ԼՈՒՐԵՐ: Հրատապ խնդիրներ Հայաստանում
Սեպտեմբերի 4-ը Սեռական առողջության համաշխարհային օրն է
Այդ մասին լրագրողների հետ հանդիպման ժամանակ ասացին ԵՊԲՀ սեքսոպաթոլոգիայի կլինիկայի բժիշկ-սեքսոպաթոլոգ, սեքսոլոգիայի ամբիոնի դասախոս, բ.գ.թ. ՎՐԵԺ ՇԱՀՐԱՄԱՆՅԱՆՆ ու գինեկոլոգ, բ.գ.թ. ԼԻԼԻԹ ԿՈՒՋՈՅԱՆԸ:
Բանախոսներն ասացին, որ առողջապահության համաշխարհային կազմակերպության կողմից հաստատվել է, որ յուրաքանչյուր անձ ունի սեռական իրավունքներ, որոնց ճանաչումը, ընդունումը եւ պաշտպանությունը պարտադիր պայման է նրա սեռական առողջության պահպանման հարցում։ Եվ այսօր մենք արդեն ունենք սեռական առողջության համաշխարհային օր՝ սեպտեմբերի 4-ը, ինչը շատ ողջունելի է, քանի որ այս հանգամանքը հնարավորությունը կտա մարդկանց սեռական առողջության հարցերում լինել առավել անկաշկանդ եւ տեղեկացված:
Վ. Շահրամանյանի փոխանցմամբ`Հայաստանում սեքսուալ «կուլտուրան» դանդաղ քայլերով աստիճանաբար դուրս է գալիս հոգեվարքի ճահճից: «Տարիներ առաջ դիմելիությունը համեմատաբար քիչ էր, պատճառները տարբեր էին` սեքսուալ կուլտուրայի առանձնահատկությունները, բժիշկ-սեքսոպաթոլոգի մասին սխալ պատկերացումները եւ այլն: Ժամանակի ընթացքում մարդիկ սկսեցին հասկանալ, որ սեքսոպաթոլոգը մարդու սեքսուալ առողջության բժիշկն է, որը բուժում եւ կանխարգելում է սեքսուալ խանգարումները»,- ընդգծեց բժիշկը:
Լ. Կուջոյանն իր հերթին ասաց, որ այսօր երիտասարդ պացիենտների հետ աշխատելը հետաքրքիր է, սակայն, միեւնույն ժամանակ` բարդ: «Նրանք այսօր ավելի տեղեկացված են գալիս բժշկի մոտ: Գրագետ պացիենտի հետ աշխատելը հաճելի է»: Գինեկոլոգը փաստեց, որ, իհարկե, լինում են դեպքեր, որ ունեցած տեղեկատվությունը լինում է թերի, սխալ` վերցված այս կամ այն կայքից:
Վ. Շահրամանյանից հետաքրքվեցինք, թե որքանո՞վ է այսօր սեռադաստիարակված հայ դեռահասն ու երիտասարդությունը: «Պետք է փաստել, որ սայլը կարծես աստիճանաբար տեղից շարժվում է. գնալով մեծանում է այն երիտասարդների թիվը, ովքեր ավելի շատ են ուշադրություն դարձնում իրենց սեռական առողջությանը եւ հաճախ են հետազոտվում: Հաճախ են նախքան ամուսնանալը անցնում սեքսոլոգիական անհրաժեշտ հետազոտություններ, ինչը շատ գովելի է: Բայց ցավալի է, որ երբեմն սեռական հիգիենայի տարրական կանոններին մեր երիտասարդները չեն տիրապետում: Բացի բուժական գործունեություն ծավալելուց, մենք, իհարկե, նաեւ բացատրական աշխատանք ենք տանում մեր պացիենտների հետ, սակայն մի քանի բժիշկներով գործը գլուխ չի գա. պետք է ավելի լուրջ եւ համակարգված աշխատանք: Հաճախ մեզ դիմում են այնպիսի պացիենտներ՝ տղամարդիկ, կանայք, ամուսնական զույգեր, որոնց մոտ ապատեղեկատվության պատճառով սեռական խանգարումներ են առաջացել»,- ընգծեց բժիշկը` հավելելով, որ եթե սեռական կյանքում ամպամած եղանակ է առաջանում, պետք չէ լռել այդ մասին:
04.09.2014
|
|||||||||||||||||||||||||||||||||||
Կարդացեք նաև
21.05.2025 Fatal error: Uncaught Error: Call to a member function bind_param() on bool in /home/med-practic.com/public_html/classes/DatabaseManager_2.1.php(1230) : eval()'d code:1 Stack trace: #0 /home/med-practic.com/public_html/classes/DatabaseManager_2.1.php(1230): eval() #1 /home/med-practic.com/public_html/classes/DatabaseManager_2.1.php(727): TableManager->querySelectField() #2 /home/med-practic.com/public_html/classes/DatabaseManager_2.1.php(747): TableManager->doSelect() #3 /home/med-practic.com/public_html/includes/include_view_article_list.php(50): TableManager->doSelectOne() #4 /home/med-practic.com/public_html/includes/include_article_same.php(14): view_article_list() #5 /home/med-practic.com/public_html/article_more.php(121): require_once('/home/med-pract...') #6 {main} thrown in /home/med-practic.com/public_html/classes/DatabaseManager_2.1.php(1230) : eval()'d code on line 1















Գիտական բժշկություն
Հիվանդություններ
Ավանդական բժշկություն
Առողջ ապրելակերպ
Կոսմետոլոգիա
Բժշկական իրավունք
Ալգորիթմեր, թեստեր
Թվեր, փաստեր, դեպքեր
Պատմական խրոնիկա
Աֆորիզմներ
Կարիերային սանդուղքով
Երեխա
Կին
Տղամարդ
Ռեյթինգային համակարգ







