ԼՈՒՐԵՐ: Հրատապ խնդիրներ Հայաստանում
Վիրահատություններ կատարելու նպատակով Վաշինգտոնից բժշկական խումբ է ժամանել «Էրեբունի» բժշկական կենտրոն
Աշխատանքային այցով «Էրեբունի» բժշկական կենտրոն են ժամանել Վաշինգտոնի լավագույն բժշկական կենտրոնից (Sacred Heart Medical Center and Children hospital) մի խումբ մասնագետներ:
Մանկական սրտաբան Հրայր Կարապետյանը, միջամտական տեխնիկ Պատրիկ Շին, սրտաբան-էլեկտրոֆիզիոլոգներ Մարկ Հարվուդը եւ Քրիս Անդերսոնը «Էրեբունի» բժշկական կենտրոնի առիթմոլոգիայի բաժանմունքի բժիշկների հետ միասին կկատարեն մոտ 10-15 վիրահատություն՝ կապված սրտի առիթմիաների հետ: Այցի հենց առաջին օրը բժիշկները ծանոթացան «Էրեբունի» բժշկական կենտրոնի առիթմոլոգիական ծառայության տեխնիկական և մասնագիտական կազմի հետ և հաջողությամբ իրականացրեցին մի քանի վիրահատություն:
Քրիս Անդերսոնն արդեն 5 տարի է, ինչ համագործակցում է «Էրեբունի» բժշկական կենտրոնի հետ, 3-րդ այցելությունն է Հայաստան: Մեզ հետ զրույցում Քրիս Անդերսոնը հույս հայտնեց, որ ավելի արդյունավետ պետք է լինի այս անգամվա այցը, քանի որ տեխնիկական հնարավորությունները ներկայում ավելին են թույլ տալիս: «Ինձ հաճելիորեն զարմացրեց կլինիկայում թե՛ տեխնիկական, թե՛ մասնագիտական առաջընթացը: Այս տարիների ընթացքում ականատես դարձավ, թե ինչպես ընթացավ զարգացումը, որն այսօր մեզ թույլ է տալիս «Էրեբունի» կենտրոնում աշխատել այնպես, ինչպես կարող ենք, օրինակ, մեր վաշինգտոնյան հիվանդանոցներից շատերում, և թե ինչքան պատրաստված է առիթմոլոգիական խումբը: Շատ հեշտ է աշխատել, նույնիսկ բարդ վիրահատություններ կատարել, երբ նախապես կա ճիշտ ախտորոշում, մանրամասն պատկերացում հիվանդության պատմության մասին»,- ասում է բժիշկը:
Էլեկտրոֆիզիոլոգ Մարկ Հարվուդը առաջին հերթին գնահատում է թիմային աշխատանքը: «Սա իմ առաջին այցն է Հայաստան և առաջին աշխատանքն նման թիմի հետ: Մենք հաջողությամբ իրականացրեցինք մեր պլանավորած վիրահատություններից առաջինը և դա միայն շնորհիվ ընդհանուր համակարգված աշխատանքի, որտեղ յուրաքանչյուրը հստակ գիտի իր գործառույթը: Թեև առաջին անգամ էինք աշխատում միասին, բայց անհարմարություններ չեն եղել, հասկացանք, որ պրոֆեսիոնալների հետ գործ ունենք»:
Հրայր Կարապետյանը թեև ապրում և աշխատում է Վաշինգտոնում, Հայաստան շատ հաճախ է այցելում: Մեզ հետ զրույցում նա խոսեց հայաստանյան առողջապահական խնդիրների մասին. «Ուրախալի է, որ Հայաստանում այսօր չկա ոչ տեխնիկական եւ ոչ էլ մասնագիտական ռեսուրսի խնդիր, միակ խնդիրը, որ նկատում եմ, կազմակերպչական է: Հայաստանում բժիշկները միասնական չեն աշխատում, ինչն, իհարկե, ազդում է ընդհանուր առողջապահության որակի վրա: Բժիշկներն առանձնացել են իրենց բժշկական կենտրոններում և, ցավոք, բժշկական համայնք չի ձևավորվում»:
Պատրիկ Շին ներկայացրեց «Էրեբունի» բժշկական կենտրոնի առիթմոլոգիական ծառայությունում համատեղ կատարած վիրահատություններից մեկի մանրամասները. «Այսօր մենք վիահատեցինք 50-ն անց մի կնոջ, ով տարիներ շարունակ սրտի առիթմիա ուներ: Ճիշտ է՝ դեռևս կյանքին սպառնացող սուր վտանգ չկար, սակայն կնոջ առողջությունն ու ինքնազգացողությունը հետզհետե վատթարանում էր: Բավականին հաջող վիրահատություն է իրականացվել, որի հիմքն, իհարկե, ճիշտ ախտորոշումն էր: Վիրահատարանի հագեցվածությունն ավելին էր, քան պահանջվում էր, մասնավորապես, այս դեպքում»:
Մեզ հետ զրույցում «Էրեբունի» բժշկական կենտրոնի առիթմոլոգիական սրտաբանական կենտրոնի ղեկավար Լուսինե Մխիթարյանն ասաց.
– Երկար տարիների պատմություն ունի մեր համագործակցությունը: Հպարտությամբ կարող եմ ասել, որ այս համագործակցությունըբժիշկ Հրայր Կարապետյանի օգնությունն է Հայաստանին: Շատ բժիշկներ, անձամբ ես, նրա հրավերով երկու անգամ վերապատրաստվել են ԱՄՆ-ում:
– Փաստորեն, շարունակական բնույթ է կրելու այս համագործակցությունը:
– Այո, մեր համագործակցությունը շարունակական բնույթ է կրում: Օգտվելով առիթից, ուզում եմ շնորհակալություն հայտնել բժիշկ Կարապետյանին: Նա միշտ հետաքրքրվում է, թե հատկապես ի՞նչի կարիք կա Հայաստանում:
– Իսկ ինչի՞ կարիք կա Հայաստանում:
– Ուսուցման կարիք ունենք. Հայաստանում չկա ուսուցողական կենտրոն: Հայ բժիշկները չունեն հնարավորություն, ասենք, ամերիկյան լուրջ կենտրոնում սովորելու, թրեյնինգներ անցնելու, վերապատրաստվելու: Իսկ այս հնարավորությունը բժիշկ Կարապետյանն ընձեռում է:
– Այս անգամ, ի՞նչ կսովորեն հայ մասնագետները:
– Կսովորեն մի քիչ ավելի բարդ վիրահատություններ կատարել ԱՄՆ-ից ժամանած բժիշկների հետ միասին, որոնք այս գործում փորձառու են:
– Մանրամասնեք խնդրեմ, ո՞ր վիրահատությունների մասին է խոսքը:
– Նախասրտային, փորոքային տախիկարդիաների աբլյացիաների մասին է խոսքը: Բարեբախտաբար, այս հիվանդությունները քիչ հանդիպող են: Ուստի`բուժման փորձն էլ ավելի քիչ է, և մենք փորձի փոխանակման կարիք ունենք:
![]() |
![]() |
![]() |
– Վիրահատություններին մասնակցում են Ձեր բաժանմունքի երիտասարդ մասնագետները…
– Ո՛չ միայն մասնակցում են, այլ հենց իրենք են կատարում:
– Տեղեկացանք, որ 13 վիրահատություն պետք է կատարվի այս օրերի ընթացքում: Հիմնականում, ի՞նչ խնդիրներով են դիմել պացիենտները:
– Հիմնականում փորոքային տախիկարդիաներն են: Կան, օրինակ, վիրահատություններ, որոնք մասնակի են կատարվել և այժմ երկրորդ անգամ պետք է համատեղ ջանքերով փորձեն վերացնել խնդիրը:
– Ասացիք, որ վերոնշյալ հիվանդությունները սակավ հանդիպող են, նկատի ունեք Հայաստանո՞ւմ:
– Ո’չ, խոսքը միայն Հայաստանի մասին չէ: Ընդհանրապես այն սակավ հանդիպող խնդիր է. մեկ միլիոն բնակչության մեջ տարեկան կարող է 1-5 հիվանդ վիրահատվել:
– Արտերկրից ժամանած մասնագետներն ինչպե՞ս են գնահատում հայ պացիենտներին:
– Նշում են, որ հայերը շնորհակալ պացիենտներ են (ժպտում է):
31.10.2014
|
|||||||||||||||||||||||||||||||||||
Կարդացեք նաև
14.05.2025
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
-
«Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
-
Ժողովրդական դեղամիջոցներ
-
Հղիություն. 4-րդ ամիս
-
Հղիություն. 7-րդ ամիս
-
Կոճապղպեղ նույնն է՝ իմբիր, Ginger եւ Zingiber Officinale
-
Հղիություն. 6-րդ ամիս
-
Ամուսնական առաջին գիշերը
-
Հղիություն. 2-րդ ամիս
- 4-7 ամսական երեխաների սնուցումը
-
Խնձորը` պզուկների դեմ. ազատվիր նրանցից 1 գիշերվա ընթացքում
-
Ընկերության մասին
-
Ինչպես ազատվել անցանկալի մազերից
-
Դդում
-
Պարզվում է ապագա երեխայի սեռը կախված է մայրիկի սնունդից
-
Հիվանդություն, որը փոխում է մեր կյանքը` կրծագեղձի քաղցկեղ
-
Կոճապղպեղ՝ նիհարելու համար (կոճապղպեղի թեյ)
-
Սեռական գրգռում
-
Արգանդի միոմա. նախանշանները, պատճառներն ու բուժումը
-
Հղիություն. 1-ին ամիս
-
Չիչխանի օգտակար հատկությունները
-
Երիցուկ դեղատնային - Ромашка аптечная - Matricaria chamomilla L.
-
Քարավուզ (նույն ինքը՝ նեխուր)
-
Հեշտոցային արտադրության պատճառները. մասնագետի անդրադարձը
-
Ինչպես ազատվել բերանի վատ հոտից`պարզ միջոց
-
Կրծքի ցավե՞ր ունեք. ինչ անել
-
Դիմակներ` մազերի համար
-
Ընդհանուր տեղեկություններ մարմնի համակարգերի մասին
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Խոսենք այդ մասին. ձեռնաշարժություն
-
Հիվանդություն, որի համար պետք չէ ամաչել (թութք)
-
Ընտրություն ըստ հորոսկոպի
-
Հղիությունը և նախապատրաստվելը դրան
-
Հղիություն. 9-րդ ամիս
-
Երբ գլխացավն ախտանիշ է: Հանճարեղ և օժտված մարդկանց հիվանդություն
- Շաքարային դիաբետի բուժման ժամանակակից մոտեցումները
-
Լեղաքարային հիվանդություն. բուժման մեթոդները
-
Սեռական թուլության առաջին նախանշանները. news.am
-
Հղիություն. 8-րդ ամիս
-
Ուլտրաձայնային դոպլերոգրաֆիա (երկակի (դուպլեքս) անոթների)
- Ցերվիցիտի (էնդոցերվիցիտի) կլնիկաձևաբանական բնութագիրը (գրական ակնարկ)















Գիտական բժշկություն
Հիվանդություններ
Ավանդական բժշկություն
Առողջ ապրելակերպ
Կոսմետոլոգիա
Բժշկական իրավունք
Ալգորիթմեր, թեստեր
Թվեր, փաստեր, դեպքեր
Պատմական խրոնիկա
Աֆորիզմներ
Կարիերային սանդուղքով
Երեխա
Կին
Տղամարդ
Ռեյթինգային համակարգ










