Ինչ պետք է իմանալ ջերմային կամ արևային հարվածի մասին. Սալուտեմ ամսագիր №3

Ջերմային հարված սովորաբար տեղի է ունենում, երբ մարդը գերտաքանում է։ Դա կարող է պատահել աշխատելիս, մարզվելիս կամ պարզապես շոգ վայրում գտնվելիս։ Ջերմային հարվածը չբուժելու դեպքում կարող են վնասվել ներքին օրգանները։ Որոշ դեպքերում ջերմային հարվածը կարող է նույնիսկ մահացու լինել։

Երբ մարմնի ջերմաստիճանը բարձրանում է 40°С-ից բարձր, իսկ մարմինը կորցնում է սառչելու ունակությունը, դա համարվում է ջերմային հարված։

Որոշ մարդիկ, այդ թվում՝ երեխաները, տարեցները, ավելցուկային քաշով մարդիկ, ավելի են ենթակա ջերմային հարված ստանալուն։

Ջերմային (արևային) հարվածի ախտանիշներն են.

• գլխապտույտ,
• հոգեկան փոփոխություններ,
• գիտակցության մթագնում,
• ցնցումներ (հատկապես երեխաների մոտ),
• զառանցանք,
• անհասկանալի խոսք,
• դյուրագրգիռ վիճակ,
• սրտխառնոց:

Ջերմության հետևանքով ջերմային հարվածի դեպքում մաշկը տաք է և չոր։

Ֆիզիկական ծանրաբեռնվածության հետևանքով առաջացած ջերմային հարվածի դեպքում մաշկը խոնավ է և առկա են հետևյալ ախտանիշները.

• պուլսացող գլխացավ,
• մաշկի գույնի փոփոխություն,
• հաճախացած և մակերեսային շնչառություն,
• սրտի կծկումների հաճախության ավելացում։

http://medifast.com.ua

«ՍԱԼՈՒՏԵՄ» առողջ ապրելակերպի ամսագիր
Պետական գրանցման համար․ 211․200․00969
[email protected]
+(374) 91 64 10 15
+(374) 98 79 15 15

Հարցեր, պատասխաններ, մեկնաբանություններ