Չոր մաշկ՝ ախտաբանությո՞ւն, թե՞ նորմա. Սալուտեմ ամսագիր №4

Մաշկն օրգանիզմի ամենամեծ և մարդու կողմից ամենատեսանելի օրգանն է, հետևաբար հենց մաշկն է ամենաշատ տեղեկություններ հաղորդում օրգանիզմի և նրանում կատարվող ֆիզիոլոգիական ու ախտաբանական գործընթացների մասին: Շատ ախտաբանություններ, մինչև բուն ախտանիշների արտահայտվելը, նկատելի կամ ճանաչելի են դառնում հենց մաշկի արձագանքի շնորհիվ: Այսինքն՝ մաշկի որակի, գույնի, առաձգականության փոփոխությունը դիտարկվում է որպես ախտանիշ կամ առանձին հիվանդություն:

Առաջինը, որը նկատվում և անհանգստացնում է մարդկանց՝ հատկապես կանանց ու երեխաներին, մաշկի չորությունն է, որն առավել արտահայտվում է աշնան և ձմռան ամիսներին:

Անհարթ, թեփոտած մաշկը, մակերեսային ճաքերը, անհանգստացնող քորը խիստ ազդում են կյանքի որակի վրա: Պատճառները կարող են տարբեր լինել՝ կենցաղային և աշխատանքային պայմաններ, վիտամին A-ի պակաս, ներծծման անբավարարություն, ճարպագեղձերի և քրտնագեղձերի հիպոֆունկցիա, մի շարք քրոնիկ մաշկային ախտաբանություններ, ինչպես նաև` տարվա սառը եղանակ և մաշկի ոչ ճիշտ խնամք:

Պատճառները բազմաթիվ են, իսկ լուծումը պայմանավորված է մի քանի հիմնական գործոններով՝ պատճառի հայտնաբերում, բուժում և/կամ ճիշտ խնամք, որը բացառում է սպիրտի և եթերների խառնուրդով մաքրող միջոցների օգտագործումը, նպաստող գործոնի վերացում:

Արդյունավետ են ներգործում վիտամին A և E, լանոլին, գլիցերին, բուսայուղեր պարունակող քսուքները:

Ստորև ներկայացնում եմ ժամանակի փորձությունն անցած շատ պարզ մեթոդ, որը խորհուրդ է տրվում օգտագործել ձմռան երեք ամիսներին և ունենալ գեղեցիկ ու խնամված ձեռքեր.

• 1 բաժակ գոլ կաթին ավելացնել 2-3 ճաշի գդալ ձիթապտղի յուղ, և շաբաթը 2 անգամ մի քանի րոպե ձեռքերն ընկղմել ստացված խառնուրդում:

Ռուզաննա Սահակյան, մաշկաբան
«Ս. Աստվածամայր» բժշկական կենտրոն
Երևան, Արտաշիսյան 46ա,  
+374 91 00 77 22

«ՍԱԼՈՒՏԵՄ» առողջ ապրելակերպի ամսագիր
Պետական գրանցման համար․ 211․200․00969
[email protected]
+(374) 91 64 10 15
+(374) 98 79 15 15

Հարցեր, պատասխաններ, մեկնաբանություններ