Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Ջուլիետա Սահակյանի բուժարանը

Խուլ եղինջ - Яснотка - lamium

Խուլ եղինջ - Яснотка - lamium

Շրթնածաղկավորների (Labiatae) կամ նույնն է խուլ եղինջազգիների ընտանիքին պատկանող միամյա կամ բազմամյա, երկշաքիլավոր խոտաբույսերի ցեղ է: Ըստ The Plant List (2013) Խուլ եղինջ ցեղը ընդգրկում է 30 տեսակներ, որոնք տարածված են Եվրասիայի բարեխառը գոտիներում, Հյուսիսային Աֆրիկայում:

 

Կոճղարմատը հորիզոնական է, բազմաթիվ ճյուղավորվող թելանման արմատներով, որոնց հանգույցներից առաջանում են նոր կոճղարմատներ ու սողացող ծիլեր: Ծաղկակիր ցողունը բարձրացող կամ ուղղականգուն է՝ 30-60սմ, երբեմն մինչեւ 100-150սմ բարձրությամբ, թույլ ճյուղավորվող: Ցողունն ու տերեւները տեղ-տեղ ծածկված են սպիտակ մազիկներով: Տերեւները հակադիր են, մուգ կանաչ, եզրերը սղոցաձեւ կտրտված, ձվաձեւ, հիմքում սրտաձեւ լայն հիմքով, կենտրոնական երակագիծը արծաթավուն է: Ստորին երկարակոթուն տերեւները արտաքուստ նման են եղինջ երկտունի տերեւին, սակայն չունեն այրող գեղձիկներ: Գագաթամերձ տերեւները կարճակոթուն են, համեմատաբար ավելի փոքր, դրանց ծոցերում դասավորված են թվով 6-16 հատ ծաղիկներ: Ծաղկաբաժակը զանգակ է, նոսր մազապատ, սուր եզրերով: Երկշուրթ ծաղկեպսակը սպիտակ, դեղին, վարդագույն կամ ծիրանագույն է, դրսից խավապատ, կարճ, ներսում խավոտ մինչեւ 10մմ երկարությամբ խողովակով, որը ստորին շուրթի մոտ պուտիկավոր է: Վերին ամբողջական, երկարավուն պսակաթերթիկը նման է կորդակի (սաղավարտ), ներքեւինը եռամաս է՝ լայն կենտրոնական հատվածով: Առեջքները 4-ն են, ծաղկում է գարնան կեսերից մինչեւ աշուն: Պտուղը 4 եռանիստ, երկար ձվաձեւ ընկուզիկ պարունակող տուփիկ է: Խուլ եղինջ ցեղի տեսակները չորադիմացկուն, ցրտադիմացկուն, ձմեռադիմացկուն, հիմնականում քչապահանջ, խոնավասեր բույսեր են, որոնք հատկապես լավ են զարգանում ստվերում: Աճում են անտառներում, թփուտներում, մարգագետիններում, ամենուր:

 

Խուլ եղինջ - Яснотка - lamium Խուլ եղինջ - Яснотка - lamium


ՀՀ տարածքում աճող տեսակները


Խուլ եղինջ ցողունագիրկ - Լ. amplexicaule: Հայրենիքը Եվրոպայի հարավն է, Փոքր Ասիան, Հյուսիսային Աֆրիկան: Հետզհետե տարածվել է Հյուսիսային Ամերիկայում, Ավստրալիայում, Նոր Զելանդիայում: Դժվար վերացվող մոլախոտ է: Միամյա կամ երկամյա բույսեր են, ծաղկաթերթերը ծիրանի կամ վարդագույն: Տերեւները կլորավուն, վերինները՝ նստադիր:


Խուլ եղինջ դեղնավուն. - L. galeobdolon: Տարածված է Եվրոպայում, Փոքր Ասիայում, Իրանում:Աճում է փշա- ու լայնատերեւ անտառներում, ալպյան մարգագետիններում մինչեւ ծ.մ. 2300մ բարձրության վրա: Տերեւները հաճախ ծածկված են արծաթավուն պուտիկներով, ծաղկեպսակը դեղին է, ստորինի վրա կան նարնջագույն պուտիկներ: Ծաղկում է ապրիլի վերջից: Հայտնի են 5 այլատեսակներ, որոնք բազմամայա խոտաբույսեր են: Ձմեռող կանաչ տերեւների վրա կան անտոցիաններ պարունակող մասեր, որոնք կլանում են հողի ջերմությունը: Փոշոտումը կատարվում է մեղուների, իսկ սերմը տարածվում է մրջյունների միջոցով:

 


Խուլ եղինջ բծավոր. - L. maculatum: Բազմամյա բույս է, ցողունը քառանիստ, մինչեւ 20սմ բարձրությամբ: Ստորին ծաղկաթերթը գրեթե ամբողջական է, սպիտակ, պուտիկավոր: Վերին շուրթի գագաթը նման է հովանու: Բաժակից դուրս եկող խողովակը կոր է, վերին մասում փքված: Առեջքները տարբեր երկարության են, սակայն ավելի երկար քան բաժակը: Ծաղկում է մայիս-հոկտեմբերին, պտղաբերում հունիսին: Աչքի է ընկնում բարձր ձմեռադիմացկունությամբ: Ծաղկեպսակը կարող է ունենալ վարդագույնի տարբեր երանգներ: Մշակվում է որպես զարդաբույս, բուծվել են տարբեր գույնի ցողուններ ու տերեւներ ունեցող ենթատեսակներ: Մատղաշ տերեւներն ուտելի են: Մեղրատվությունը՝ 120 կգ /1հա:
Խուլ եղինջ թաղիկավոր-L.tomentosum: Տարածված է Այսրկովկասի լեռներում, հաճախ կազմում է մարգագետիններ մերձալպյան ու նույնիսկ ալպյան գոտիների խոտազուրկ հատվածներում: Ցողունն ու տերեւները խիտ խավապատ են, ծաղիկները՝ սպիտակ:


Խուլ եղինջ արմենում. - L.armenum: Ժայռերի վրա աճող, ցածրահասակ բազմամյա բույս է, ծաղկեպսակը յասամանագույն (Т.Шаповал, яснотка, В мире растении,2005):


Խուլ եղինջ - Яснотка - lamiumԽուլ եղինջ բծավորի կիրառումը միջնադարյան հայ բժշկությունում


 Ն.Ս. Բոբիլովան (Род яснотка, Растительные ресурсы России и сопредельных государств, 1996) նշում է, որ միջնադարյան Հայաստանում խոտի եփուկը կիրառել են թունավորումների դեպքում: Կարեւոր է իմանալ, որ բույսի ծաղիկից ստացված պատրաստուկներն ունեն լեղամուղ հատկություն: Ծաղիկը պարունակում է քլորոգենաթթու: Վերգետնյա մասում հայտնաբերվել են պրոլիբետաին, պիպեկոլինաթթվի բետաին, այլ: Ծաղկաթերթերը պարունակում են անտոցիաններ, տերեւը իրիդոիդ ացետիլլամիոլ, ածխաջրատներ՝ սեդոգեպտոլոզա ու գալակտիտ:
Խուլ եղինջ սպիտակ - Lamium album L.


Հայերեն այլ անվանումներն են. եղինջամայր, անմեղ եղինջ, շնիկներ: Բազմամյա խոտաբույս է, ցողունը քառանիստ: Առէջքների թելիկները գեղձավոր են, փոշոտիչները մուգ մանուշակագույն՝ մազապատ գագաթով: Կարեւոր է իմանալ, որ կես դար առաջ Այսրկովկասում աճող խուլ եղինջը դիտվում էր որպես առանձին ենթատեսակ՝ L.brachyodon, սակայն Ս.Գ.Գորշկովան (1954) ու Ս.Յու.Խաչատուրովան (Флора Кавказа,тoм 7. Л.,Наука,1967) ապացուցել են, որ դա նույն խուլ եղինջ սպիտակն է: Բույսը տարածված է ՀՀ բարեխառը կլիմայական գոտիներում, աճում է ամենուր. ե՛ւ չոր ե՛ւ խոնավ վայրերում: Հետաքրքիր է իմանալ, որ սպիտակածաղիկ տեսակի ծաղկաթերթերը մեծ պահանջարկ ունեն Արեւմտյան Եվրոպայի մի շարք երկրներում (Madaus G., Leipzig, 1938) ու ներկրվում են որպես բուժահումք:


Հավաքման կարգը


Հավաքում են միայն ձեւավորված ծաղիկները, բաժակներն ու թառամած, վնասված ծաղկաթերթիկները հեռացնում են ու չորացնում ստվերում: Պիտանի հումքը պետք է ունենա դեղնասպիտակավուն գույն: Տերեւները հավաքում են ծաղկման շրջանում:


Քիմիական բաղադրությունը


Ըստ Երեւանի Բուսաբանական այգու մասնագետների ցողունն ու տերեւները հարուստ են օսլայով, սպիտակուցով, շաքարներով, վիտամիններ՝ C ու K-ով, կարոտինային նյութերով՝ մինչեւ 10մգ / %: Հայտնի է, որ խուլ եղինջ սպիտակի ծաղիկները պարունակում են զգալի քանակությամբ լորձ, դաբաղող ու փրփրանյութեր (10%), ասկորբինաթթու, ալկալոիդների հետքեր, ֆլավոնոիդներ՝ իզոկվերցիտրին, կվերցետին, կեմպֆերոլ, աստրագալին, կվերցիմերիտրին, ինչպես նաեւ քլորոգենի ու գալաթթուներ, քոլին, գիստամին ու տիրամին: Տերեւը պարունակում է նաեւ եթերայուղեր, լորձ, դաբաղող ո փրփրանյութեր, սուրճի, կումարի ու ֆերուլաթթուներ (Шретер А.И. Лек. Флора Советского Дальнего Востока.1975), տիրամին, գիստամին: Ըստ որոշ հետազոտողների բույսը հարուստ է մակրո- ու միկրոտարրերով ու հատկապես կուտակում է թալիում:


Խուլ եղինջ - Яснотка - lamiumՀիստամին: Մոլեկուլային բանաձեւը՝ C5H9N3, հալման ջերմաստիճանը 83.5C, եռմանը՝209.5C: Հեշտությամբ է լուծվում տաք ու սառը ջրում, էթանոլում, մեթանոլում: Կարգավորում է աղիների ֆիզիոլոգիական ու ստամոքսահյութի արտազատման ֆունկցիաները: Նպաստում է բիկարբոնատ-իոնների ավելացմանն արյան մեջ, որոնք հեշտացնում են գլյուկոզայի կլանումը եւ կալցիումի յուրացումը: Հիստամինային նեյրոնների բջիջները հայտնաբերվել են հիպոտոլամուսում, որտեղից տարածվում են ուղեղի այլ մասերը. Դրանք առավել շարժունակ են արթուն ժամանակ, պասիվանում են, երբ մարդը հոգնած է ու բացարձակապես չեն ակտիվանում քնի փուլերում: Հիստամինն ունի հակասթրեսային հատկություն, կարգավորում է երկարատեւ հիշողության մեջ պահվող գիտելիքի ծավալը, նպաստում է հոգեկան բնույթի իմպոտենտության բուժմանը (դեպքերի 74%): Հիստամինը խթանում է թիմուսի T- բջիջների արտադրությանը, որոնք բարձրացնում են օրգանիզմի դիմադրողականությունը (Ջ. Սահակյան, Թիմուսի վերականգմանը սատարող բույսեր, MP,2015):


Թիրամին: Մոլեկուլային բանաձեւը՝ C8H11NO, հալման ջերմաստիճանը 164C, լուծվում է ջրում, թթվայնությունը՝ 9.74(OH)-10.52(NH3): Պարունակվում է ամինաթթու տիրոզինում: Թիրամինի ընկալիչներ կան ուղեղում, երիկամներում, այլ: Մասնակցում է արյան ճնշման կարգավորման ընթացքին: Ավելցուկի դեպքում կարող են առաջանալ միգրենի նոպաներ:


Դեղաբանական հատկությունները:


Խուլ եղինջ սպիտակից ստացված պատրաստուկներն ունեն արյունարգել, միզամուղ, կապող, խորխաբեր ազդեցություն, խթանում են արգանդի մկանների կրճատումները: Արեւմտյան Եվրոպայի երկրներում ծաղկաթերթիկները կիրառում են թութքի, ուրետրիտի, նեֆրիտների, ցիստիտի, շնչառական ուղիների հիվանդությունների բուժման ընթացքում, թոքերից ու արգանդից արյունահոսությունների դեպքում: Փորձնական եղանակով ապացուցված է, որ բույսի ծաղիկն ու տերեւն ունեն հիպոտենզիվ ազդեցություն, հականեխիչ, լեղամուղ,հակադեպրեսանտ, հանգստացնող, ցավամոքիչ, հակաբորբոքային հատկություն:


Կիրառման ոլորտը

 

Ծաղկեպսակի թուրմն օգտագործվում է որպես արյունը մաքրող միջոց, նաեւ թոքաբորբի, բրոնխիտի, բրոնխերի ասթմայի, շնչափողաբորբի (տրախեիտ), եփուկը նյարդային համակարգի, սրտի, մաշկային հիվանդությունների դեպքում: Բույսի ցողունի ու տերեւի խաշուկով, թուրմով ու եփուկով դնում են թրջոցներ պարանոցի ու կրծքի մկանային ու ոսկրերի ցավի, ալերգիկ բնույթի դերմատիտի, էկզեմայի, մաշկի ճաքերի, դժվար ապաքինվող վերքերի, չիբանի դեպքում: Թուրմով ողողումն օգնում է անգինայի ու արյունահոսող գինգիվիտի պարագայում: Խոտի թուրմը նվազեցնում է նախադաշտանային ցավերն ու գլխացավը, հեռացնում է քնկոտությունը, նաեւ կիրառվում է մանկական դիատեզի բուժման համար:


ԴԵՂԱՏՈՄՍԵՐ


Խուլ եղինջ - Яснотка - lamiumՄանկական դիատեզ. 2ճ.գ.չոր, մանրացրած խոտը 2 ժամ թրմեք 500մլ եռջրում ջերմապահի մեջ (3-4 ճ.գ. թարմ խոտը թրմեք 1-2 ժամ), քամեք: Մինչեւ 2 տարեկան երեխային խմեցրեք 1-2թ.գ.՝ օրը 3 անգամ, 2-5 տարեկան՝ 1-ական ճ.գ., 5-ից բարձր՝ 50-100մլ: Լոգանքների կամ լողացնելու դեպքում չափաբաժինը կրկնապատկեք:


Գլոմերուլոնեֆրիտ. 2ճ.գ. չոր խոտը 2 ժամ թրմեք 400մլ եռջրում, քամեք: Խմեք 100-ական մլ՝ օրը 3-4 անգամ, ուտելուց 30րոպե առաջ:


Թոքաբորբ, բրոնխիտ. 1թ.գ. չոր ծաղկաթերթը 30րոպե թրմեք 300մլ եռջրում, քամեք: Խմեք 100-ական մլ՝ օրը 3 անգամ, ուտելուց 40 րոպե հետո:


Ինսուլտ. 1.5ճ.գ. թարմ խոտը լցրեք 0.5 լ եռջրի մեջ, 10րոպե եփեք, 8-10 ժամ թրմեք, քամեք: Խմեք 100-ական մլ՝օրը 3 անգամ, ուտելուց 30 րոպե առաջ:


Նեւրաստենիա. Խմեք թարմ խոտից զտված հյութ 1-ական ճ.գ՝. օրը 3 անգամ, ուտելուց առաջ:   


Մանկահասակ տղաների երիկամների հիվանդություններ, միզարձակության խանգարում. Ամեն օր (8-20), յուրաքանչյուր 2 ժամը մեկ խմեցրեք երեխային 1 ճ.գ. խոտի ու 1թ.գ. մեղրի խառնուրդ: Ձմռանը 1ճ.գ. չոր խոտը լցրեք եռման ջերմաստիճանի հասցրած այծի կաթի մեջ ու անմիջապես անջատեք կրակը (նախքան «սերի» առաջանալը), 1 ժամ թրմեք, քամեք: Խմեցրեք 100-ական մլ՝ օրը 3 անգամ: Բուժման իրական պատմությունը նկարագրված է Կ.Ի. Դորոնինայի հրաշալի հոդվածում (Яснотка спасет почки. Вы здоровы, Лечебные письма, №16, 2014): Բուժումը երկարատեւ է:


Արյունահոսություն արգանդից. 10գ թարմ ծաղիկը 7 օր թրմեք 300մլ օղու մեջ, տաք, մութ տեղում, պարբերաբար թափահարեք տարան, քամեք: Ոգեթուրմի 30 կաթիլ լուծեք 100մլ ջրի մեջ, խմեք օրը 3 անգամ:


Թութք. 1ճ.գ. խոտը 30րոպե թրմեք 200մլ եռջրում, կատարեք տեղային լոգանք՝ 5-7 րոպե տեւողությամբ:   


Արյունարգել. 1ճ.գ. թարմ ծաղիկը 1-2 ժամ թրմեք 0.5լ եռջրում, քամեք: Խմեք 150-ական մլ՝ օրը 3 անգամ, ցանկալի է մեղրի հետ:


Շնչառական ուղիների ու աղեստամոքսային համակարգի բորբոքումներ, ցավոտ դաշտան, սպիտակաթորանք, դժվար միզարձակություն, շագանակագեղձի բարորակ ուռուցք. 2 ճ.գ. չոր ծաղիկը 1 ժամ թրմեք 200մլ եռջրում, քամեք: Խմեք 100-ական մլ՝ օրը 2-3 անգամ:


Հանգստացնող. 1թ.գ. ծաղիկը 30 րոպե թրմեք 200մլ եռջրում: Խմեք 100-ական մլ՝ օրը 1-4 անգամ:


Խուլ եղինջ - Яснотка - lamiumԴեղաբույսային փնջեր


Ասթմա. Մանրացրեք, խառնեք 50-ական գ ճահճախնկենու, զոպա բժշկականի, թոքախոտ բժշկականի, խուլ եղինջ սպիտակի խոտեր, տատրակի տերեւ: 4ճ.գ.-ը 8-10 ժամ թրմեք 1լ եռջրում, ջերմապահի մեջ, քամեք թանզիֆով: Խմեք 200-ական մլ՝ օրը 5 անգամ, առաջինը նախաճաշից առաջ, մնացածն ուտելուց 1 ժամ հետո: Շարունակեք 14 օր, կրկնեք 14 օրից:


Սակավարյունություն. Խառնեք մոշենու տերեւ, սրոհունդի խոտ, խուլ եղինջի ծաղիկ (2:3:2): 1ճ.գ. չոր հումքը 3 ժամ թրմեք 200մլ եռջրում, ջերմապահի մեջ, քամեք: Խմեք գոլ վիճակում, կատարեք օրը 3 անգամ:


Սպիտակաթորանք. Հարկավոր է. 2-ական ճ.գ. խուլ եղինջ սպիտակի ծաղկաթերթ ու սրոհունդի խոտ, 1-ական ճ.գ. կաղնու կեղեւ, ճագոմ սպիտակի խոտ, երիցուկ դեղատնայինի մասրենու ծաղկաթերթեր ու թոքախոտ բժշկականի արմատ: Բաղադրամասերը մանրացրեք, չոր հումքը խառնեք, 10 ժամ թրմեք 1.5լ սառը ջրում, 20րոպե եփեք թույլ կրակի վրա, փակ տարայում, 30րոպե թրմեք, քամեք: Կատարեք ներլվացում, օրը 2 անգամ: Խորհրդակցեք բժշկի հետ:


Հոգեկան ապրումներ. Մանրացրեք, խառնեք մակարդախոտի (Galium aparine), ոսկեշիվի, խուլ եղինջ սպիտակի խոտերը (1:1:1): 1թ.գ. չոր հումքը 20րոպե թրմեք 200մլ եռջրում, քամեք: Խմեք 50-ական մլ՝ օրը 3 անգամ: Շարունակեք 14 օր: Խստորեն պահպանեք չափաբաժինները:


Փայծաղի հիվանդություններ, արյունը մաքրող. Խառնեք 30-ական գ գետնամորու տերեւ մանուշակ եռագույնի, խուլ եղինջի ու կատվալեզու եռաբաժնի խոտեր: 4ճ.գ.-ը լցրեք 1լ եռջրի մեջ, 10 ժամ թրմեք ջերմապահում, քամեք: Խմեք 200-ական մլ՝ օրը 5 անգամ, նախաճաշից առաջ եւ ուտելուց 1 ժամ հետո: Շարունակեք մինչեւ հումքի վերջանալը:


Դիմադրողականությունը բարձրացնող. Մանրացրեք խուլ եղինջի ծաղկաթերթերն ու հազարատերեւուկի ծաղիկները (1:1 կամ 2:1): 1ճ.գ. թարմ հումքը լցրեք 400մլ եռջրի մեջ, 15 րոպե եփեք, եռացող ջրային բաղնիքի վրա 45 րոպե թրմեք , քամեք: Խմեք 100-ական մլ՝ օրը 4 անգամ:


ԶԳՈւՇԱՑՈւՄ: Խորհուրդ չի տրվում երկարատեւ օգտագործել արյան բարձր մակարդելիության, հիպոտոնիայի, աղիների անբավարարության հետեւանքով նկատվող ատոնիկ փորկապության պարագայում: Հակացուցված է հղիներին:

Հեղինակ. Ջուլիետա ՍԱՀԱԿՅԱՆ
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Կարդացեք նաև

Բուժումներ խուրմայով. 168.am
Բուժումներ խուրմայով. 168.am

Բուժիչ նամակներ Փյունիկյան արմավենին մինչև 8 մ բարձրությամբ խոշոր, երկար տերևներով սլացիկ ծառ է։ Պտուղները կազմում են խիտ ողկույզներ, որոնց երկարությունը և տրամագիծը չափվում են մի քանի մետրով...

Սնունդը և առողջությունը
Բուժում են սերմերը. 168.am
Բուժում են սերմերը. 168.am

Յուրաքանչյուր սերմ հայտնվելով բարենպաստ պայմաններում` փոքրիկ ծիլ է տալիս, որը կախված գենետիկ ծրագրից` դառնում է խոտաբույս, թուփ, ծառ, լիանա, ջրիմուռ, և այլն։ Մարդը հնագույն ժամանակներից հասկացել է...

Ավանդական բուժման մեթոդներ և միջոցներ
Մեղրատու, բուժիչ ոզնենին. 168.am
Մեղրատու, բուժիչ ոզնենին. 168.am

Բուժիչ նամակներ Ոզնենիների ենթաընտանիքը (Echinops) ընդգրկում է մոտ 125 տեսակներ. պատկանում է բարդածաղկավորների ընտանիքին։ Հայաստանում հանդիպում են ոզնենիների մոտ մեկ տասնյակ տեսակներ...

Դեղաբույսեր
Հալվե – Алоэ - Aloe
Հալվե – Алоэ - Aloe

Թաղաղուազգիների ընտանիքին (Xanthorrhoeaceae, Asphodelaceae ենթաընտանիքի) պատկանող բազմամյա միաշաքիլավոր խոտաբույսերի, թփերի, հազվադեպ՝ ծառերի ու լիանաների ցեղ է, որի գիտական անվանումը...

Դեղաբույսեր
Մատնունի - Лапчатка - Potentilla
Մատնունի - Лапчатка - Potentilla

Մատնունի ցեղն ընդգրկում է մոտավորապես 300 (այլ տվյալներով՝ 500) տեսակներ, որոնք վարդազգիների ընտանիքին պատկանող միամյա կամ բազմամյա, երկշաքիլավոր խոտաբույսեր են: Ցեղի անվանումն առաջացել է լատիներեն...

Դեղաբույսեր
Թավշածաղիկ - Бархатцы - Tagetes
Թավշածաղիկ - Бархатцы - Tagetes

Աստղածաղկավորների ընտանիքին պատկանող միամյա կամ բազմամյա երկշաքիլավոր խոտաբույսերի ցեղ է, որն ընդգրկում է մոտավորապես 59 տեսակներ: Ցողուններն ուղղահայաց են, ամուր: Կազմում են հավաքված կամ տարածված...

Դեղաբույսեր
Զանգակածաղիկ - Колокольчик - Campanula
Զանգակածաղիկ - Колокольчик - Campanula

Զանգակազգիների (Campanulaceae) ընտանիքին պատկանող ավելի քան 80 ցեղերից մեկն է: Զանգակների ցեղն ընդգրկում է մոտավորապես 475 (GRIN) տեսակներ, որոնք միամյա, երկամյա կամ բազմամյա խոտաբույսեր են: Դասակարգում...

Դեղաբույսեր
Գորտնուկ (Հրանուկ) - Лютик (Едкиж) - Buttercup (Ranunculus)
Գորտնուկ (Հրանուկ) - Лютик (Едкиж) - Buttercup (Ranunculus)

Գորտնուկազգիների (Ranunculaceae) ընտանիքին պատկանող միամյա, երկամյա կամ բազմամյա բույսերի ցեղ է, որն ընդգրկում է Հյուսիսային կիսագնդի բարեխառն գոտիներում, Նոր Զելանդիայում ու Ավստրալիայում...

Դեղաբույսեր
Դաշտափուշ - Бодяк полевой - Cirsium arvense L.
Դաշտափուշ - Бодяк полевой - Cirsium arvense L.

Աստղածաղկավորների (Asteraceae) ընտանիքին պատկանող երկամյա կամ բազմամյա, երկշաքիլավոր, քիստավոր խոտաբույսերի ցեղ է: Ընդգրկում է մոտ 250, ըստ The Plant List ցանկի` 484 ենթատեսակներ, որոնք հիմնականում...

Դեղաբույսեր
Դանդուռ բանջարանոցային - Портулак огородный - Portulaca oleracea
Դանդուռ բանջարանոցային - Портулак огородный - Portulaca oleracea

Դանդուռ բանջարանոցայինը միամյա բույս է, պատկանում է դանդուռազգիների ընտանիքին (Portulacaceae), որն ընդգրկում է ավելի քան 100 տեսակներ: Ըստ որոշ տեղեկությունների հայտնի է եղել ավելի քան 10.000 տարի առաջ...

Դեղաբույսեր
Կորնգան ցանքային - Эспарцет песчаный (Эспарцет посевной) - Onobrychis arenaria (Kit) L.
Կորնգան ցանքային - Эспарцет песчаный (Эспарцет посевной) - Onobrychis arenaria (Kit) L.

Կորնգանը (Onobrychis Adans) բակլազգիների ընտանիքի բազմամյա, հազվադեպ՝ միամյա, խոտաբույս է կամ` թուփ: Լատիներեն գիտական անվանումը ծագում է հունարեն «onos»` ավանակ եւ «brich»` կրծոտել բառերից...

Դեղաբույսեր
Անմոռուկ - Незабудка - Myosotis
Անմոռուկ - Незабудка - Myosotis

Անմոռուկների (Myosotis) ցեղը պատկանում է գաղտրիկազգիների (Boraginaceae) ընտանիքին: Հայտնի են անմոռուկի 50 տեսակներ, որոնք Եվրասիայում, Ամերիկայում, Հարավային Աֆրիկայում, Ավստրալիայում ու Նոր Զելանդիայում...

Դեղաբույսեր
Ծիրանաչիր. օրգանիզմի դիմադրողականությունը բարձրացնող մթերք
Ծիրանաչիր. օրգանիզմի դիմադրողականությունը բարձրացնող մթերք

Ծիրանենու պտղաչիրն օրգանիզմն ամրացնող հրաշալի մթերք է, որի 100գ զանգվածի էներգետիկ արժեքը 241 կկալ է: ՌԴ «Будьте здоровы» (Спец. выпуск, 21.2012) խմբագրակազմը առաջարկում է հիվանդություններից ապաքինվող...

Սնունդը և առողջությունը
Բատատ՝ նույնն է քաղցր կարտոֆիլ կամ երկարակեցության արմատ
Բատատ՝ նույնն է քաղցր կարտոֆիլ կամ երկարակեցության արմատ

Բատատը [Ipomoea batatas (сладкий картофель, батат)] պատատուկազգիների ընտանիքին պատկանող բազմամյա բույս է, իսկ մորմազգի պատատեսը (կարտոֆիլ)՝ այսինքն «քաղցր կարտոֆիլ» անվանումը, որեւէ գիտական հիմք չունի...

Սնունդը և առողջությունը Դեղաբույսեր

Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ