ԼՂՀ ԱՆ.Ստեփանակերտում է «Էրեբունի» բժշկական կենտրոնի մասնագետը

ԼՂՀ առողջապահության նախարարության հատուկ հրավերով «Էրեբունի» բժշկական կենտրոնի վիրաբուժության գծով տնօրենի տեղակալ, բժշկական գիտությունների դոկտոր, պրոֆեսոր, ուռոլոգ Միքայել Մանուկյանը Հանրապետական բժշկական կենտրոնում երկու օր անվճար վիրահատություններ է իրականացրել։

Այցի ընթացքում խորհրդատվություն է անցել 95 մարդ և վիրահատվել է 6 հիվանդ:

Բացի բժշկական ծառայություններ մատուցելուց, Մանուկյանը տեղի գործընկերներին է ներկայացնում «Էրեբունի» բժշկական կենտրոնի փորձը:

Հարկ է նկատել, որ վերջին մեկ տարվա ընթացքում Միքայել Մանուկյանն արդեն չորրորդ անգամ է այցելում Արցախ և տեղում իրականացնում անվճար խորհրդատվություններ և վիրահատություներ:

Ի տարբերություն նախորդ այցերի այժմ պրոֆեսոր Մանուկյանին դիմում են ուռոլոգիական առավել բարդ խնդիրներ ունեցողները, քանի որ նմանատիպ հիվանդները մեկնում էին Երևան, այսօր դրա կարիքը չկա: Հանրապետական բժշկական կենտրոնի պայմաններն ու հնարավորությունները թույլ են տալիս վիրահատել անգամ ամենածանր հիվանդներին։

Հարցեր, պատասխաններ, մեկնաբանություններ