Ուլտրաձայնային դոպլերոգրաֆիա (երկակի (դուպլեքս) անոթների)

Անոթների ուլտրաձայնային դոպլերոգրաֆիան կիրառվում է անոթներում արյունահոսքի խանգարումները հայտնաբերելու նպատակով: Հետազոտությունն անցկացվում է գլխի, պարանոցի, վերին և ստորին վերջույթների անոթների ուսումնասիրման համար:

Այն տեղեկատվական է ինչպես երակային համակարգի, այնպես էլ զարկերակային համակարգի արյունաշրջանառության համար: Կլինիկայում արյունահոսքի վիճակի գնահատման համար կիրառում են նաև դուպլեքսային սկեներացում: Շնորհիվ ժամանակակից ուլտրաձայնային սկեներացման հնարավոր է անոթների հետազոտում իրական ժամանակի ռեժիմում: 
Անոթների դուպլեքս սկեներացումը կիրառվում է ախտորոշելու համար`

1. քներակների հիվանդություններ (ուղեղային արյունաշրջանառության խանգարում),

2. ստորին վերջույթների անոթների հիվանդություններ (վարիկոզ հիվանդություն, թրոմբոֆլեբիտ, խցանող աթերոսկլերոզ),

3. վերին վերջույթների անոթների հիվանդություններ (Ռեյնոյի հիվանդություն),

4. աորտայի և դրա ճյուղերի հիվանդություններ,

5. աորտայի կրծքային և որովայնային հատվածների անևրիզմաներ (զարկերակալայնանք):

Այս մեթոդի առավելություն առաջին հերթին այն է, որ անվտանգ է հիվանդի համար` բացակայում է վնասվածքների հնարավորությունը, բարձր է հավաստիությունը, տեղեկատվությունը, զգայնությունը: Մեթոդը թույլ է տալիս ուսումնասիրել անոթի լուսանցքը, գնահատել լորձաթաղանթի վիճակը, աթերոսկլերոտիկ փոփոխությունների առկայությունը, դրանց չափերը և անոթի լուսանցքի նեղացման աստիճանը, ինչպես նաև դրանց տարածվածությունը: Բացի այդ, մեթոդը չունի իրեն հավասարը արյունահոսքի տարբեր չափանիշների, փականային համակարգի վիճակի գնահատման մեջ և թրոմբոտիկ զանգվածների տեսանելիության առումով: Մեթոդը թույլ է տալիս գնահատել երկրորդային անոթային փոփոխությունների առկայությունն ու բնույթը մարդու օրգանիզմի հյուսվածքների և ներքին օրգանների հիվանդությունների ժամանակ, հնարավորություն է տալիս վաղ հայտնաբերել անոթային հիվանդությունները:
Առավել լայնորեն կիրառվում է`

• բրախիցեֆալ զարկերակների դուպլեքս սկեներացում (ԲՑԶ ԴՍ), նույնն է գլխի հիմնական (մագիստրալ) զարկերակների դուպլեքս սկեներացում (ԳՀԶ ԴՍ) 

• վերջույթների զարկերակների և երակների դուպլեքս սկեներացում

• աորտայի և ստորին սիներակի դուպլեքս սկեներացում

• երիկամային զարկերակի և երակի դուպլեքս սկեներացում

• լյարդային զարկերակի և երակի դուպլեքս սկեներացում

Հարցեր, պատասխաններ, մեկնաբանություններ