Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Ջուլիետա Սահակյանի բուժարանը

Բռնչի սովորական - Калина обыкновенная – Viburnum opulus

Բռնչի սովորական - Калина обыкновенная – Viburnum opulus

Խոշոր տերեւաթափ, խիտ ճյուղավորվող թուփ է` 3-4 մ բարձրությամբ: Ընձյուղները մերկ են, հարթ կամ, երբեմն, անկյունավոր, հաճախ կարմրավուն երանգով: Հին ճյուղերի կեղեևը գորշամոխրագույն երանգով է, ճաքճքված:


Տերեւները հակադիր են, կոթունավոր, լայն, ձվաձեւ, 5-10 սմ երկարությամբ ու 5-8 սմ լայնությամբ, վերեւի կողմից մուգ կանաչ, ներքեւից` ավելի բաց գույնի: Տերեւների բլթակները սրածայր են, ատամնաեզր կամ ամբողջական:


Ծաղկում է մայիս-հուլիս ամիսներին, սպիտակ ծաղիկները կազմում են վահանաձեւ կամ հովանոցանման՝ 5-10 սմ տրամագիծ ունեցող ծաղկաբույլեր: Պտուղը միակորիզ է, վառ կարմիր, գնդաձեւ կամ լայն էլիպսաձեւ, դառնահամ: Մանր պտուղները հասունանում են օգոստոս - սեպտեմբեր ամիսներին ու ամբողջ ձմռան ընթացքում մնում են թփերի վրա՝ ի ուրախություն թռչունների: Պատկանում է ցախակեռասազգիների ընտանիքին:


Տարածված է ՀՀ ցածրադիր ու միջին լեռնային գոտիների սահմաններում, խոնավ, հզոր հողերի վրա՝ տերեւախիտ անտառներում, թփուտներում: Հեռանկարային է ՀՀ բարձր լեռնային շրջանների անտառա- ու կանաչապատման համար: Բազմանում է սերմերով, կանաչ կտրոններով ու անդալիսով:

 

Բռնչի սովորական - Калина обыкновенная – Viburnum opulusԲալկաններից մինչեւ Լեհաստան ու Չեխիայից մինչեւ Ռուսաստան սլավոնական բոլոր ազգերն անվանում են բույսը Калина, այսինքն վառ կարմիր, շիկացած կրակ, որը բռնել չի կարելի՝ բռնչի:


Սլավոնների մոտ Иван Купала տոնի օրը աղջիկը հյուրասիրում է բռնչու պտղի ոգեթուրմով միայն իր սիրելի պատանուն: Բռնչին դեռատի աղջիկների գեղեցկության, սուրբ սիրո, երջանկության խորհրդանիշ է:


Հյուրին դիմավորելիս աղ ու հացի վրա հաճախ բռնչու ճյուղիկ են դնում:

     
ՔԻՄԻԱԿԱՆ ԲԱՂԱԴՐՈՒԹՅՈՒՆԸ


Հարուստ է կենսաբանորեն ակտիվ միացություններով: Պտուղը պարունակում է 89.6% ջուր, 0.42% մոխիր, 0.37% սպիտակուցներ, 1.2-1.8% ճարպեր, 9.7% ածխաջրեր:


Հարյուր գրամ պտուղը պարունակում է 2.9 գ խաղողաշաքար, որը 29%-ով բավարարում է մարդու 1 օրվա պահանջարկը, նաեւ մրգաշաքար՝ 0.63 գ կամ 1.8%, բջջանք՝ 0.54-1 գ կամ 3%, բարդ շաքարներ՝ 5-6.5 գ կամ 11.6%: Պուրիններ՝ 1 մգ կամ 6.7 %: Հարյուր գրամ հատապտղի էներգետիկ արժեքը 26.3 կկալ է:
                   
ՎԻՏԱՄԻՆՆԵՐ


Ասկորբինաթթու (C վիտամին)՝ 29-138 մգ, բետա կարոտին (ենթավիտամին A)՝ 1.4- 2.8 մգ կամ 38%բ ալֆա տոկոֆերոլ (մտնում է E վիտամինի կազմի մեջ) 2 մգ կամ 13%, ֆոլիաթթու (B9)` 30 մկգ կամ 7.5%, պանտոտենաթթու (B5)` 0.25-0.36 մգ կամ 6%, նիացին (PP)՝ 0.46-1.35 մգ կամ 4.1%, պիրիդոքսին (B6)՝ 0.036-0.093 մգ կամ 3.6%:   

 

ՄԱԿՐՈՏԱՐՐԵՐ


Բռնչի սովորական - Калина обыкновенная – Viburnum opulusԲռնչի սովորականի 100 գ պտուղը պարունակում է մարդու օրգանիզմին անհրաժեշտ կալցիումի պահանջարկի 3.7%-ը, կալիում՝ 3.8%, մագնեզիում՝4%, ֆոսֆոր 12.5% եւ այլն:


ՄԻԿՐՈՏԱՐՐԵՐ

 

Բոր՝ 457%, մոլիբդեն՝ 354%, կոբալտ՝ 285%, քրոմ՝120%, արճիճ (կապար)՝ 93%, յոդ 60%, երկաթ 40%, վանադիում՝ 18.8%, սելեն 16%, նիկել՝ 11%, պղինձ 6%, ցինկ 4.2%, ռուբիդիում՝ 3.4%, այլ:


Այլ օգտակար նյութեր: Պտուղը պարունակում է դաբաղանյութեր, ֆլավոններ, օրգանական թթուներ՝ խնձորի, մրջյունի, կատվախոտի, կիտրոնի եւ այլն, բույսին բնորոշ՝ գլիկոզիդ վիբուրնին:

 

ԲՌՆՉԻ ՍՈՎՈՐԱԿԱՆԻ ԲՈՒԺԻՉ ՀԱՏԿՈՒԹՅՈՒՆՆԵՐԸ. ԴԵՂԱՏՈՄՍԵՐ


Պտուղները հավաքում են առաջին ցրտահարությունից հետո, հաճախ կտրում են ճյուղերը՝ պտուղների հետ միասին, կախում են հով նկուղում: Սառեցրած պտուղը պահպանում է իր օգտակար հատկությունները, իսկ ջերմային մշակման դեպքում տրոհվում է C վիտամինը, նվազում է պեկտինի ու շաքարի քանակը եւ P վիտամինային՝ նույնն է ֆլավոնների ակտիվությունը:


Բուժիչ հատկություններ ունեն նաեւ բույսի ծաղիկը, բարակ ճյուղիկը, տերեւը, կեղեւը, արմատը:


ՈԳԵԹՈՒՐՄԵՐ ՊՏՂԻ ՀՅՈՒԹՈՎ


Բռնչի սովորական - Калина обыкновенная – Viburnum opulusԱ. Հյութաքամիչով զտված հյութը խառնեք մեղրի հետ (1:1), 0.85- 0.9 լ լուծույթին ավելացրեք 100 մլ բժշկական՝ 96%-անոց սպիրտ, ապակյա տարան փակեք կապրոնե կափարիչով, պահեք մութ, հով տեղում՝ մինչեւ 1-1.5 տարի: Խմեք 1-ական կամ 2-ական ճ.գ.՝ օրը 3 անգամ, 4 ժամ ընդմիջումներով:


Բ. Խառնեք 1կգ մեղր, 1լ հյութ, 500 մլ կոնյակ: Ոգեթուրմը պահեք ու խմեք վերոգրյալ կարգով:


Ոգեթուրմերի օգտակար հատկություններն ու ազդեցության ոլորտն առաջին անգամ նկարագրել է ուկրանիացի բուսաբույժ Վլադիմիր Կուպչինը, ով կիրառում է վերոգրյալ լուծույթները բրոնխիտի, ասթմայի, հեւոցի, թոքերի տուբերկուլոզի, չարորակ նորագոյացությունների , լյարդի ու սրտի հիվանդությունների, գլխացավի, հիպերտոնիայի, նեւրոզների, հիսթերիայի, էպիլեպսիայի, բարձր քրտնարտադրության, ստամոքսում ու 12- մատնյա աղիում պոլիպների առկայության, երիկամների ու սրտի անբավարարության, մրսածության, հազի, մի շարք մաշկային հիվանդությունների բուժման համար:


Ի դեպ՝ ոգեթուրմերի օգտակարության վերաբերյալ կան բազմաթիվ դրական հրապարակումներ:


Լյամբլիոզ, տրիխոմոնոզ: Հյութաքամիչով զտված հյութը պահեք սառնարանում՝ 30-40 օր: Մեկ կամ 2 թ. գ. լուծեք 100 մլ գոլ՝ նախօրոք եռացրած ջրում: Խմեք 100-ական մլ լուծույթ՝ օրը 3 անգամ, շարունակեք 30 օր: Հյութի նման հատկությունը հաստատվել է գիտական հետազոտություններով:


ԿԱՐԵՎՈՐ Է ԻՄԱՆԱԼ


Բռնչի սովորական - Калина обыкновенная – Viburnum opulusԱկանատես եմ եղել, որ բռնչի սովորականի հյութն ու վերոգրյալ ոգեթուրմերը իրոք օգտակար են՝ հատկապես կերակրափողի ուռուցքի պարագայում, որպես բուժմանը նպաստող օժանդակ միջոց:


ԲՈՒԺՈՒՄ Է ՍԵՐՄԸ


Ի տարբերություն պտղամսի, որն ունի ճնշումն իջեցնող ու հանգստացնող ազդեցություն, սերմը բարձրացնում է օրգանիզմի ակտիվությունը: Պարունակում է մինչեւ 21% ճարպեր: Կան հրապարակումներ, որ սերմը բնական սորբենտ է՝ կապում եւ հեռացնում է թունավոր նյութերը: Որոշ բուժարարներ պնդում են, որ սերմը տրոհում է ոչ մեծ քարերն ու նպաստում է ավազի հեռացմանը երիկամներից, լեղապարկից, լեղուղիներից ու միզուղիներից.


 - Կուլ տվեք 1-ական սերմ՝ օրը 10-15 անգամ, 1-ական ժամ ընդմիջումներով:


ՍՈՒՐՃ ՍԵՐՄԻՑ: Մեկ թ. գ. փոշիացրած սերմը լցրեք 100 մլ եռջրի մեջ, խառնեք, 15 րոպե թրմեք: Խմեք 100-ական մլ՝ օրը 2 անգամ: Շարունակեք 1-2 շաբաթ:


Օգտակար է մագնիսական փոթորիկների, եղանակի տատանման պարագայում: Կարգավորում Է սրտի ռիթմերը, բարձրանում է աշխատունակությունը, որոշ դեպքերում նվազում է գլխացավը:


ՀԱԿԱՈՒՌՈՒՑՔԱՅԻՆ ՄԻՋՈՑՆԵՐ


Բռնչի սովորական - Калина обыкновенная – Viburnum opulusԱ. Բռնչի սովորականի ծաղիկի թուրմ: Խորհուրդ է տրվում խմել նորագոյացությունների առաջացման պարագայում, որպես աճը կանխարգելող միջոց:


Երեք ճ. գ. թարմ հումքը 90 րոպե թրմեք ջերմապահում 600 մլ տաք (60°C) ջրում: Խմեք 200-ական մլ՝ օրը 3 անգամ, ուտելուց առաջ: Շարունակեք 1 ամիս, կրկնեք 1 շաբաթից:


Բ. Կրծքագեղձի ուռուցքի ու մաշկի քաղցկեղի դեպքում դնում են թրջոցներ բռնչի սովորականի պտղի թարմ հյութով:
   

ԹՈՒՐՄ ՊՏՂՈՎ


Պտուղը տրորեք, 20 գ հումքը 4 ժամ թրմեք ջերմապահում 300 մլ տաք (60°C) ջրի մեջ: Խմեք 100-ական մլ՝ օրը 3 անգամ, ուտելուց առաջ: Խորհուրդ է տրվում հիպերտոնիկ հիվանդության, աթերոսկլերոզի, անոթների սպազմի ( հատկապես մոլի ծխողների), մրսածության, կոլիտի, ստամոքսաբորբի (ստամոքսահյութի ցածր թթվայնություն), ստամոքսի ու 12- մատնյա աղու խոցի դեպքում:


Արյունարգել. - Բամբակե խծուծը թրջեք ու դրեք քթանցքների մեջ:


Մաշկային ցան. - Քսեք խնդրահարույց հատվածին:


Պտղի ու մեղրի խառնուրդ: Խորհուրդ է տրվում ուտել հիպերտոնիկ հիվանդության, հազի, բրոնխիալ ասթմայի բուժման ընթացքում: Պտուղը 3 օր թրմեք գոլ (40°C) մեղրի մեջ (1:5) տաք տեղում: Կերեք 1-ական ճ.գ.՝ օրը 4 անգամ, ուտելուց 30 րոպե հետո:

Պտուղն օգտակար է սրտին, ունի կապող, հականեխիչ, լեղամուղ, ճնշումն իջեցնող, արյունարգել ազդեցություն: Արագացնում է վերքերի ապաքինումը, կասեցնում է արյունահոսությունը ստամոքսի ու 12- մատնյա աղու խոցերից:
 

ԲՌՆՉԻ ՍՈՎՈՐԱԿԱՆԻ ԿԵՂԵՎԻ ՕԳՏԱԿԱՐ ՀԱՏԿՈՒԹՅՈՒՆՆԵՐԸ

 

Բռնչի սովորական - Калина обыкновенная – Viburnum opulusԲռնչի սովորականի թուփն ունի հանգստացնող ազդեցություն, որի մասին բազմաթիվ երգեր են հյուսվել: Բռնչին ճակատագրից դժգոհ հազարավոր կանանց հույս ու սիրո հանդեպ հավատ է ներշնչել: Հարկավոր է ընդամենը հպվել ծառին ձեռքի ափերով ու խոստովանել հոգու խորքից եկող ցանկությունը:


Կեղեւը մթերում են նախքան բույսի ծաղկելը, կտրում են 2-3 տարեկան ճյուղերը, որոնք բաժանում են 10-20 սմ կտորների, անջատում են կեղեւը բնափայտից ու չորացնում լավ օդափոխվող տարածքում կամ ջեռոցում (50°C):


Պարունակում է խեժատիպ բարդ եթերներ ու դաբաղանյութեր, որոնցից հիդրոլիզի ժամանակ անջատվում են գլիկոզիդ վիբուրնինը, մրջնի, քացախի, կատվախոտի, կապրիլի ու կապրինի թթուներ, բուսական ստերոլներ ու ստերիններ, հզոր հակաուռուցքային ազդեցություն ունեցող աստրագալային եռատերպենի ածանցյալներ, պալմիտինի, ցերոտինային, լինոլի թթուներ, C ու K վիտամիններ, դառը միացություններ:


Կեղեւից ստացված պատրաստուկները հանգստացնում են նյարդերը (կատվախոտի թթու), ուժեղացնում են քնաբեր դեղերի ազդեցությունը, ունեն հակակարկամային, արյունարգել, հակաբորբոքային, հականեխիչ, առույգացնող ու աշխատունակությունը խթանող հատկություն:

 

Բռնչի սովորական - Калина обыкновенная – Viburnum opulusԽորհուրդ է տրվում ստամոքսաբորբի, կոլիտի, հիպերտոնիկ հիվանդության, ետծննդաբերական շրջանում, առատ դաշտանի, թութքի դեպքում:


Թուրմ. 10 գ կեղեւը 5 ժամ թրմեք ջերմապահում 250 մլ եռջրի մեջ, քամեք: Խմեք 50-ական մլ՝ օրը 3 անգամ, ուտելուց առաջ: Թուրմն ու եփուկը խմում են 2-3 օր, անհրաժեշտության դեպքում կրկնում են 2 օրից:


Եփուկ. 7 գ հումքը 30 րոպե եռացրեք 250 մլ ջրի մեջ, փակ տարայում, 2 ժամ թրմեք, խմեք 50-ական մլ, օրը 3 անգամ՝ անքնության, նեւրոզների, ներքին արյունահոսությունների, ջղակծկումների, անոթների սպազմի (օգտակար է ծխելուց առաջ) պարագայում: Ավելացրեք լոգանքի ջրին կորյակների, ցանի դեպքում:


Ոգեթուրմ թութքի դեմ: Կեղեւը մանրացրեք հավանգով, 7 օր թրմեք 76%-անոց սպիրտի մեջ (1:1), քամեք: Խմեք 20-40 կաթիլ՝ օրը 2-3 անգամ, ուտելուց առաջ:


ՀԱԿԱՑՈՒՑՈՒՄՆԵՐ: Բռնչի սովորականի բոլոր մասերից ստացված պատրաստուկները պետք է զգուշորեն օգտագործել հետեւյալ դեպքերում՝ արյան բարձր մակարդելիություն, հիպոտոնիա, հոդատապ, արթրիտ, վարիկոզ, թրոբոֆլեբիտ, երիկամների հիվանդությունների սրացման շրջան, հղիություն: Խորհրդակցեք բժշկի հետ:
 
Բռնչին կարող է հրաշքներ գործել՝ որպես գեղարարական միջոց   


Ա. Կնճիռները հարթեցնող մերսում: Բռնչի սովորականի հյութը սառեցրեք՝ խորանարդիկների բաժանված սառնարանի հատուկ կաղապարի մեջ:
 

Բռնչի սովորական - Калина обыкновенная – Viburnum opulusԴեմքին ու պարանոցին դրեք տաք թրջոց: Ձախ ձեռքի մատներով պահեք մաշկը ու մերսեք սառցե խորանարդիկով կնճիռը, կատարեք 2-3 անգամ, որից հետո անմիջապես կրկին դրեք տաք թրջոց, մի քանի րոպեից դեմքը ցայեք սառը ջրով ու մշակեք վիտամինային քսուկով: Կատարեք 8-10 անգամ, 1-2 օր ընդմիջումներով, անհրաժեշտության դեպքում մինչեւ 15 անգամ: Կրկնեք 3 ամսից ոչ շուտ:


Բռնչին սպիտակեցնում, հարթեցնում, ձգում, մաքրում, սնուցում ու խթանում է մաշկի արյան շրջանառությունը, բարձրացնում է ենթամաշկային մկանների տոնուսը:


Բ. Դրեք դեմքին տաք թրջոց, պահեք 1-2 րոպե, անմիջապես քսեք բռնչի սովորականի պտղահյութի ու թթվասերի խառնուրդ (1:1), պահեք 20 րոպե, լվացեք գոլ ջրով, դեմքը մշակեք սնուցող քսուքով:


Կատարեք 15 անգամ, 1- 2 օր ընդմիջումներով ու անկախ տարիքից ձեր դեմքը կերիտասարդանա, կդառնա ավելի արտահայտիչ:

 

Գ. Եղունգների խնամք: 300 մլ գոլ ջրի մեջ լուծեք 2 ճ.գ. հատապտղի հյութ ու ծովի աղ, ձեռքերը 20 րոպե պահեք լոգանքի մեջ: Լուծույթը փափկեցնում է մաշկն ու ամրացնում է եղունգները:

 

Դ. Բռնչի սովորականի հատապտղի հյութը օգտագործում են կորյակների բուժման, պիգմենտային բծերի ու պեպենների գունաթափման համար:

 

Ե: Սպիտակեցնող դիմակ: Մեկ հավկիթի դեղնուցը հարեք հատապտղի 1-2 ճ. գ. հյութի հետ, քսեք մաշկին, պահեք 15 րոպե, լվացեք գոլ ջրով: Կարելի է կատարել ամեն օր:

Հեղինակ. Ջուլիետա ՍԱՀԱԿՅԱՆ
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Կարդացեք նաև

Բուժումներ խուրմայով. 168.am
Բուժումներ խուրմայով. 168.am

Բուժիչ նամակներ Փյունիկյան արմավենին մինչև 8 մ բարձրությամբ խոշոր, երկար տերևներով սլացիկ ծառ է։ Պտուղները կազմում են խիտ ողկույզներ, որոնց երկարությունը և տրամագիծը չափվում են մի քանի մետրով...

Սնունդը և առողջությունը
Բուժում են սերմերը. 168.am
Բուժում են սերմերը. 168.am

Յուրաքանչյուր սերմ հայտնվելով բարենպաստ պայմաններում` փոքրիկ ծիլ է տալիս, որը կախված գենետիկ ծրագրից` դառնում է խոտաբույս, թուփ, ծառ, լիանա, ջրիմուռ, և այլն։ Մարդը հնագույն ժամանակներից հասկացել է...

Ավանդական բուժման մեթոդներ և միջոցներ
Մեղրատու, բուժիչ ոզնենին. 168.am
Մեղրատու, բուժիչ ոզնենին. 168.am

Բուժիչ նամակներ Ոզնենիների ենթաընտանիքը (Echinops) ընդգրկում է մոտ 125 տեսակներ. պատկանում է բարդածաղկավորների ընտանիքին։ Հայաստանում հանդիպում են ոզնենիների մոտ մեկ տասնյակ տեսակներ...

Դեղաբույսեր
Հալվե – Алоэ - Aloe
Հալվե – Алоэ - Aloe

Թաղաղուազգիների ընտանիքին (Xanthorrhoeaceae, Asphodelaceae ենթաընտանիքի) պատկանող բազմամյա միաշաքիլավոր խոտաբույսերի, թփերի, հազվադեպ՝ ծառերի ու լիանաների ցեղ է, որի գիտական անվանումը...

Դեղաբույսեր
Խուլ եղինջ - Яснотка - lamium
Խուլ եղինջ - Яснотка - lamium

Շրթնածաղկավորների (Labiatae) կամ նույնն է խուլ եղինջազգիների ընտանիքին պատկանող միամյա կամ բազմամյա, երկշաքիլավոր խոտաբույսերի ցեղ է: Ըստ The Plant List (2013) Խուլ եղինջ ցեղը ընդգրկում է 30 տեսակներ...

Դեղաբույսեր
Մատնունի - Лапчатка - Potentilla
Մատնունի - Лапчатка - Potentilla

Մատնունի ցեղն ընդգրկում է մոտավորապես 300 (այլ տվյալներով՝ 500) տեսակներ, որոնք վարդազգիների ընտանիքին պատկանող միամյա կամ բազմամյա, երկշաքիլավոր խոտաբույսեր են: Ցեղի անվանումն առաջացել է լատիներեն...

Դեղաբույսեր
Թավշածաղիկ - Бархатцы - Tagetes
Թավշածաղիկ - Бархатцы - Tagetes

Աստղածաղկավորների ընտանիքին պատկանող միամյա կամ բազմամյա երկշաքիլավոր խոտաբույսերի ցեղ է, որն ընդգրկում է մոտավորապես 59 տեսակներ: Ցողուններն ուղղահայաց են, ամուր: Կազմում են հավաքված կամ տարածված...

Դեղաբույսեր
Զանգակածաղիկ - Колокольчик - Campanula
Զանգակածաղիկ - Колокольчик - Campanula

Զանգակազգիների (Campanulaceae) ընտանիքին պատկանող ավելի քան 80 ցեղերից մեկն է: Զանգակների ցեղն ընդգրկում է մոտավորապես 475 (GRIN) տեսակներ, որոնք միամյա, երկամյա կամ բազմամյա խոտաբույսեր են: Դասակարգում...

Դեղաբույսեր
Գորտնուկ (Հրանուկ) - Лютик (Едкиж) - Buttercup (Ranunculus)
Գորտնուկ (Հրանուկ) - Лютик (Едкиж) - Buttercup (Ranunculus)

Գորտնուկազգիների (Ranunculaceae) ընտանիքին պատկանող միամյա, երկամյա կամ բազմամյա բույսերի ցեղ է, որն ընդգրկում է Հյուսիսային կիսագնդի բարեխառն գոտիներում, Նոր Զելանդիայում ու Ավստրալիայում...

Դեղաբույսեր
Դաշտափուշ - Бодяк полевой - Cirsium arvense L.
Դաշտափուշ - Бодяк полевой - Cirsium arvense L.

Աստղածաղկավորների (Asteraceae) ընտանիքին պատկանող երկամյա կամ բազմամյա, երկշաքիլավոր, քիստավոր խոտաբույսերի ցեղ է: Ընդգրկում է մոտ 250, ըստ The Plant List ցանկի` 484 ենթատեսակներ, որոնք հիմնականում...

Դեղաբույսեր
Դանդուռ բանջարանոցային - Портулак огородный - Portulaca oleracea
Դանդուռ բանջարանոցային - Портулак огородный - Portulaca oleracea

Դանդուռ բանջարանոցայինը միամյա բույս է, պատկանում է դանդուռազգիների ընտանիքին (Portulacaceae), որն ընդգրկում է ավելի քան 100 տեսակներ: Ըստ որոշ տեղեկությունների հայտնի է եղել ավելի քան 10.000 տարի առաջ...

Դեղաբույսեր
Կորնգան ցանքային - Эспарцет песчаный (Эспарцет посевной) - Onobrychis arenaria (Kit) L.
Կորնգան ցանքային - Эспарцет песчаный (Эспарцет посевной) - Onobrychis arenaria (Kit) L.

Կորնգանը (Onobrychis Adans) բակլազգիների ընտանիքի բազմամյա, հազվադեպ՝ միամյա, խոտաբույս է կամ` թուփ: Լատիներեն գիտական անվանումը ծագում է հունարեն «onos»` ավանակ եւ «brich»` կրծոտել բառերից...

Դեղաբույսեր
Անմոռուկ - Незабудка - Myosotis
Անմոռուկ - Незабудка - Myosotis

Անմոռուկների (Myosotis) ցեղը պատկանում է գաղտրիկազգիների (Boraginaceae) ընտանիքին: Հայտնի են անմոռուկի 50 տեսակներ, որոնք Եվրասիայում, Ամերիկայում, Հարավային Աֆրիկայում, Ավստրալիայում ու Նոր Զելանդիայում...

Դեղաբույսեր
Ծիրանաչիր. օրգանիզմի դիմադրողականությունը բարձրացնող մթերք
Ծիրանաչիր. օրգանիզմի դիմադրողականությունը բարձրացնող մթերք

Ծիրանենու պտղաչիրն օրգանիզմն ամրացնող հրաշալի մթերք է, որի 100գ զանգվածի էներգետիկ արժեքը 241 կկալ է: ՌԴ «Будьте здоровы» (Спец. выпуск, 21.2012) խմբագրակազմը առաջարկում է հիվանդություններից ապաքինվող...

Սնունդը և առողջությունը
Բատատ՝ նույնն է քաղցր կարտոֆիլ կամ երկարակեցության արմատ
Բատատ՝ նույնն է քաղցր կարտոֆիլ կամ երկարակեցության արմատ

Բատատը [Ipomoea batatas (сладкий картофель, батат)] պատատուկազգիների ընտանիքին պատկանող բազմամյա բույս է, իսկ մորմազգի պատատեսը (կարտոֆիլ)՝ այսինքն «քաղցր կարտոֆիլ» անվանումը, որեւէ գիտական հիմք չունի...

Սնունդը և առողջությունը Դեղաբույսեր

Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ