ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Իրազեկման դասընթաց ԶԼՄ-ների ներկայացուցիչների համար
Մարտի 24-ին` Տուբերկուլոզի դեմ պայքարի համաշխարհային օրվան ընդառաջ Ծաղկաձորում զանգվածային լրատվամիջոցների ներկայացուցիչների համար անցկացվեց «Տուբերկուլոզի արդի հիմնախնդիրները» թեմայով դասընթացը:
ՀՀ առողջապահության նախարարության «Տուբերկուլոզի դեմ պայքարի ազգային կենտրոնի» ՊՈԱԿ տնօրեն Արմեն Հայրապետյանը նշեց, որ Հայաստանում տուբերկուլոզով հիվանդացության և մահացության ցուցանիշները վերջին տասը տարիներին աստիճանաբար նվազել են:
Նախորդ տարի հիվանդացության ցուցանիշը 100 հազար բնակչի դեպքում կազմել է 34.7 դեպք, իսկ 2013 թվականին` 36.6:
«Ամենաբարձր ցուցանիշը 2004 թվականից մինչ օրս գրանցվել է 2005 թվականին` կազմելով 62.4 դեպք»,-ասաց Արմեն Հայրապետյանը: Ինչ վերաբերում է տուբերկուլոզի բարեհաջող բուժման ելքերին, ապա դրանց թիվը ևս ավելացել է. 2010թ. բուժման բարեհաջող ելքերի տեսակարար կշիռը կազմել է 71.7 տոկոս, 2011թ.` 77, 2012թ.` 79.4, 2013թ.` 79.6:
«Առողջապահության համաշխարհային կազմակերպության թիրախը 85 տոկոսն է, մենք դեռ անելիքներ ունենք, որ հասնենք ու անցնենք այդ ցուցանիշը»,-նշեց Արմեն Հայրապետյանը:
«Տուբերկուլոզի դեմ պայքարի ազգային կենտրոնի» տնօրենը հավելեց, որ հիվանդությունը պահանջում է երկարատև բուժում, սակայն հիվանդները հաճախ այն կիսատ են թողնում, որն էլ պատճառ է դառնում հիվանդության հետագա խորացման: Հատկապես դեղորայքակայուն տուբերկուլոզի բուժումը տևում է երկու տարի: Առաջին ամիսներին, նկատելով առաջընթաց բուժման գործընթացում, հիվանդները հաճախ այն ընդհատում են ու, օրինակ, մեկնում արտագնա աշխատանքի, որի ժամանակ էլ մեծ է հիվանդության կրկնման վտանգը:
Ըստ բանախոսի` 2014թ. ավելացել են տուբերկուլոզ/ՄԻԱՎ համավարակով հիվանդների թիվը:
Եթե 2013թ. տուբերկուլոզ հայտնաբերվել է ՄԻԱՎ ունեցող 67 մարդու մոտ, ապա 2014 թ. այդ թիվը եղել է 90:
Այս ցուցանիշի բարձրացումը բացատրվում է արտագնա աշխատանքի մեկնելու գործոնով:
Առողջապահության համաշխարհային կազմակերպության հայաստանյան գրասենյակի ղեկավար Թաթուլ Հակոբյանը շեշտեց, որ տուբերկուլոզը բուժելի հիվանդություն է:
«Տուբերկուլոզը դատավճիռ չէ մարդկանց համար, եթե ժամանակին ախտորոշվում է, ու անձը մտնում է բուժման ցիկլի մեջ` պահպանելով ռեժիմն ու ժամանակահատվածը»,-ասաց նա` ավելացնելով, որ հիվանդությունն ունի քաղաքական, սոցիալական, տնտեսական բնութագրիչներ:
«Հանրային առողջության հետ կապված հարցերն անմիջական առնչություն ունեն հանրային կարծիքի ձևավորման հետ: Մենք կարևորում ենք դրանց շուրջ զանգվածային լրատվական միջոցների ներկայացուցիչների հետ քննարկումները»,- ողջունելով դասընթացի աշխատանքները` նշեց ՀՀ առողջապահության նախարար Արմեն Մուրադյանը:
Հաշվի առնելով տուբերկուլոզի սոցիալական մեծ նշանակությունը` նա նշեց, որ հիվանդության դեմ պայքարում ակնկալվում է, ինչպես լրատվամիջոցների, այնպես էլ հասարակական կազմակերպություների դերն ու աջակցությունը:
«Շատ կարևոր է միավորվել սոցիալական նշանակության նման կարևոր խնդիրների դեմ պայքարի շուրջ»,- ընդգծեց ՀՀ առողջապահության նախարարը:
Արմեն Մուրադյանը պատասխանեց լրագրողների` առողջապահության ոլորտին վերաբերող ամենատարբեր հարցերին:
Իրազեկման դասընթացի ընթացքում տուբերկուլոզի դեմ պայքարի գործում անդրադարձ կատարվեց առողջապահական համակարգի քաղաքականությանը: Ներկայացվեց տուբերկուլոզի համաճարակաբանական իրավիճակն աշխարհում և Հայաստանում:
Մանրամասն քննարկվեցին նաև տուբերկուլոզի հայտնաբերման, բուժման և կանխարգելման, ինչպես նաև դեղորայքակայուն տուբերկուլոզի արդիական հարցերը: Տուբերկուլոզի դեմ պայքարի ազգային ծրագրի իրականացման գործում ընդգծվեց նաև տեղական և մրջազգային կազմակերպությունների կարևորությունը: Դասընթացի ավարտին մասնակիցները ստացան վկայականներ:
23.03.2015
|
|||||||||||||||||||||||||||||||||||
Կարդացեք նաև
14.05.2025
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
-
«Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
-
Ժողովրդական դեղամիջոցներ
-
Հղիություն. 4-րդ ամիս
-
Հղիություն. 7-րդ ամիս
-
Կոճապղպեղ նույնն է՝ իմբիր, Ginger եւ Zingiber Officinale
-
Հղիություն. 6-րդ ամիս
-
Ամուսնական առաջին գիշերը
-
Հղիություն. 2-րդ ամիս
- 4-7 ամսական երեխաների սնուցումը
-
Խնձորը` պզուկների դեմ. ազատվիր նրանցից 1 գիշերվա ընթացքում
-
Ընկերության մասին
-
Ինչպես ազատվել անցանկալի մազերից
-
Դդում
-
Պարզվում է ապագա երեխայի սեռը կախված է մայրիկի սնունդից
-
Հիվանդություն, որը փոխում է մեր կյանքը` կրծագեղձի քաղցկեղ
-
Կոճապղպեղ՝ նիհարելու համար (կոճապղպեղի թեյ)
-
Սեռական գրգռում
-
Արգանդի միոմա. նախանշանները, պատճառներն ու բուժումը
-
Հղիություն. 1-ին ամիս
-
Չիչխանի օգտակար հատկությունները
-
Երիցուկ դեղատնային - Ромашка аптечная - Matricaria chamomilla L.
-
Քարավուզ (նույն ինքը՝ նեխուր)
-
Հեշտոցային արտադրության պատճառները. մասնագետի անդրադարձը
-
Ինչպես ազատվել բերանի վատ հոտից`պարզ միջոց
-
Կրծքի ցավե՞ր ունեք. ինչ անել
-
Դիմակներ` մազերի համար
-
Ընդհանուր տեղեկություններ մարմնի համակարգերի մասին
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Խոսենք այդ մասին. ձեռնաշարժություն
-
Հիվանդություն, որի համար պետք չէ ամաչել (թութք)
-
Ընտրություն ըստ հորոսկոպի
-
Հղիությունը և նախապատրաստվելը դրան
-
Հղիություն. 9-րդ ամիս
-
Երբ գլխացավն ախտանիշ է: Հանճարեղ և օժտված մարդկանց հիվանդություն
- Շաքարային դիաբետի բուժման ժամանակակից մոտեցումները
-
Լեղաքարային հիվանդություն. բուժման մեթոդները
-
Սեռական թուլության առաջին նախանշանները. news.am
-
Հղիություն. 8-րդ ամիս
-
Ուլտրաձայնային դոպլերոգրաֆիա (երկակի (դուպլեքս) անոթների)
- Ցերվիցիտի (էնդոցերվիցիտի) կլնիկաձևաբանական բնութագիրը (գրական ակնարկ)















Գիտական բժշկություն
Հիվանդություններ
Ավանդական բժշկություն
Առողջ ապրելակերպ
Կոսմետոլոգիա
Բժշկական իրավունք
Ալգորիթմեր, թեստեր
Թվեր, փաստեր, դեպքեր
Պատմական խրոնիկա
Աֆորիզմներ
Կարիերային սանդուղքով
Երեխա
Կին
Տղամարդ
Ռեյթինգային համակարգ







