Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

 

Սալուտեմ 3.2021

Ինչպես ստանալ գեղեցիկ և առողջ արևայրուք. Սալուտեմ ամսագիր №3

Ինչպես ստանալ գեղեցիկ և առողջ արևայրուք. Սալուտեմ ամսագիր №3

Արևայրուքն օգտակար է մարդու օրգանիզմի համար, եթե այն ճիշտ են ընդունում Հակառակ պարագայում մարդը կարող է արևային հարված կամ այրվածքներ ստանալ։ Երբեմն էլ սխալ արևայրուքը կարող է մաշկի քաղցկեղի առաջացման պատճառ դառնալ։ Ուստի պետք է իմանալ ճիշտ արևայրուք ստանալու կանոնները։


Արևի օգտակարության մասին


Արևը բնական հակադեպրեսանտ է՝ օժտված մեզ լիցքավորելու հատկությամբ. բարձրացնում է տրամադրությունը և ավելացնում կենսական ուժերը։ Արևի ճառագայթների ազդեցությամբ մենք ո՛չ միայն բնական արևայրուք ենք ստանում, այլ նաև ազատվում ենք գերհոգնածությունից։ Ակտիվանում է նյութափոխանակությունը, բարելավվում է էնդոկրին գեղձերի և արյունատար համակարգի աշխատանքը, ավելանում է հեմոգլոբինի քանակը, մաշկում սինթեզվում է վիտամին D, որն անհրաժեշտ է ատամների, ոսկրերի և այլ օրգանների լիարժեք զարգացման համար, կարգավորվում է ֆոսֆոր-կալցիումական փոխանակությունը, պահեստավորվում են լրացուցիչ ուժեր աշնան և ձմռան համար։


Ինչպես ստանալ գեղեցիկ և առողջ արևայրուքԱրևայրուքի լավագույն ժամանակը


Շատ կարևոր է իմանալ այն ժամերը, երբ արևի ճառագայթների տակ գտնվելն օգտակար է։ Արևն ավելի ակտիվ է առավոտյան ժամը 11-ից մինչև երեկոյան ժամը 16-ը, և այդ ընթացքում պետք է խուսափել արևի տակ գտնվելուց, այլապես կարելի է ակնթարթորեն այրվածք ստանալ։ Առավել ևս, եթե ունեք բաց և զգայուն մաշկ։ Արևայրուք ընդունեք առավոտյան ժամը 9-11-ը, իսկ երեկոյան՝ ժամը 16-19-ը, սա լավագույն ժամանակն է։ Եթե արևային լոգանք ընդունեք ճիշտ ժամերին, կունենաք համաչափ արևայրուք, այլ ոչ թե այրված մաշկ։


Արևայրուք ստանալու նպատակով ամբողջ օրը արևի ճառագայթների տակ մի պառկեք։ Առաջին օրը արևի տակ պետք է լինել 5-10 րոպե։ Հաջորդ օրերին այդ ժամանակն ավելացրեք օրական 2-4 րոպեով՝ հասցնելով երկու ժամի.. դա արևի տակ գտնվելու առավելագույն ժամանակն է, որն աշխատեք չգերազանցել։

 

Ինչպես ստանալ գեղեցիկ և առողջ արևայրուք


Ջրային միջոցառումներ


Եթե ջրի մոտ եք կամ ջրի մեջ (օրինակ՝ մինչև գոտկատեղը), ապա արևայրուք ավելի արագ կստանաք։ Պատճառը ջրի` արևի ճառագայթներն անդրադարձնելու հատկությունն է, ուստի ջրի մեջ կամ ջրին շատ մոտ գտնվելիս ավելի շատ եք ենթարկվում արևի ազդեցությանը։ Ջրից դուրս գալուց հետո մարմինը սրբիչով չչորացնելու դեպքում կարող եք արագ այրվածք ստանալ, քանի որ ջրի կաթիլներն ազդում են որպես ոսպնյակներ՝ ուժեղացնելով արևային ճառագայթների ազդեցությունը։ Այդ պատճառով սկզբնական շրջանում ցանկալի է լողափում արևայրուք ընդունել ջրից հեռու, իսկ լողալուց հետո մարմինը չորացնել սրբիչով՝ չսպասելով, որ ջուրն ինքնուրույն ցամաքի։


Գեղեցիկ և առողջ արևայրուքի կանոնները


Եթե որոշել եք արևայրուք ընդունել, չմոռանաք Ձեզ հետ վերցնել գլխարկ և խմելու ջուր՝ գերտաքացումը կանխելու համար։


— Որպեսզի արևայրուքն ավելի գեղեցիկ լինի, խորհուրդ է տրվում շատ շարժվել, խաղալ շարժական խաղեր։


— Եթե անզգուշաբար այրվածք եք ստացել և տանը զգում եք, որ մաշկը տաքացել է, անմիջապես քսեք այրվածքի դեմ նախօրոք ձեռք բերված միջոցները։ Եթե ձեռքի տակ ոչ մի հատուկ միջոց չկա, կիրառեք ցանկացած խոնավացնող կամ մանկական քսուք։ Մեր տատիկների դեղատոմսով կիրառվող մածունն այնքան էլ չի օգնում, սակայն ծայրահեղ դեպքում այն նույնպես կարելի է կիրառել։


— Խորհուրդ չի տրվում արևայրուք ընդունել անմիջապես ուտելուց հետո կամ քաղցած ստամոքսով։


— Լողափում խուսափեք սպիրտային խմիչքից, ինչպես նաև բաց լողավազանի մոտ՝ ալկոհոլային կոկտեյլներից։ Ալկոհոլը ուժեղացնում է ուլտրամանուշակագույն ճառագայթների (ՈՒՄՃ) ազդեցությունը, նաև թուլացնում է ժամանակի վերահսկողությունը։


— Եթե Ձեր մաշկը գերզգայուն է, արևայրուք ստացեք ստվերում։ Ուլտրամանուշակագույն ճառագայթների մոտավորապես 65%-ը այնտեղ էլ կհասնի Ձեր մաշկին, և թեթև արևայրուք կստանաք։


— Եթե մտադրված եք լողափ գնալ, օճառով մի լողացեք, լոսյոններ, տոնիկներ, օծանելիք, օդեկոլոն մի օգտագործեք։ Օճառը քայքայում է մաշկի պաշտպանական ծածկույթը և ճարպազրկում այն։ Լոսյոնը, օծանելիքը մաշկը դարձնում են ՈՒՄՃ նկատմամբ զգայուն։ Այդ ամենի հետևանքով կարող են առաջանալ կայուն դարչնագույն բծեր, բշտիկներ և քոր։


Որոշ մարդիկ պետք է զգուշանան արևայրուքից, իսկ մաշկային խնդիրներ, մասնավորապես՝ մարմնի վրա բազմաթից խալեր ունեցող, արևի ճառագայթների նկատմամբ ալերգիա ունեցող մարդիկ, պետք է ընդհանրապես հրաժարվեն դրանից։ Այդ մարդկանց խորհուրդ չի տըրվում նաև այցելել սոլյարի։ Բրոնզե արևայրուք ստանալու համար (եթե շատ են ցանկանում) կարելի է օգտվել ավտոարևայրուքից։ Արևային լոգանք ընդունելիս պետք է զգույշ լինեն նաև հղիները, որոշակի դեղորայք ընդունողները. նրանք պետք է նախօրոք խորհրդակցեն բժշկի, մասնագետի հետ։


Ինչպես ստանալ գեղեցիկ և առողջ արևայրուքՔսուքի կիրառում


Արևայրուքի համար խորհուրդ է տրվում քսուք կիրառել։ Նախօրոք ընտրեք Ձեր մաշկին համապատասխան քսուք։ Արևային լոգանք ընդունելուց կես ժամ առաջ հավասար շերտով այն քսեք մարմնին։ Խորհուրդ է տրվում մանրակրկիտ քսել հատկապես մարմնի այն մասերին, որոնք առաջին հերթին են այրվածք ստանում, դրանք են՝ քիթը, ճակատը, կուրծքը, ուսերը և ծնկները։ Քսուքով պետք է պատել նաև պարանոցը, անութափոսերը, ականջների բլթակները։ Մազերը պաշտպանելու նպատակով պետք է հատուկ օճառ օգտագործել, իսկ շրթունքներին՝ քսել արևապաշտպան շրթներկ։ Սովորական քսուքը կարող է մաշկը պաշտպանել 3 ժամ։ Սակայն եթե արևային լոգանք ընդունելուց բացի նաև լողում եք, ապա չորս անգամ ջրի մեջ մտնելուց հետո պետք է պաշտպանական շերտը թարմացնել։ Առաջին 2-3 օրը օգտվեք արևայրուքի դեմ քսուքներից, իսկ վտանգավոր շրջանն անցնելուց հետո կարելի է օգտվել արևայրուքի համար նախատեսված քսուքներից։ Պետք է չտարվել մաշկին յուղեր քսելով, քանի որ արևի ճառագայթների ազդեցությամբ յուղը տաքանում է և կարող է այրվածք առաջացնել։ Արևայրուքի համար չի կարելի կիրառել սնուցող քսուք, հատկապես հորմոններ պարունակող։ Արևային լոգանք ընդունելուց հետո մարմն վրայից հանգամանորեն լվացեք քսուքը և յուղը։
Հետևեք խորհուրդներին և անպայման կստանաք գեղեցիկ, բրոնզե արևայրուք։ Հիշեք նաև, որ դա շատ արագ չի լինում (օրինակ 3 օրվա ընթացքում)։ Առնվազն անհրաժեշտ է 2 շաբաթ, որպեսզի ճիշտ արևայրուք ստանաք և այն երկար պահպանվի։


Ինչպես ստանալ գեղեցիկ և առողջ արևայրուքՈւշադրությո՛ւն. Ձեզ պաշտպանող արևապաշտպան քսուքը կարող է վնասել այս հրաշալի մարջանների խութերը
Գիտնականները վատ նորություններ ունեն հանգստացողների համար. մինչ Դուք լողում և հանգստանում եք արևադարձային ջրամբարների խաղաղ ջրում, Ձեր մաշկը պաշտպանող արևապաշտպան քսուքը կարող է ոչնչացնել ծովային կյանքը զարդարող մարջանների խութերը, որով հիանալու համար ուղևորվել եք այդտեղ։ Մյուս հետազոտությունները ցույց են տալիս, որ այդ նյութը կարող է վնասել նաև ձըկներին, ծովային ոզնիներին և կաթնասուններին։


Շատ արևապաշտպան միջոցներում առկա օքսիբենզոն նյութը մարջանները դարձնում է գունազրկմանն ավելի ընկալունակ, ինչն էլ վնասում է ամբողջ աշխարհում հայտնի խութերը։


Օքսիբենզոնի ընտանիքի քիմիական նյութերը հաճախ ավելացնում են պլաստիկներին՝ լուսաքայքայումից պաշտպանելու համար, ինչպես նաև տարբեր ըմպելիքների շշերին՝ պարունակությունը պաշտպանելու համար։ Դրանք նաև պահպանում են հարյուրավոր մթերքների գույնը և բույրը՝ ներառյալ մազերի, եղունգների համար նախատեսված լաքերը, օճառները։


https://tourzhara.com
https://www.kp.ru/
https://www.nkj.ru

 

«ՍԱԼՈՒՏԵՄ» առողջ ապրելակերպի ամսագիր
Պետական գրանցման համար․ 211․200․00969
magazinesalutem@gmail.com
+(374) 91 64 10 15
+(374) 98 79 15 15

Սկզբնաղբյուր. «Սալուտեմ» առողջ ապրելակերպի ամսագիր, N3
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Share |

Հարցեր, պատասխաններ, մեկնաբանություններ

Կարդացեք նաև

Աուտիզմը՝ որպես զարգացման ընդհանուր խանգարում. Սալուտեմ ամսագիր №3
Աուտիզմը՝ որպես զարգացման ընդհանուր խանգարում. Սալուտեմ ամսագիր №3

Հոգեբանական զարգացման ընդհանուր խանգարումները բնորոշվում են սոցիալական փոխհարաբերություններում և հաղորդակցման ոլորտում որակական շեղումներով, ինչպես նաև հետաքրքրությունների...

Առողջ երեխա Հոգեկան առողջություն
Գլաուկոմա. Սալուտեմ ամսագիր №3
Գլաուկոմա. Սալուտեմ ամսագիր №3

Գլաուկոման հիվանդություն է, որն ախտահարում է տեսողական նյարդը և հանգեցնում անդառնալի կուրության։ Այն անդառնալի կուրության հիմնական պատճառներից է և նման հիվանդությունների շարքում գրավում է երկրորդ տեղը...

Ակնաբանություն
Ճանապարհորդի դեղատուփը. Սալուտեմ ամսագիր №3
Ճանապարհորդի դեղատուփը. Սալուտեմ ամսագիր №3

Սկսվել է երկար սպասված արձակուրդային հրաշալի ժամանակաշրջանը։ Ձմեռվա երկար երեկոներին շատերս էինք երազում, թե ինչպես պիտի կապենք ճամպրուկները, ընտրում էինք ճամփորդական երթուղիներ...

Առաջին նախաբժշկական օգնություն
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3

Խոստովանում է՝ եթե նորից վիճակվեր ընտրություն կատարել, ապա կրկին բժշկի մասնագիտությունը կընտրեր։ Իր հաջողությունների ու ձեռքբերումների, հաղթահարած դժվարությունների մասին վաստակաշատ...

Բժշկի ընդունարանում Բժիշկներ
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3

Մեր հայրենակից Սարգիս Կիրամիջյանը, որ բնակություն է հաստատել ԱՄՆ-ում, իր մասնագիտական ուղին մանուկ հասակում է ընտրել։ Փոքրիկ Սարգսի վրա խոր ազդեցություն էր թողել սիրելի պապիկը, որ երկար տարիներ տառապում էր...

Բժշկի ընդունարանում Բժիշկներ
Կոփում. Սալուտեմ ամսագիր №3
Կոփում. Սալուտեմ ամսագիր №3

Կոփման ընդհանուր կանոնն ամեն օր սխրանք գործելն է։ Եթե սովորել եք երկար ժամանակ կիրառվող որևէ մեթոդի, ժամանակն է ընդլայնել հնարավորությունների հորիզոնները...

Առողջ ապրելակերպի հիմունքները
Ինչպես խնամել ոտքերը. Սալուտեմ ամսագիր №3
Ինչպես խնամել ոտքերը. Սալուտեմ ամսագիր №3

Ոտքերն օգնում են տեղաշարժվել ամբողջ օրվա ընթացքում: Ամեն օր քայլքի ժամանակ ոտքերը, փաստորեն, իրենց վրա կրում են քաշը կրկնակի գերազանցող ծանրաբեռնվածություն: Այդ պատճառով շատ կարևոր է խնամել դրանք...

Մարմնի խնամք
Ինչ պետք է իմանալ ջերմային կամ արևային հարվածի մասին. Սալուտեմ ամսագիր №3
Ինչ պետք է իմանալ ջերմային կամ արևային հարվածի մասին. Սալուտեմ ամսագիր №3

Ջերմային հարված սովորաբար տեղի է ունենում, երբ մարդը գերտաքանում է։ Դա կարող է պատահել աշխատելիս, մարզվելիս կամ պարզապես շոգ վայրում գտնվելիս։ Ջերմային հարվածը չբուժելու դեպքում կարող են վնասվել ներքին օրգանները...

Առաջին նախաբժշկական օգնություն
Արևային ճառագայթում: Արևային բռնկումները՝ բարձր ճառագայթման վտանգ. Սալուտեմ ամսագիր №3
Արևային ճառագայթում: Արևային բռնկումները՝ բարձր ճառագայթման վտանգ. Սալուտեմ ամսագիր №3

Արևը լույսի և ջերմության աղբյուր է, որն անհրաժեշտ է Երկրի ամբողջ կենդանական աշխարհին։ Լույսի ֆոտոններից բացի այն արձակում է կոշտ իոնիզացնող ճառագայթներ, որոնք բաղկացած են հելիումի միջուկից և պրոտոններից...

Ռադիոլոգիա և այրվածքաբանություն
Արևային հերոդերմիա. Սալուտեմ ամսագիր №3
Արևային հերոդերմիա. Սալուտեմ ամսագիր №3

Տարիներ շարունակ արևային լույսի կանոնավոր ներգործությունը կարող է հանգեցնել մաշկի վաղաժամ ծերացման՝ արևային հերոդերմիայի, համախտանիշի, որը պայմանավորված է ուլտրամանուշակագույն ճառագայթների...

Ծերություև և երկարակեցություն Մաշկաբանություն Առողջ և գեղեցիկ
Արևային ալերգիա. Սալուտեմ ամսագիր №3
Արևային ալերգիա. Սալուտեմ ամսագիր №3

Արևային ճառագայթները ոչ միայն տաքացնում են մեզ՝ անասելի ուրախություն պարգևելով հատկապես ձմռան ցրտին, այլև ամրացնում են մեր իմունիտետը։ Սակայն, ցավոք, արևի տակ մնալը որոշ մարդկանց մոտ կարող է...

Ալերգոլոգիա
Արևային այրվածքներ: Ինչո՞վ է վտանգավոր արևային այրվածքը. Սալուտեմ ամսագիր №3
Արևային այրվածքներ: Ինչո՞վ է վտանգավոր արևային այրվածքը. Սալուտեմ ամսագիր №3

Արևային այրվածքներն առաջանում են մաշկի վրա ուլտրամանուշակագույն ճառագայթների ավելցուկային ազդեցության հետևանքով, ընդ որում, ուլտրամանուշակագույն-B ճառագայթների սպեկտրի ալիքները...

Մաշկաբանություն Ռադիոլոգիա և այրվածքաբանություն
Ամառային ըմպելիքներ. Սալուտեմ ամսագիր №3
Ամառային ըմպելիքներ. Սալուտեմ ամսագիր №3

Ստորև ներկայացվում են ամենատարածված ըմպելիքները, որոնք բժիշկները խորհուրդ են տալիս գործածել ամռանը ծարավը հագեցնելու համար։ Դրանցից յուրաքանչյուրի օգտակարությունը գնահատվել է տասը բալանոց սանդղակով...

Սնունդը և առողջությունը
Երեխայի անվտանգությունը ջրում և ջրի մոտակայքում. Սալուտեմ ամսագիր №3
Երեխայի անվտանգությունը ջրում և ջրի մոտակայքում. Սալուտեմ ամսագիր №3

Երեխաները շատ են սիրում լողալ. դա կոփում է նրանց, օգնում է ամրացնել առողջությունը։ Սակայն որպեսզի երեխաները ջրում ո՛չ միայն ուրախ, այլ նաև անվտանգ ժամանակ անցկացնեն, ծնողները պետք է հետևեն մի քանի պարզ...

Առողջ երեխա
Ամռան տապին մաշկը հատուկ խնամքի և ուշադրության կարիք ունի. մաշկաբան Հովհաննես Հովհաննիսյան. Սալուտեմ ամսագիր №3
Ամռան տապին մաշկը հատուկ խնամքի և ուշադրության կարիք ունի. մաշկաբան Հովհաննես Հովհաննիսյան. Սալուտեմ ամսագիր №3

Ինչպե՞ս ամռան տապին պաշտպանել մաշկը։ Ի՞նչ վտանգներ կարող են առաջանալ արևի ճառագայթների տակ երկար պառկելու դեպքում։ Արևապաշտպան միջոցների ճիշտ ընտրությունը կարևո՞ր է։ Այս մասին զրուցել ենք մաշկաբան...

Մաշկաբանություն Բժշկի ընդունարանում Առողջ և գեղեցիկ

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ