Կոֆերմենտ Q10-ի սակավությունը որպես վաղաժամ ծերացման պատճառ

Գտնվում է օրգանիզմի բջիջների ու նաեւ ներբջիջային միկրոօրգանելների թաղանթներում՝ հատկապես միտոխոնդրիաների թաղանթում: Միտոխոնդրիաների հիմնական առաքելությունը քիմիական բնույթ ունեցող էներգիայի սինթեզն է, որն անհրաժեշտ է կենդանի բջիջների բաժանման, մոլեկուլների տեղափոխության ու սպիտակուցի կենսասինթեզի համար: Եթե խաթարվում է միտոխոնդրիայի բնականոն գործունեությունը, ապա օրգանիզմում նվազում է կենսական էներգիան: Ծերացման պատճառները բացահայտող ամենատրամաբանական թեորիաներից մեկը դա «միտոխոնդրիաների էներգետիկ անբավարարության» թեորիան է:

Վերջին տարիներին բացահայտվել է, որ Q10- ի սակավության պարագայում ավելանում է բջիջների արտաքին ու ներքին թաղանթները (ֆոսֆոլիպիդների, սպիտակուցների, նուկլեինաթթուների) տրոհող ազատ ռադիկալների թիվը: Պատահական չէ, որ Q10-ը հիմնականում կուտակվում է այն օրգանների բջիջներում, որոնց անհրաժեշտ է բարձր էներգետիկ ռեսուրս՝ սիրտ, թոքեր, լյարդ, երիկամներ, փայծաղ, ենթաստամոքսային գեղձ, մակերիկամներ: Մարդու օրգանիզմում կա 500-1500 մգ Q10, այն հիմնականում գոյանում է օրգանիզմում ու մասամբ ընդունվում է սննդամթերքի հետ:

Q10 պարունակող մթերք

• Ձկնեղեն. սաղմոնի 100 գ մսում պարունակվում է 15.2մգ Q10, իշխան՝12.4 մգ,սարդինա՝ 6.4 մգ:
• Տավարի միս. 3.1-3.6 մգ, լյարդ՝ 3.5 մգ, սիրտ՝ 99.8 մգ:
• Խոզի միս. 2.4- 4.1մգ, լյարդ՝ 2.7 մգ, սիրտ՝ 12.6-20.3 մգ:
• Ոչխարի միս. 2.9 մգ:     
• Հավի ճտի միս. 1.6 – 2.1մգ: Հ
• ավկիթ 1 հատ. միջին չափի 0.1 մգ:

ԲՈՒՍԱԿԱՆ ՅՈւՂԵՐ   

Սոյա՝ 9.23 մգ, կանճրակ՝ նույնն է հլածուկ (ռապս)՝ 6. 35 մգ, արեւածաղիկ՝ 4 մգ, ձիթապտուղ՝ 4.1մգ:
Բույսեր: Արախիս բոված՝ 2.8 մգ, քունջութ բոված՝ 2.5 մգ, պիստակ բոված՝ 2.1մգ, սոյա՝ 3 մգ, ոլոռ՝ 2.7 մգ, սպանախ, չմշակված բրինձ, ընկուզեղեն: Բրոկկոլի՝ 0.5 գ, ծաղկակաղամբ՝ 0.4 մգ, ելակ՝ 0.1մգ, 1 հատ միջին չափի նարինջ 0.3 մգ եւ այլ:

Մարդու օրգանիզմի 1 օրվա պահանջարկը 10 մգ է: Կոֆերմենտ Q10-ն այլ կերպ անվանում են «ուբիխինոն»՝ անգլերեն ubiquitous=ամենահաս, սակայն այն հիմնականում պարունակվում է սպիտակուցներով հարուստ կենդանական ծագում ունեցող մթերքում: Սրտամկանի (միոկարդ) ինֆարկտի թերապիայի պարագայում անհրաժեշտ է օրը` 150 մգ ուբիխինոն:

Ուբիխինոնի օգտակար ազդեցության ոլորտը: Մասնակցում է էներգիայի գոյացմանը բջիջներում, պաշտպանում է բջիջներն ազատ ռադիկալներից, կարգավորում եւ ուժեղացնում է սրտի ռիթմը, լավացնում է արյան շրջանառությունը սրտամկանում, ունի հակասկլերոտիկ հատկություն, նպաստում է արյունաստեղծմանը, կարգավորում է ճարպերի բաղադրությունն ու գլյուկոզայի պարունակությունն արյան մեջ, ունի հիպոտենզիվ հատկություն, նպաստում է ճարպերի այրմանն ու քաշի նվազեցմանը, բարձրացնում է օրգանիզմի դիմադրողականությունը մանրների ու վիրուսների հանդեպ, պաշտպանում է լյարդը վարակներից, լավացնում է ուղեղի աշխատանքը, ունի հակաուռուցքային, հակաալերգիկ հատկություն, ալֆա տոկոֆերոլի (E) հետ համատեղ ուժեղացնում է վերարտադրողական ֆունկցիան:

Հարցեր, պատասխաններ, մեկնաբանություններ