ԼՈՒՐԵՐ: Հրատապ խնդիրներ Հայաստանում
ԼՂՀ ԱՆ. «Արցախցին պետք է բուժվի Արցախում» կարգախոսն իրականություն է դառնում
ԼՂՀ առողջապահության նախարարության Հանրապետական բժշկական կենտրոնում տեղի է ունեցել անգիոգրաֆիայի կենտրոնի բացման արարողությունը, որին ներկա էին Արցախի Հանրապետության նախագահ Բակո Սահակյանը, Հայաստանի Հանրապետության նախագահ Սերժ Սարգսյանը, ԼՂՀ վարչապետ Արա Հարությունյանը, պաշտոնատար այլ անձիք:
ԼՂՀ առողջապահության նախարար Հարություն Քուշկյանի ուղեկցությամբ նրանք շրջել են նորաբաց կենտրոնում, ծանոթացել անգիոգրաֆիայի կենտրոնի հնարավորություններին։
Նորաբաց անգիոգրաֆիայի կենտրոնում երեկ արդեն իրականացվել է 7 զոնդավորում, որից 2-ի դեպքում տեղադրվել է ստենտ:
Անգիոգրաֆիայի կենտրոնը բացվել է ԼՂՀ առողջապահության նախարար Հարություն Քուշկյանի նախաձեռնությամբ ու միջոցներով: Այս ներդրումը կարևորագույն քայլ է Արցախի առողջապահության ոլորտում, քանի որ հենց այստեղ են կատարվելու սրտի և մնացած բոլոր օրգանների անոթների ստենտավորումները, ախտորոշվելու ու բուժվելու անոթային խնդիրներ ունեցողները: Կենտրոնում տեղադրվել է գերմանական «Սիմենս» ընկերության վերջին սերնդի անգիոգրաֆը: Անգիոգրաֆիայի կենտրոնում աշխատում են հմուտ բժիշկներ, բուժքույրեր և ռենտգեն-տեխնիկներ, որոնք արդեն վերապատրաստվել են Հայաստանում՝ «Էրեբունի» ԲԿ-ի՝ ակադեմիկոս Բագրատ Ալեքյանի անվան Անգիոգրաֆիկ ծառայությունում և Ռուսաստանում՝ Բակուլևի անվան սրտանոթային վիրաբուժության գիտական կենտրոնում:
Այս սարքի տեխնիկական հնարավորությունները թույլ են տալիս պարզորոշ տեսնել մարդու ցանկացած անոթ, կատարել ներանոթային միջամտություններ՝ անգիոգրաֆիա, ստենտավորում, ի դեպ, ոչ միայն սրտի անոթների, այլև մնացած բոլոր օրգանների: Միջամտությունները բացարձակապես անցավ են, մեծ մասը կատարվում է նախաբազկի զարկերակից, ինչն իջեցնում է միջամտությունների բարդությունների հնարավորությունն ու ավելի հարմարավետ է հիվանդների համար, ինչպես նաև կրճատում է հոսպիտալացման ժամկետը:
Անգիոգաֆիկ մեթոդը հատկապես կիրառվում է ինվազիվ սրտաբանության մեջ: Ստենտավորումն ինֆարկտի դեպքում մարդու կյանքը փրկելու ամենաարդյունավետ միջոցն է։ Եվրոպական սրտաբանության փորձն, օրինակ, ցույց է տալիս, որ սրտամկանի ինֆարկտի դեպքում ստենտավորված քաղաքացիների 95 տոկոսն ապրում է։ Մինչ դեռ առանց այդ միջամտության ինֆարկտից հետո յուրաքանչյուր 5-րդը կարող է մահանալ մեկ տարվա ընթացքում: Հատկապես կարևոր է արագ բուժօգնության խնդիրը: «Ոսկեժամ» կոչվող ժամանակահատվածում, այլ կերպ ասած, ինֆարկտի առաջին ժամերին կատարված անգիոգրաֆիան հնարավորություն է տալիս փրկել հիվանդի կյանքը՝ հայտնաբերելով խցանված անոթն ու արագ վերականգնելով արյան հոսքը: Բժշկական այս միջամտությունը հնարավորություն է տալիս բարձրացնել կյանքի որակն ու կանխել հաշմանդամությունը:
Հիշեցնենք, որ սրտանոթային հիվանդություններն ինչպես ամբողջ աշխարհում, այնպես էլ Հայաստանում ու Արցախում մահացության ցուցանիշով առաջին տեղում են: Այսուհետ ԼՂՀ-ում սրտանոթային խնդիրներ ունեցող հիվանդները հնարավորություն ունեն օգտվելու բժշկական այն ծառայություններից, որոնք հաջողությամբ կիրառվում են աշխարհի լավագույն կլինիկաներում: Ինվազիվ սրտաբանական ծառայությունը հասանելի կդառնա ԼՂՀ բոլոր քաղաքացիների համար:
Անգիոգրաֆիայի կենտորնը կաշխատի 24-ժամյա ռեժիմով՝ սերտ համագործակցելով առողջության պահպանման առաջնային օղակի և հատկապես շտապօգնության ծառայության հետ: Հաստատված պրոտոկոլների համաձայն՝ սուր ինֆարկտների դեպքում արագ և ճիշտ կգնահատվի հիվանդի վիճակը, և ամենակարճ ժամանակում կտեղափոխվի Ստեփանակերտի Հանրապետական բժշկական կենտրոնի անգիոգրաֆիայի կենտրոն:
17.11.2014
|
|||||||||||||||||||||||||||||||||||
Fatal error: Uncaught Error: Call to a member function bind_param() on bool in /home/med-practic.com/public_html/classes/DatabaseManager_2.1.php(1230) : eval()'d code:1 Stack trace: #0 /home/med-practic.com/public_html/classes/DatabaseManager_2.1.php(1230): eval() #1 /home/med-practic.com/public_html/classes/DatabaseManager_2.1.php(727): TableManager->querySelectField() #2 /home/med-practic.com/public_html/classes/createPaging.class.php(71): TableManager->doSelect() #3 /home/med-practic.com/public_html/includes/include_article_comment.php(23): Paging->get_paging_result() #4 /home/med-practic.com/public_html/includes/include_article_more_1.php(84): require_once('/home/med-pract...') #5 /home/med-practic.com/public_html/article_more.php(115): require_once('/home/med-pract...') #6 {main} thrown in /home/med-practic.com/public_html/classes/DatabaseManager_2.1.php(1230) : eval()'d code on line 1















Գիտական բժշկություն
Հիվանդություններ
Ավանդական բժշկություն
Առողջ ապրելակերպ
Կոսմետոլոգիա
Բժշկական իրավունք
Ալգորիթմեր, թեստեր
Թվեր, փաստեր, դեպքեր
Պատմական խրոնիկա
Աֆորիզմներ
Կարիերային սանդուղքով
Երեխա
Կին
Տղամարդ
Ռեյթինգային համակարգ






