ԼՂՀ ԱՆ. Արցախում իրականացվելու է յոդի հագեցվածության հետազոտություն

2017թ. փետրվարի 6-ին Արցախի առողջապահության նախարարության, Նյու Յորքի Կոլումբիայի Համալսարանի և Ազգային Առողջապահության Ինստիտուտի ներկայացուցիչների միջև “Investigating Iodine Nutrition in Armenia: Karabakh Extension” ծրագրի իրականացման շրջանակներում աջակցության հուշագիր է ստորագրվել:

Հաշվի առնելով, որ Լեռնային Ղարաբաղի Հանրապետությունը համարվում է յոդի անբավարարության տեսակետից էնդեմիկ տարածաշրջան և յոդի անբավարարության հետևանքով առաջացող առողջական խանգարումները հանրային առողջության հիմնախնդիրն են hանդիսանում, այդ պատճառով Կոլումբիայի Համալսարանի և Ազգային Առողջապահության Ինստիտուտի ներկայացուցիչները պատրաստակամություն են հայտնել հանրապետության տարածքում իրականացնել յոդի հագեցվածության հետազոտություն:

Արցախի առողջապահության նախարար Կարինե Աթայանը իր խոսքում նշել է, որ կաջակցի ծրագրի իրականացմանը և կստեղծի համապատասխան պայմաններ աշխատանքների լիարժեք կազմակերպման համար:
  

Հետազոտությունները անց են կացվելու 8-12 տարեկան երեխաների շրջանում, վերցվելու է 900 մեզի նմուշ: Պատահականության սկզբունքով ընտրվելու է 30 դպրոց: Հետազոտությունը տևելու է 2,5 ամիս, մի ամիս էլ պահանջվելու է` պարզելու մեզի մեջ յոդի պարունակությունը որոշող հետազոտության արդյունքները:

Հարցեր, պատասխաններ, մեկնաբանություններ