ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Պալիատիվ բուժօգնությունը` հասարակական խորհրդի օրակարգում
Առողջապահության նախարարությունում կայացել է նախարարին կից հասարակական խորհրդի հերթական նիստը` խորհրդի նախագահ Արսեն Թորոսյանի գլխավորությամբ:
Հասարակական խորհրդի նիստի օրակարգում ընդգրկվել էին առողջության առաջնային պահպանման օղակում թմրամիջոցների շրջանառության կարգավորման օրենսդրության կիրարկման վերաբերյալ, պալիատիվ բուժօգնության ներդրման ուղղությամբ 2017-2018 թվականների ընթացքում իրականացված և 2019 թվականին նախատեսվող աշխատանքների վերաբերյալ հարցերը, ներկայացվել է Մարդու իրավունքների պաշտպանության ազգային ռազմավարությունից բխող 2017-2019 թվականների գործողությունների ծրագրի կատարման ընթացքը:
Ողջունելով խորհրդի անդամներին` Արսեն Թորոսյանն ընդգծել է, որ օրակարգում ընդգրկված հարցերն առողջապահության նախարարության քաղաքականության գերակայություններից են և շատ կարևոր են նաև հասարակական հատվածի հետ քննարկումների համատեքստում:
Ներկայացնելով պալիատիվ բուժօգնության ներդրման ուղղությամբ իրականացված աշխատանքները` ՀՀ ԱՆ բժշկական օգնության քաղաքականության վարչության պետ Դավիթ Մելիք-Նուբարյանը նշել է, որ մշակվել է «Պալիատիվ բժշկական օգնության և սպասարկման տրամադրման չափորոշիչը», որով սահմանվել են բնակչությանը ցուցաբերվող պալիատիվ բուժօգնության հիմնական սկզբունքները, տրամանդրման ձևերը, ծառայության կազմակերպման հետ կապված հարաբերությունները: Երևանում և մարզերում «Բաց հասարակության հիմնադրամներ-Հայաստան» հասարակական կազմակերպության աջակցությամբ կազմակերպվել են վերապատրաստման դասընթացներ, որին մասնակցել են 49 բժիշկ և 51 բուժքույր: Իսկ 2019 թվականին նախատեսվում է փորձարարական կարգով պետական պատվերի շրջանակներում իրականացնել պալիատիվ բժշկական օգնության ծառայություն մի մարզում և Երևանի երկու բժշկական կազմակերպությունում:
Նախարարին կից հասարակական խորհրդի անդամ Դավիթ Ամիրյանը ներկայացրել է առողջության առաջնային պահպանման օղակում թմրամիջոցների շրջանառության կարգավորման օրենսդրության կիրարկման վերաբերյալ իրենց ուսումնասիրության արդյունքները: Նա նշել է 3 հիմնական պատճառ, որոնք խոչընդոտում են դաշտի կարգավորմանը` իրազեկվածության և մասնագիտական կրթության պակաս, օրենսդրության գործարկման ընթացքում ի հայտ եկած խնդիրներ:
Ներկաներն անդրադարձել են բարձրացված հարցերին, հնարավոր լուծման ուղիներ առաջարկել:
Այնուհետև ներկայացվել է Մարդու իրավունքների պաշտպանության ազգային ռազմավարությունից բխող 2017-2019 թվականների գործողությունների ծրագրի կատարման ընթացքը` ընդգծելով, որ 2018 թվականի 4-րդ եռամսյակում նախարարությունը չի ունեցել իրականացվելիք միջոցառումներ: Մինչդեռ պարբերաբար իրականացվող միջոցառումներից հատկանաշական են պտղի սեռով պայմանավորված հղիության արհեստական ընդհատումների կանխարգելման նպատակով կատարված աշխատանքները:
Մանրամասնելով այս ուղղությամբ կատարված քայլերը` ՀՀ ԱՆ մայրական և վերարտադրողական առողջության պահպանման բաժնի պետ Գայանե Ավագյանը նշել է, որ իրականացված համալիր միջոցառումների արդյունքում արձանագրվել են որոշակի դրական միտումներ պտղի սեռով պայմանավորված հղիության արհեստական ընդհատումների հիմնախնդրի հաղթահարման գործընթացում:
Թվերն ավելի քան խոսուն են. Եթե ծրագրին նախորդող 2008-2012 թվականներին ծնվածների մեջ աղջիկ-տղա միջին հարաբերակցությունը կազմել է 100/115, 2014-ին` 100/113.4, 2015-ին` 100/112.7, 2016-ին` 100/111.9, 2017-ին` 100/109.8, ապա 2018-ին, ըստ նախնական տվյալների, 100/108.5:
Մասնագետը շեշտել է, որ միջազգային տարբեր կազմակերպություններ, այդ թվում` նման հիմնախնդիր ունեցող երկրները բարձր են գնահատել Հայաստանի փորձը և ցանկություն հայտնել այն կիրառելու իրենց երկրներում:
Ամփոփելով նիստը՝ հասարակական խորհրդի նախագահ Արսեն Թորոսյանը շնորհակալություն է հայտնել գործընկերներին մասնակցության և արդյունավետ քննարկման համար:
08.02.2019
|
|||||||||||||||||||||||||||||||||||
Կարդացեք նաև
14.05.2025
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
-
«Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
-
Ժողովրդական դեղամիջոցներ
-
Հղիություն. 4-րդ ամիս
-
Հղիություն. 7-րդ ամիս
-
Կոճապղպեղ նույնն է՝ իմբիր, Ginger եւ Zingiber Officinale
-
Հղիություն. 6-րդ ամիս
-
Ամուսնական առաջին գիշերը
-
Հղիություն. 2-րդ ամիս
- 4-7 ամսական երեխաների սնուցումը
-
Խնձորը` պզուկների դեմ. ազատվիր նրանցից 1 գիշերվա ընթացքում
-
Ընկերության մասին
-
Ինչպես ազատվել անցանկալի մազերից
-
Դդում
-
Պարզվում է ապագա երեխայի սեռը կախված է մայրիկի սնունդից
-
Հիվանդություն, որը փոխում է մեր կյանքը` կրծագեղձի քաղցկեղ
-
Կոճապղպեղ՝ նիհարելու համար (կոճապղպեղի թեյ)
-
Սեռական գրգռում
-
Արգանդի միոմա. նախանշանները, պատճառներն ու բուժումը
-
Հղիություն. 1-ին ամիս
-
Չիչխանի օգտակար հատկությունները
-
Երիցուկ դեղատնային - Ромашка аптечная - Matricaria chamomilla L.
-
Քարավուզ (նույն ինքը՝ նեխուր)
-
Հեշտոցային արտադրության պատճառները. մասնագետի անդրադարձը
-
Ինչպես ազատվել բերանի վատ հոտից`պարզ միջոց
-
Կրծքի ցավե՞ր ունեք. ինչ անել
-
Դիմակներ` մազերի համար
-
Ընդհանուր տեղեկություններ մարմնի համակարգերի մասին
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Խոսենք այդ մասին. ձեռնաշարժություն
-
Հիվանդություն, որի համար պետք չէ ամաչել (թութք)
-
Ընտրություն ըստ հորոսկոպի
-
Հղիությունը և նախապատրաստվելը դրան
-
Հղիություն. 9-րդ ամիս
-
Երբ գլխացավն ախտանիշ է: Հանճարեղ և օժտված մարդկանց հիվանդություն
- Շաքարային դիաբետի բուժման ժամանակակից մոտեցումները
-
Լեղաքարային հիվանդություն. բուժման մեթոդները
-
Սեռական թուլության առաջին նախանշանները. news.am
-
Հղիություն. 8-րդ ամիս
-
Ուլտրաձայնային դոպլերոգրաֆիա (երկակի (դուպլեքս) անոթների)
- Ցերվիցիտի (էնդոցերվիցիտի) կլնիկաձևաբանական բնութագիրը (գրական ակնարկ)















Գիտական բժշկություն
Հիվանդություններ
Ավանդական բժշկություն
Առողջ ապրելակերպ
Կոսմետոլոգիա
Բժշկական իրավունք
Ալգորիթմեր, թեստեր
Թվեր, փաստեր, դեպքեր
Պատմական խրոնիկա
Աֆորիզմներ
Կարիերային սանդուղքով
Երեխա
Կին
Տղամարդ
Ռեյթինգային համակարգ







