համաժողովը և «Արագիլ» բարեգործական հիմնադրամի շնորհանդեսը Վերարտադրողական բժշկության հայկական ասոցիացիայի հոբելյանական X համաժողովը և «Արագիլ» բարեգործական հիմնադրամի շնորհանդեսը Վերարտադրողական բժշկության հայկական ասոցիացիայի հոբելյանական X համաժողովը և «Արագիլ» բարեգործական հիմնադրամի շնորհանդեսը


–   Հատկապես վերջին տարիներին մեր երկրում անպտղության դեպքերը զգալիորեն շատացել են, բավակա՞ն են արդյոք գործող այս 4 կենտրոնները:


–   Հասարակության գիտակցության մեջ պետք է հստակեցվի այն գաղափարը, որ այսպիսի կենտրոնները երբեք շատ չեն լինում: Մեր հետագա անելիքների մեջ պետք է ներառենք հեռավոր շրջաններում ԱՄԲ կենտրոնների ստեղծումը: Անպտղության բուժումը միջամտություն չէ, որը կատարվում է միանվագ՝ մեկշաբաթյա այցելությունների ընթացքում: Այն տևում է 1-2 ամիս, որի ընթացքում էական բարդություններ են առաջանում հեռավոր տարածաշրջաններում ապրող զույգի համար:


–   Ի՞նչ լուծում է ստանում խնդիրը, երբ անապահով զույգը ցանկանում է ունենալ ոչ թե մեկ, այլ մի քանի երեխա:


–   Այս մեթոդի առավելություններից մեկը հետագայում զույգի ինքնուրույն երեխա ունենալու հնարավոր փաստն է: Եթե առաջին անգամ մենք ֆինանսավորում ենք արտամարմնային բեղմնավորումը, երկրորդ անգամ այդ քայլին դիմելու, այսինքն, թանկարժեք գործընթացի համար լիարժեք վճարելու կարիք չի լինում, քանի որ կինն արդեն անցել է դեղորայքային առաջին ցիկլը, արտազատել է ձվաբջիջներ, հաջորդ անգամ կարող են օգտագործվել սառեցրած մյուս բջիջները և վճարել ամբողջական միջամտության գումարի կեսը: Բացի այդ՝ առաջին արհեստական բեղմնավորումից հետո զույգը հնարավոր է ունենա նաև ինքնուրույն բեղմնավորման հաջողված փորձ:


–   «Արագիլ» հիմնադրամի շնորհանդեսը համընկավ  Վերարտադրողական բժշկության հայկական ասոցիացիայի հոբելյանական X համաժողովի հետ: Առհասարակ, ի՞նչ արձագանք ստացավ ամբողջական միջոցառումը:


–   Հոկտեմբերի 7-ին կազմակերպվեց մեր ասոցիացիայի հոբելյանական X համաժողովը, որի ընթացքում շատ կարևոր հյուրեր ունեցանք, ովքեր տարիներ շարունակ համագործակցել են մեզ հետ: Բոլորին հայտնի իրողություն է, որ մեր  բժիշկների զգալի մեծամասնությունը ի վիճակի չէ արտասահմանում վերապատրաստում անցնել, մասնակցել միջազգային մակարդակի կոնֆերանսի, քանի որ չափազանց թանկ է մասնակցությունը: Կազմակերպված կոնֆերանսին մասնակցությունը անվճար էր, և բժիշկները մեծագույն ցանկությամբ ներկա գտնվեցին թե՛ գիտաժողովին, թե՛  հիմնադրամի բացմանը: Դժվար թե ավելի պատեհ առիթ լիներ ներկայացնելու «Արագիլ»-ը, քան վերարտադրողական բժշկության հայկական ասոցիացիայի հոբելյանական X համաժողովը:

 

Վերարտադրողական բժշկության հայկական ասոցիացիայի հոբելյանական X համաժողովը և «Արագիլ» բարեգործական հիմնադրամի շնորհանդեսը


–   Ի դեպ, շնորհանդեսի ընթացքում մենք ականտես եղանք նաև երգի պրեմիերայի…


–   Այո՛, տիկին Ռիտա Սարգսյանը շատ գեղեցիկ անակնկալ էր պատրաստել:  Առաջին անգամ կատարվեց նրա կողմից գրված «Աղոթք» երգը՝ ձոն «Արագիլ» հիմնադրամին: Շատ գեղեցիկ միջոցառում ստացվեց:


–   Բազմիցս խոսվեց ներկա հյուրերի մասին, խնդրեմ, ներկայացրեք նրանց:


–   Մեզ համար շատ գնահատելի է, որ լինելով չափազանց զբաղված, համաշխարհային ճանաչում ունեցող գիտնականները, մեր հոգաբարձուների խորհրդի ադամ-բժիշկները, ովքեր չեն զլանում Հայաստան գալ, կիսել իրենց փորձը, գիտելիքները մեր բժիշկների հետ: Հիմնադրամի շնորհանդեսին և ասոցիաիցայի համագումարին ներկա էր  համաշխարհային համբավ ունեցող ֆրանսիացի պրոֆեսոր Ռենե Ֆրիդմանը, ով նաև Ֆրանսիայում «առաջին փորձանոթային» երեխայի հայրն է: Մեզ հյուրընկալել էր նաև Կալիֆորնիայի Հայ-ամերիկյան բժշկական կազմակերպության նախագահ Վիգեն Սեպիլյանը: Միջոցառմանը ներկա էր նաև բ.գ.դ., պրոֆեսոր Էմմա Վարդանյանը, ով  «Երեխաներ՝ փորձանոթից» ԱՄԲ կլինիկայի ղեկավարն է Մոսկվայում: Մեծ պատիվ էր հյուրընկալել բ.գ.դ., ակադեմիկոս Լեյլա Ադամյանին, ով Հայաստանում եղել է ավելի քան 40 տարի առաջ: Հեռանալիս նա խոստացավ անել հնարավորը, ինչը կարող է նպաստել հայաստանյան բժիշկների մասնագիտական առաջընթացին, «Արագիլ» հիմնադրամի գործունեությանը: Համագումարի հյուրն էր նաև վերարտադրողական բժշկության ականավոր մասնագետ ճապոնացի պրոֆեսոր Յոշի Մորիմոտոն:


–   Հաշվի առնելով այն փաստը, որ Դուք կանգնած եք այս հեռանկարային հիմնադրամի հիմքերում, ի՞նչ կոչ, ուղերձ ունեք հասարակությանը:


–   Մեր ժողովրդի լավագույն կողմերից մեկը դժբախտության ժամանակ համախմբվածությունն է: Բայց այս դեպքում կոչ եմ անում չսպասել, չթողնել խնդիրը հասարակության համար գերխնդրի վերածվի: Պետք չէ սպասել, թե երբ խոշոր գործընկերությունները ֆինանսական աջակցություն կցուցաբերեն, կարող եք ինքներս էլ մեր ուժերի ներածին չափով օգնել զույգերին հաղթահարելու այս կենսական նշանակություն ունեցող խնդիրը՝ անպտղությունը:      

Հեղինակ. Նելլի Ղարիբյան
Սկզբնաղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Lusine

14.06.2014

barev dzez Aragil kentroni bari andznakazm.shat urax em vor derevs mer Hayastanum kan bari mardik,u pordzum en ognel mardkanc.im mot xndir@ ayspisinn e,erku tari amusnacac em erberq chem hxiacel,virahatvel labaraskopiayov dzvaranneri polikistoz xndirov,derevs dzvazatum chi katarvel xndrum em shat dzez inch xorhurd ktayiq indz ardyoq arje dimel arhestakan bexmnavorman.naxapes shnorhakalutyun..

Մեդ-Պրակտիկ

05.06.2014

Հարգելի Հերմինե, բարև Ձեզ, ստորև ներկայացնում ենք Արագիլ հիմնադրամի տվյալները, որպեսզի Դուք հնարավորություն ունենաք անմիջապես նրանց հետ կապվել.
Հայաստան, 0015, Երևան, Պարոնյան փող., 21 շենք
Նաիրի բժշկական կենտրոն, 1-ին հարկ
(+374 10) 502 522
http://fundaragil.am/%D6%86%D5%B8%D5%B6%D5%A4%D5%AB-%D5%B4%D5%A1%D5%BD%D5%AB%D5%B6/

Մեդ-Պրակտիկ

05.06.2014

Հարգելի Hripsime, բարև Ձեզ, ստորև ներկայացնում ենք Արագիլ հիմնադրամի տվյալները, որպեսզի Դուք հնարավորություն ունենաք անմիջապես նրանց հետ կապվել.

Հայաստան, 0015, Երևան, Պարոնյան փող., 21 շենք
Նաիրի բժշկական կենտրոն, 1-ին հարկ
(+374 10) 502 522

http://fundaragil.am/%D6%86%D5%B8%D5%B6%D5%A4%D5%AB-%D5%B4%D5%A1%D5%BD%D5%AB%D5%B6/

Հերմինե

03.06.2014

Բարև ձեզ, նախ ուզում եմ իմ մեծագույն շնորհակալությունը հայտնել ձեզ այս սրբագույն աշխատանքի համար, և խնդրում եմ ձեզ պատասխանել, թե մոտավորապես երբ է սկսվելու հաջորդ փուլի գրանցումը: Պարզապես ձեր ասացի համաձայն չեմ ուզում պահը բաց թողնել, քանի որ արդեն 8 տարի է պայքարում եմ, բայց ցավոք սրտի ոչինչ չի ստացվել, իսկ ես արդեն 33 տարեկան եմ և ցուցումս միայն EKO անելն է: Խնդրում եմ օգնեք ինձ այս հարցում:

Hripsime

02.06.2014

BAREV DZEZ.ARAGIL HIMNADRAMI HARGELI ANDZNAKAZM NAX YEV ARACH XORIN SHNORHAKALUTYUNS EM HAYTNUM DZEZ BAZMATIV @NTANIQNERIN AJAKCELU HAMAR AYD TVUM NAYEV INDZ.YES DIMELEM DZER OGNUTYAN@ YEV DUK OGNELEK INDZ VORI HAMAR SHAT SHAT SHNORHAKALEM.2AMIS HETO @NDHAVTVEL E INDZ MOT HXIUTYUN@.YEV QANI VOR SARECNELU HAMAR CHEM UNECEL DZVABJIJNER HIMA UZUMEM IMANAL YES KAROXEM NORIC DIMEL DZEZ ?NAXAPES SHNORHAKALUTYUN

Մեդ-Պրակտիկ

05.05.2014

Հարգելի Ռուզաննա, բարև Ձեզ, մանրամասն տեղեկությունների համար կարող եք այցելել ԱՐԱԳԻԼ հիմնադրամի պաշտոնական կայք, որի հղումը ներկայացնում ենք.

http://fundaragil.am/%D6%86%D5%B8%D5%B6%D5%A4%D5%AB-%D5%B4%D5%A1%D5%BD%D5%AB%D5%B6/ 

Մեդ-Պրակտիկ

05.05.2014

Հարգելի HERMINE, բարև Ձեզ, ստորև ԱՐԱԳԻԼ հիմնադրամի պաշտոնական կայքի հասցեն է, որտեղ Դուք կարող եք ծանոթանալ բոլոր պայմաններին:

http://fundaragil.am/%D6%86%D5%B8%D5%B6%D5%A4%D5%AB-%D5%B4%D5%A1%D5%BD%D5%AB%D5%B6/

Ruzanna

28.04.2014

Barev dzez.Es 44 tarekan em, 2 u kes tari e amusnacats em,bayc erbeq chem hxiacel,gnacel em tarber hetazotutyunneri,handznel em tarber analizner ev amen ban normal e.Amusins nuynpes hetazotvel e,ir mot el amen inch normal e.Karox em dzez mot hertagrvel.

HERMINE

27.04.2014

Barev Dzez, nerexutyun shat kcankanay texekanal te inch pastatxter en anhrajesht "Bari aragil himnadramin" nerkayacnelu hamar! naxapes shnorhakalutyun!

HERMINE

27.04.2014

barev dzez/ xndrum em aseq Aragil himnadrami myus pul@ erb ksksvi. xndrum em hnaravorins shut patasxaneq/naxapes shnorhakalutyun.

Մեդ-Պրակտիկ

23.04.2014

Հարգելի Ruzana, բարև Ձեզ, ցավոք այդ խնդրում մենք ի զորու չենք օգնել, եթե իրավամբ հերագրումը գերազանցել է հնարավոր քանակը: Սակայն պետք չէ հուսահատվել, ծրագիրը երկարատև է և անպայման նորից կվերսկսեն գրացումները, հարկավոր է ուշադիր լինել և պահը բաց չթողնել:

Ruzana

20.04.2014

barev dez es ruzananem dimumem mi xntrankov oknek grantvem aragil himnadram. arten mi kani ankam dimelem himnadram ind patasxanelen vor jamanakavor @ntunelutyun@ dadaretvat e !sa im miak huysne,arten 10 tariye cem mayranum xntrumem oknek ind, naxapes snorakalutyun

Մեդ-Պրակտիկ

17.04.2014

Հարգելի Anna, բարև Ձեզ, որքանով տեղեկացված ենք, ժամանակավորապես դադարեցվել են դիմումների ընդունումը՝ դիմումների մեծ քանակի պատճառով: Տեղեկությունների համար կարող եք այցելել «Վերարտադրողական բժշկության աջակցության «ԱՐԱԳԻԼ» բարեգործական հիմնադրամ»-ի պաշտոնական կայք:

Anna

16.04.2014

Barev Dzez, nerexutyun shat kcankanay texekanal te inch pastatxter en anhrajesht "Bari aragil himnadramin" nerkayacnelu hamar! naxapes shnorhakalutyun!

Anna

16.04.2014

Barev dzez, vor xndrem kaseq inch pastatxter en petq hertagrvelu hamar?

Մեդ-Պրակտիկ

13.04.2014

Հարգելի Mariam, բարև Ձեզ, որքան մեզ հայտնի է, ժամանակավորապես դադարեցրել են դիմումներ ընդունելը, քանի որ դիմողների թիվը գերազանցել է հնարավորությանը: Հետևեք ԱՐԱԳԻԼ կայքի նորություններին. http://fundaragil.am/

Mariam

12.04.2014

Barev dzez .Es 4 amise inch spasum em,u vohc mi drakan patasxan/Ka ardyoq //Aragil// himnadram@,ete ka erb ayn ksksvi.Xndrum em hnaravorins shut patasxaneq.Naxapes shnorhakalutyun///

Մեդ-Պրակտիկ

12.04.2014

Հարգելի այցելուներ, բարև ձեզ, ծրագրային փոփոխությունների պատճառով հաղորդագրություններին հետևելը ժամանակավորապես անհնար էր դարձել, որի համար հայցում ենք ձեր ներողամտությունը: Եթե խնդիրը մնում է հրատապ, խնդրում ենք գրել մեզ և մենք կպատասխանենք այս պահից սկսած:

Tamar

30.03.2014

Barev dzez, es uzum em imanal erb karox em hertagrvel? shat em xndrum patasxaneq, es hogepes shat tsanr vichakum em. Naxapes shnorhakal em.

KARINE

27.03.2014

ES UXARKI XNDRUMEM INC OGNEL, UZUMEM MAYR DARNAL

Mariam

26.03.2014

barev dzez/ xndrum em aseq Aragil himnadrami myus pul@ erb ksksvi. xndrum em hnaravorins shut patasxaneq/naxapes shnorhakalutyun.

Asha

24.03.2014

dzer kayqum es texekaca vor aylevs dimumner chen @ndunvum incpes karox enq imanal erb noric ksksven grancumner@

asha

24.03.2014

kxndrei indz mi qich aveli shut patasxaneiq inch pastatxter en anhrajesht dimelu dzer hastatutyun es chem gtnum ayd harci p-atasxan@ greq aystex lav...ev ardyoq arhestakan bexmnavorum@ anvchar e... naxapes shnorhakalutyun)))) es arden 3 tari e chem hxianum ev cankanum em aycelel

Asha

23.03.2014

barev dzez es chem karoxabum gtnel ayn pastatxter@ voronq anhrajesht en xndrum em nshel aystex

Nara 1984

20.03.2014

Barev dzez hargeli bjshkuhi....xndrumem asek inche irenic nerkayacnum argandi biopsian....inch exanakov en ain anum..u ardiok da chi xangaruh hetegaum hxianalun.....nshem vor 3 tarva chberutyun ka im mot u 2 amise conografiai tvyalnerov argandi endometrian hastanum e hima dardzel e 13......ardiok daid vochakov imast uni biopsian...es uzumem hrasharvel dranic....

1111

19.03.2014

xndrum em harcs mi jnjeq ete karox eq patasxaneq, hnaravor e kin@ hxianal ete kanaci borboqum uni. shnorhakalutyun

Manushak

17.03.2014

bari ereko... Hunvar amsin es nerkayacel em dzer kentron ev es indz het nerkayacrel em dzer pahanjach bolor pastatxter@ ev im heraxosahamr@ vercnelov asaciq vor erb hertagrum@ sksvi dzes texyak kpahem....bayc minch aysor texekutyun chunem....karox em es vax@ nerkayuanal ev grancvel???......

Լեռա

17.03.2014

Բարեվ ձեզ...Կուզեի իմանալ, հնարավոր է արդյոք, որ ձեր ծրագրով կարող է հղիանալ նաև ՄԻԱՎ-ով ապրող կինը

Մեդ-Պրակտիկ

16.03.2014

Հարգելի Նազիկ, բարև Ձեզ, վաղը կկապվեննք և Ձեզ պատասխան կգրենք:

Kristina

13.03.2014

Barev dez,xndrum em asek ekrort puli hertagrum@ erb e sksvelu?An@ndat hetakrkrvum enk bayc mez patasxanum en vor voch vok chgiti te erb klini.umich kam inchpes karox enk havasti tvyal unenal.....naxapes shnorakalutyun

Կարդացեք նաև

Փոխնակ մայրություն. հարցազրույց գինեկոլոգ-վերարտադրողաբան Լուսինե Բալայանի հետ. morevmankan.am
Փոխնակ մայրություն. հարցազրույց գինեկոլոգ-վերարտադրողաբան Լուսինե Բալայանի հետ. morevmankan.am

Ի՞նչ է փոխնակ մայրությունը:


Փոխնակ մայրությունը կնոջ կողմից երեխայի կրումը և ծննդաբերումն է մեկ ուրիշ անձի կամ անձանց համար...

ԼՈՒՐԵՐ: Մանկաբարձություն և ուրոգինեկոլոգիա ԿԻՆ: Անպտղություն
Վիտամին D-ն` հղիության ժամանակ. morevmankan.am
Վիտամին D-ն` հղիության ժամանակ. morevmankan.am

Վիտամին D-ն կենսական անհրաժեշտության էլեմենտ է, որը կարող է մորից փոխանցվել երեխային ներարգանդային կյանքի ընթացքում: Ինչպես հետազոտություններն են ցույց տալիս, այն օգնում է պտղի գլխուղեղի զարգացմանը...

Պերինատոլոգիա, մանկաբարձություն և ուրո-գինեկոլոգիա
Սաղմի սառեցում և պահպանում. հարցազրույց բժիշկ-վերատադրողաբան, սաղմնաբան Անժելա Հարությունյանի հետ. morevmankan.am
Սաղմի սառեցում և պահպանում. հարցազրույց բժիշկ-վերատադրողաբան, սաղմնաբան Անժելա Հարությունյանի հետ. morevmankan.am

Ի՞նչ է էմբրիոնի կրիոկոնսերվացիան:
Էմբրիոնի կրիոկոնսերվացիան արտամարմնային բեղմնավորման (ԱՄԲ) միջոցով ստացված էմբրիոնների...

Պերինատոլոգիա, մանկաբարձություն և ուրո-գինեկոլոգիա
Ատամների ախտահարումը և բուժումը հղիության ժամանակ. morevmankan.am
Ատամների ախտահարումը և բուժումը հղիության ժամանակ. morevmankan.am

Ինչո՞ւ հղիության ժամանակ հաճախ են ախտահարվում ատամները


Կնոջ առողջական վիճակից և ժառանգականությունից կախված, հղիության ընթացքում ատամները կարող են...

Պերինատոլոգիա, մանկաբարձություն և ուրո-գինեկոլոգիա Ստոմատոլոգիա
Կրիոկոնսերվացիան` գինեկոլոգիայում. հարցազրույց բժիշկ-վերատադրողաբան, սաղմնաբան Անժելա Հարությունյանի հետ. morevmankan.am
Կրիոկոնսերվացիան` գինեկոլոգիայում. հարցազրույց բժիշկ-վերատադրողաբան, սաղմնաբան Անժելա Հարությունյանի հետ. morevmankan.am

Ի՞նչ է կրիոկոնսերվացումը:


Կրիոկոնսերվացիան կենսանյութի սառեցումը և պահպանումն է, որն ապասառեցումից հետո օգտագործվում է...

Պերինատոլոգիա, մանկաբարձություն և ուրո-գինեկոլոգիա ԿԻՆ: Անպտղություն
Հետծննդյան դեպրեսիա. հարցազրույց Էլեոնորա Սաղաթելյանի հետ. morevmankan.am
Հետծննդյան դեպրեսիա. հարցազրույց Էլեոնորա Սաղաթելյանի հետ. morevmankan.am

Հետծննդյան դեպրեսիան հետծննդյան շրջանում բավանակին տարածված հուզական խանգարում է...

Առողջ կին
Ապգարի սանդղակ. հարցազրույց բժիշկ-նեոնատոլոգ Աստղիկ Քոչարյանի հետ. morevmankan.am
Ապգարի սանդղակ. հարցազրույց բժիշկ-նեոնատոլոգ Աստղիկ Քոչարյանի հետ. morevmankan.am

Ի՞նչ է  Ապգարի սանդղակը։

Ապգարի սանդղակը նորածնի վիճակի արագ և ստանդարտ գնահատման միջազգային ընդունված համակարգ է...

Առողջ երեխա
Սննդակարգը հղիության ժամանակ. հարցազրույց ՄՄԱՊԳԿ մանկաբարձ-գինեկոլոգ Արմեն Բադալյանի հետ. morevmankan.am
Սննդակարգը հղիության ժամանակ. հարցազրույց ՄՄԱՊԳԿ մանկաբարձ-գինեկոլոգ Արմեն Բադալյանի հետ. morevmankan.am

Հղիությունը բաժանվում է երեք եռամսյակի: Յուրաքանչյուր եռամսյակին բնորոշ և կարևոր են որոշակի մթերքներ, որոնք անհրաժեշտ են հղիին...

Սնունդը և առողջությունը
Վիտամինները, միներալները և հղիությունը. հարցազրույց ՄՄԱՊԳԿ մանկաբարձության և գինեկոլոգիայի ամբիոնի դոցենտ Սուրեն Ազիզյանի հետ
Վիտամինները, միներալները և հղիությունը. հարցազրույց ՄՄԱՊԳԿ մանկաբարձության և գինեկոլոգիայի ամբիոնի դոցենտ Սուրեն Ազիզյանի հետ

Ինչպե՞ս է պտուղը ստանում իրեն անհրաժեշտ միներալները և վիտամինները:


Մոր օրգանիզմում զարգացող պտուղն իրեն անհրաժեշտ սպիտակուցները, միներալները և այլ անհրաժեշտ...

Պերինատոլոգիա, մանկաբարձություն և ուրո-գինեկոլոգիա
Հղիության վերահսկումը COVID-19 պանդեմիայի ժամանակ. tsnndatun.am
Հղիության վերահսկումը COVID-19 պանդեմիայի ժամանակ. tsnndatun.am

COVID-19-ի լայն տարածման ժամանակ հղիների անվտանգությունը մեծ ուշադրություն է պահանջում: Հղիության նորմալ ընթացքի համար անհրաժեշտ է բժշկին այցելել 4 անգամ, ևս 3 անգամ` անցկացնել հեռախոսային խորհրդատվություն...

Վարակաբանություն Պերինատոլոգիա, մանկաբարձություն և ուրո-գինեկոլոգիա
Ճարպակալումը և հղիությունը. հարցազրույց Լուսինե Մանուկյանի հետ. morevmankan.am
Ճարպակալումը և հղիությունը. հարցազրույց Լուսինե Մանուկյանի հետ. morevmankan.am

Ավելորդ քաշի, ճարպակալման խնդիրը խիստ արդիական է և վերջին տարիներին դարձել է լուրջ բժշկա-սոցիալական, համաշխարհային առողջապահական խնդիր: Ըստ Առողջապահության համաշխարհայի...

Պերինատոլոգիա, մանկաբարձություն և ուրո-գինեկոլոգիա Ճարպակալում
Կեսարյան հատում. հարցազրույց Արմեն Բադալյանի հետ. morevmankan.am
Կեսարյան հատում. հարցազրույց Արմեն Բադալյանի հետ. morevmankan.am

Ի՞նչ է իրենից ներկայացնում

Կեսարյան հատումը վիրահատություն է, որի ժամանակ երեխան ծնվում է ոչ թե բնական ծննդաբերական ուղիներով...

Պերինատոլոգիա, մանկաբարձություն և ուրո-գինեկոլոգիա Բժշկի ընդունարանում
Երիկամային քարերի առաջացման պատճառները հղիության ժամանակ. morevmankan.am
Երիկամային քարերի առաջացման պատճառները հղիության ժամանակ. morevmankan.am

Անգամ նորմալ ընթացող հղիությունն, իսկական, սթրես է կնոջ օրգանիզմի համար: Այդ ֆոնի վրա բոլոր քրոնիկական հիվանդությունները հիշեցնում են իրենց մասին:  Հղիության ժամանակ երիկամային քարերը դրա ցայտուն ապացույցն են...

Պերինատոլոգիա, մանկաբարձություն և ուրո-գինեկոլոգիա
Ցավազրկումը ծննդաբերության ժամանակ. հարցազրույց Կարեն Չիլինգարյանի հետ. morevmankan.am
Ցավազրկումը ծննդաբերության ժամանակ. հարցազրույց Կարեն Չիլինգարյանի հետ. morevmankan.am

Դեղորայքային, ոչ դեղորայքային և ինհալացիոն անզգայացում

Դեղորայքային, ինհալացիոն ցավազրկման մեթոդներն իրենց դարն արդեն ապրել են: Ամբողջ աշխարհում...

Պերինատոլոգիա, մանկաբարձություն և ուրո-գինեկոլոգիա
Հղիության 42-րդ շաբաթ. morevmankan.am
Հղիության 42-րդ շաբաթ. morevmankan.am

Ապագա մոր որովայնում երեխայի զարգացումն ավարտված է: Մոտակա ծննդաբերության նշաններն են՝ քիչ քանակի արյունային արտադրություն, որովայնի իջեցում և լորձային խցանի հեռացում: Այդ նախանշանների բացակայության...

Պերինատոլոգիա, մանկաբարձություն և ուրո-գինեկոլոգիա Հղիությունը շաբաթներով՝ ըստ ամիսների

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ