Նախապատրաստվում ենք ծննդաբերության. Սալուտեմ ամսագիր №4

Հղիության 37 շաբաթն անցնելուց հետո ապագա մայրիկը պետք է նախապատրաստվի ծննդաբերության: Չափազանց կարևոր է փաստաթղթերի և ծննդատուն տանելու պայուսակի պարտադիր և ցանկալի իրերի ցանկը կազմելը: Ստորև ներկայացնում ենք ապագա մայրիկի և նորածնի համար կարևոր 10-ական իրերի ցանկը։

Ի՞նչ տանել ծննդատուն

Մայրիկի համար.

• փաստաթղթեր (անձնագիր, ամունության վկայական, փոխանակման քարտ, որը տրամադրում են նախածննդյան կենտրոններում),
• բամբակյա հարմարավետ հագուստ` ծննդաբերության համար (գերադասելի է՝ կոճակներով),
• գուլպաներ, տաք վերնահագուստ, քանի որ շատ հաճախ ծնընդաբերությունից անմիջապես հետո կինը սկսում է դողացնել,
• փափկեցնող նրբաքսուք շրթունքների համար (օրինակ՝ վազելին),
• գիշերանոց (գերադասելի է՝ կոճակներով, որ կերակրելու համար հարմար լինի),
• ներքնազգեստ (մի քանի հատ, ցանկալի է` 100%-անոց բամբակյա),
• կերակրող մայրերի համար նախատեսված հատուկ կրծկալ (մեկ չափսով ավելի մեծ), ինչպես նաև կրծկալի համար նախատեսված ներծծող ներդիրներ,
• ատամի խոզանակ, մածուկ, լոգանքի պարագաներ (մարմնի գել, շամպուն), սրբիչ (դեմքի և մարմնի ), հողաթափեր, մազակալ,
• հեռախոսի լիցքավորիչ,
• ծննդատնից դուրս գրվելու հագուստ:

Նորածնի համար.

• եղանակից կախված՝ երկարաթև կամ կարճաթև բոդի (2-3 հատ), գուլպաներ (4-5 զույգ), գլխարկ (2-3 հատ),
• եղանակից կախված` ծածկոց,
• միանվագ օգտագործման տակդիրներ,
• նորածնի համար` ծծակ (եթե մտադիր եք երեխային տալ),
• բաղնիքի սրբիչ (2-3 հատ),
• հատուկ նորածինների համար լոգանքի պարագաներ (մարմնի գել, շամպուն),
• խոնավ անձեռոցիկներ (ուշադրություն դարձրեք բաղադրությանը, գնեք ալկոհոլ չպարունակող անձեռոցիկներ),
• կերակրելուց հետո գղտալու դեպքում հետ տված կաթի հետքերից խուսափելու համար մայրիկի ուսին փռելու բամբակյա կտորներ,
• հարկ է վերցնել նաև կթիչ` առատ կաթնարտադրության դեպքում կրծքագեղձի բորբոքումից խուսափելու համար,
• իհարկե, այդքան սպասված երեխայի համար դուրս գրման հագուստ:

Վիտորյա Դերիկյան, մանկաբարձուհի
«Էրեբունի» բժշկական կենտրոն

«ՍԱԼՈՒՏԵՄ» առողջ ապրելակերպի ամսագիր
Պետական գրանցման համար․ 211․200․00969
[email protected]
+(374) 91 64 10 15
+(374) 98 79 15 15

Հարցեր, պատասխաններ, մեկնաբանություններ