Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

 

Սալուտեմ 3.2021

Արևային այրվածքներ: Ինչո՞վ է վտանգավոր արևային այրվածքը. Սալուտեմ ամսագիր №3

Արևային այրվածքներ: Ինչո՞վ է վտանգավոր արևային այրվածքը. Սալուտեմ ամսագիր №3

Արևային այրվածքներն առաջանում են մաշկի վրա ուլտրամանուշակագույն ճառագայթների ավելցուկային ազդեցության հետևանքով, ընդ որում, ուլտրամանուշակագույն-B ճառագայթների սպեկտրի ալիքները (280-320 նմ) առաջացնում են առավել արտահայտված ռեակցիա։


Արևային այրվածքների նկատմամբ հարկ է զգուշավոր լինել, քանի որ և՛ մաշկին, և՛ ամբողջ օրգանիզմին կարող են մեծ վնաս հասցնել։ Ժամանակին և ճիշտ բուժումը թույլ է տալիս արագ ձերբազատվել այրվածքի հետևանքներից, սակայն ավելի ուշ մաշկը կարող է ծածկվել պիգմենտային բծերով, խալերով, կնճիռներով, սեբորեային կերատոմաներով: Բազմակի արևային այրվածքների հետևանքով կարող են առաջանալ մաշկի քաղցկեղ և մելանոմա, իսկ ուլտրամանուշակագույն ճառագայթները կարող են քայքայիչ ազդեցություն ունենալ ԴՆԹ-ի կառուցվածքի վրա:


Փաստեր արևային այրվածքների մասին


Մելանոմայի առաջացման ռիսկը կրկնապատկվում է, եթե կյանքի ընթացքում մարդը արևային այրվածք է ստանում 5 և ավելի անգամ: Մանկության կամ դեռահասության շրջանում ուժեղ արևային այրվածքի նույնիսկ մեկ դրվագի դեպքում հետագա կյանքում մելանոմայի զարգացման ռիսկը մեծանում է ավելի քան 2 անգամ:


Մինչև 6 ամսական երեխաներին պետք է հեռու պահել արևային ճառագայթների ազդեցությունից: Ցանկացած արևային այրվածք, նույնիսկ թեթև աստիճանի, վնասում է մաշկը:


Կլինիկական դրսևորումները


Արևային այրվածքի ախտանիշները և նշանները դըր-սևորվում են 1-24 ժամ անց և, բացառությամբ ծանր ռեակցիաների, պիկին հասնում են 72 ժամվա ընթացքում (սովորաբար 12-24 ժամվա ընթացքում): Մաշկի փոփոխությունները տատանվում են թեփոտվող թեթև էրիթեմայից մինչև ցավ, այտուց, մաշկի բարձր զգայնություն և բշտերի առաջացում: Առաջին հերթին այրվում են մարմնի դուրս ցըցված մասերը՝ ճակատը, քիթը, ականջները, ուսերը, ծնկները: Լողի ժամանակ ռիսկի գոտում են հայտնվում կուրծքը և մեջքը: Մաշկային ծածկույթի մեծ մակերեսի ախտահարման դեպքում կարող են զարգանալ ընդհանուր ախտանիշներ (մարմնի ջերմաստիճանի բարձրացում, սարսուռ, թուլություն, շոկ), որոնք պայմանավորված են հակաբորբոքիչ ցիտոկինների արտադրությամբ, ինչպիսին է, օրինակ, ԻԼ-1-ը: Արտահայտված արևային այրվածքից մի քանի օր հետո մաշկը կարող է թեփոտվել:
Արևային այրվածքի ամենահաճախ դիտվող բարդություններ են երկրորդային վարակը, կայուն բծային պիգմենտացիան և մաշկի քաղցկեղի զարգացման ռիսկի զգալի բարձրացումը: Թեփոտումից մի քանի շաբաթ հետո մաշկը կարող է չափազանց զգայուն լինել արևային լույսի նկատմամբ։


Առաջին օգնությունն՝ արևային այրվածքների ժամանակ

 

  • Անմիջապես թաքնվել ստվերում։ Կարմրած մաշկը արևային այրվածքի ախտանիշ է, և արևի շարունակական ազդեցությունը միայն կուժեղացնի այրվածքը։
  • Ինչպես ցանկացած այրվածքի դեպքում, արևային այրվածքի ժամանակ նույնպես անհրաժեշտ է մաշկի տուժած հատվածը սառեցնել սառցի կտորներով։ Այդ նպատակով կարելի է կիրառել սառը ջուր կամ հակասեպտիկների ջրային լուծույթներ (օրինակ, ֆուրացիլին, քլորհեքսիդին)։ Բշտերի առաջացման դեպքում դրանք ինքնուրույն` սեղմելով պատռել չի կարելի, պետք է հակասեպտիկներով վիրակապ դնել և դիմել բուժօգնության։
  • Անհրաժեշտ է շատ ջուր կամ այլ հեղուկներ խմել։
  • Արևային այրվածքների մեծ մակերեսի դեպքում և ընդհանուր վիճակի վատթարացման ժամանակ պետք է դիմել բուժօգնության։
  • Հարկ է խոնավացնել «այրված» մաշկը դրա համար նախատեսված հատուկ միջոցներով։
  • Կրել ազատ, արևից առավելագույնս պաշտպանող բնական գործվածքից կարված հագուստ։ Կոպիտ հյուսվածքները և սինթետիկ նյութերը կարող են գրգռել մաշկը։
  • Խուսափել արևի ուղիղ ճառագայթներից՝ նույնիսկ արևապաշտպան քսուքների կիրառման դեպքում։
 

Դիմեք բժշկի հետևյալ դեպքերում.


  • արտահայտված ցավոտ այրվածք՝ մեծ քանակությամբ բշտերով,
  • մաշկի մեծ մասը ծածկող արևային այրվածք,
  • գլխացավեր կամ տենդ,
  • սրտխառնոց և փսխում,
  • ընդհանուր թուլություն, սարսուռ կամ հոգնածություն,
  • գլխապտույտ կամ գիտակցական վիճակի փոփոխություններ,
  • հաճախացած սրտխփոց,
  • արտահայտված ծարավի զգացում,
  • մեզի քանակի նվազում,
  • թարախ, այտուց և թմբիկավոր բշտեր։
 
 

Երեխաների արևային այրվածքների բուժումը


Արևային այրվածքի նշանները երեխաների մոտ դըր-սևորվում են արևի տակ 6-12 ժամ մնալուց հետո՝ առավելագույն անհարմարավետություն առաջացնելով առաջին 24 ժամվա ընթացքում։ Եթե այրված մասն ընդամենը կարմիր է, տաք և ցավոտ, ինքներդ կարող եք գլուխ հանել։ Կիրառեք սառը թրջոցներ կամ երեխային լողացրեք սառը ջրով։ Կարելի է տալ ցավազրկողներ անհարմարավետությունը նվազեցնելու նպատակով։ Անպայման համոզվեք, որ դեղը և չափաբաժինը երեխայի տարիքին և քաշին համապատասխան են։ Եթե այրվածքի ժամանակ բշտեր են առաջացել, տենդ է սկսվել, գլխացավ կամ հիվանդության ընդհանուր զգացողություններ, դիմեք բժշկի։


Լուրջ արևային այրվածքները պետք է անմիջապես մշակել այնպես, ինչպես ցանկացած այլ ծանր այրվածք, իսկ եթե դրանք շատ մեծ մակերես են ընդգրկում, հնարավոր է՝ ստացիոնար բուժման կարիք լինի։


Բշտերի միջոցով կարող է վարակ ներթափանցել, ինչը հակաբիոտիկներով բուժում կպահանջի։ Երբեմն ծանր արևային այրվածքները հանգեցնում են երեխայի ջրազրկման կամ ուշագնացության (ջերմային հարված)։ Այդ դեպքում պետք է անմիջապես շտապօգնություն կանչել։


Ժողովրդական միջոցներ` արևային այրվածքների ժամանակ


Այրոցը նվազեցնող և մաշկը վերականգնող հատկություն ունեն հալվեից պատրաստած լոսյոնները կամ քսուքները։
Օգտագործեք սառը տոպրակներ կամ թարմ եփված թեյ։ Սև թեյի մեջ պարունակվող նյութերը նպաստում են այրվածքի շրջանում ջերմության նվազեցմանը և pH-ի մակարդակի վերականգնմանը՝ արագացնելով ապաքինումը։


Համարվում է, որ վարունգն օժտված է բնական հակաօքսիդանտ հատկություններով` մաշկի սառեցման համար։ Կարող եք կտրտել այն և դնել մաշկի վրա կամ քերել և քերուկով պատել վնասված մաշկը։


Կանխարգելում


Նախազգուշական պարզ միջոցները (ճառագայթման բացառում` հատկապես կեսօրին, խիտ հյուսվածքով հագուստ, լայնեզր գլխարկ և արևապաշտպան ակնոց, արևապաշտպան միջոցների կիրառում) զգալիորեն նվազեցնում են արևային այրվածքի ռիսկը։


https://kubnews.ru
http://lebzdrav.ru
https://www.medkirov.ru
http://www.bsmp.by
https://medchannel.ru
https://fantasyclinic.ru
https://saltmag.ru
https://paramedic.ua
https://www.laroche-posay.ru
https://zdravcity.ru/

 

«ՍԱԼՈՒՏԵՄ» առողջ ապրելակերպի ամսագիր
Պետական գրանցման համար․ 211․200․00969
magazinesalutem@gmail.com
+(374) 91 64 10 15
+(374) 98 79 15 15

Սկզբնաղբյուր. «Սալուտեմ» առողջ ապրելակերպի ամսագիր, N3
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Share |

Հարցեր, պատասխաններ, մեկնաբանություններ

Կարդացեք նաև

Աուտիզմը՝ որպես զարգացման ընդհանուր խանգարում. Սալուտեմ ամսագիր №3
Աուտիզմը՝ որպես զարգացման ընդհանուր խանգարում. Սալուտեմ ամսագիր №3

Հոգեբանական զարգացման ընդհանուր խանգարումները բնորոշվում են սոցիալական փոխհարաբերություններում և հաղորդակցման ոլորտում որակական շեղումներով, ինչպես նաև հետաքրքրությունների...

Առողջ երեխա Հոգեկան առողջություն
Գլաուկոմա. Սալուտեմ ամսագիր №3
Գլաուկոմա. Սալուտեմ ամսագիր №3

Գլաուկոման հիվանդություն է, որն ախտահարում է տեսողական նյարդը և հանգեցնում անդառնալի կուրության։ Այն անդառնալի կուրության հիմնական պատճառներից է և նման հիվանդությունների շարքում գրավում է երկրորդ տեղը...

Ակնաբանություն
Ճանապարհորդի դեղատուփը. Սալուտեմ ամսագիր №3
Ճանապարհորդի դեղատուփը. Սալուտեմ ամսագիր №3

Սկսվել է երկար սպասված արձակուրդային հրաշալի ժամանակաշրջանը։ Ձմեռվա երկար երեկոներին շատերս էինք երազում, թե ինչպես պիտի կապենք ճամպրուկները, ընտրում էինք ճամփորդական երթուղիներ...

Առաջին նախաբժշկական օգնություն
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3

Խոստովանում է՝ եթե նորից վիճակվեր ընտրություն կատարել, ապա կրկին բժշկի մասնագիտությունը կընտրեր։ Իր հաջողությունների ու ձեռքբերումների, հաղթահարած դժվարությունների մասին վաստակաշատ...

Բժշկի ընդունարանում Բժիշկներ
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3

Մեր հայրենակից Սարգիս Կիրամիջյանը, որ բնակություն է հաստատել ԱՄՆ-ում, իր մասնագիտական ուղին մանուկ հասակում է ընտրել։ Փոքրիկ Սարգսի վրա խոր ազդեցություն էր թողել սիրելի պապիկը, որ երկար տարիներ տառապում էր...

Բժշկի ընդունարանում Բժիշկներ
Կոփում. Սալուտեմ ամսագիր №3
Կոփում. Սալուտեմ ամսագիր №3

Կոփման ընդհանուր կանոնն ամեն օր սխրանք գործելն է։ Եթե սովորել եք երկար ժամանակ կիրառվող որևէ մեթոդի, ժամանակն է ընդլայնել հնարավորությունների հորիզոնները...

Առողջ ապրելակերպի հիմունքները
Ինչպես խնամել ոտքերը. Սալուտեմ ամսագիր №3
Ինչպես խնամել ոտքերը. Սալուտեմ ամսագիր №3

Ոտքերն օգնում են տեղաշարժվել ամբողջ օրվա ընթացքում: Ամեն օր քայլքի ժամանակ ոտքերը, փաստորեն, իրենց վրա կրում են քաշը կրկնակի գերազանցող ծանրաբեռնվածություն: Այդ պատճառով շատ կարևոր է խնամել դրանք...

Մարմնի խնամք
Ինչ պետք է իմանալ ջերմային կամ արևային հարվածի մասին. Սալուտեմ ամսագիր №3
Ինչ պետք է իմանալ ջերմային կամ արևային հարվածի մասին. Սալուտեմ ամսագիր №3

Ջերմային հարված սովորաբար տեղի է ունենում, երբ մարդը գերտաքանում է։ Դա կարող է պատահել աշխատելիս, մարզվելիս կամ պարզապես շոգ վայրում գտնվելիս։ Ջերմային հարվածը չբուժելու դեպքում կարող են վնասվել ներքին օրգանները...

Առաջին նախաբժշկական օգնություն
Արևային ճառագայթում: Արևային բռնկումները՝ բարձր ճառագայթման վտանգ. Սալուտեմ ամսագիր №3
Արևային ճառագայթում: Արևային բռնկումները՝ բարձր ճառագայթման վտանգ. Սալուտեմ ամսագիր №3

Արևը լույսի և ջերմության աղբյուր է, որն անհրաժեշտ է Երկրի ամբողջ կենդանական աշխարհին։ Լույսի ֆոտոններից բացի այն արձակում է կոշտ իոնիզացնող ճառագայթներ, որոնք բաղկացած են հելիումի միջուկից և պրոտոններից...

Ռադիոլոգիա և այրվածքաբանություն
Արևային հերոդերմիա. Սալուտեմ ամսագիր №3
Արևային հերոդերմիա. Սալուտեմ ամսագիր №3

Տարիներ շարունակ արևային լույսի կանոնավոր ներգործությունը կարող է հանգեցնել մաշկի վաղաժամ ծերացման՝ արևային հերոդերմիայի, համախտանիշի, որը պայմանավորված է ուլտրամանուշակագույն ճառագայթների...

Ծերություև և երկարակեցություն Մաշկաբանություն Առողջ և գեղեցիկ
Արևային ալերգիա. Սալուտեմ ամսագիր №3
Արևային ալերգիա. Սալուտեմ ամսագիր №3

Արևային ճառագայթները ոչ միայն տաքացնում են մեզ՝ անասելի ուրախություն պարգևելով հատկապես ձմռան ցրտին, այլև ամրացնում են մեր իմունիտետը։ Սակայն, ցավոք, արևի տակ մնալը որոշ մարդկանց մոտ կարող է...

Ալերգոլոգիա
Ամառային ըմպելիքներ. Սալուտեմ ամսագիր №3
Ամառային ըմպելիքներ. Սալուտեմ ամսագիր №3

Ստորև ներկայացվում են ամենատարածված ըմպելիքները, որոնք բժիշկները խորհուրդ են տալիս գործածել ամռանը ծարավը հագեցնելու համար։ Դրանցից յուրաքանչյուրի օգտակարությունը գնահատվել է տասը բալանոց սանդղակով...

Սնունդը և առողջությունը
Երեխայի անվտանգությունը ջրում և ջրի մոտակայքում. Սալուտեմ ամսագիր №3
Երեխայի անվտանգությունը ջրում և ջրի մոտակայքում. Սալուտեմ ամսագիր №3

Երեխաները շատ են սիրում լողալ. դա կոփում է նրանց, օգնում է ամրացնել առողջությունը։ Սակայն որպեսզի երեխաները ջրում ո՛չ միայն ուրախ, այլ նաև անվտանգ ժամանակ անցկացնեն, ծնողները պետք է հետևեն մի քանի պարզ...

Առողջ երեխա
Ամռան տապին մաշկը հատուկ խնամքի և ուշադրության կարիք ունի. մաշկաբան Հովհաննես Հովհաննիսյան. Սալուտեմ ամսագիր №3
Ամռան տապին մաշկը հատուկ խնամքի և ուշադրության կարիք ունի. մաշկաբան Հովհաննես Հովհաննիսյան. Սալուտեմ ամսագիր №3

Ինչպե՞ս ամռան տապին պաշտպանել մաշկը։ Ի՞նչ վտանգներ կարող են առաջանալ արևի ճառագայթների տակ երկար պառկելու դեպքում։ Արևապաշտպան միջոցների ճիշտ ընտրությունը կարևո՞ր է։ Այս մասին զրուցել ենք մաշկաբան...

Մաշկաբանություն Բժշկի ընդունարանում Առողջ և գեղեցիկ

Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ