ԼՈՒՐԵՐ: Հրատապ խնդիրներ Հայաստանում
Սրտանոթային հիվանդություններից մահացությունների մեծամասնության պատճառը սրտի ռիթմի խանգարումներն են
Եթե ռիթմի շեղումը պայմանավորված է որևէ օջախով, ապա դա հայտնաբերվում, հետազոտվում և անհրաժեշտ գործողությունների արդյունքում վնասազերծվում է՝ վերականգնելու սրտի աշխատանքի նորմալ ռիթմը:
Մեր զրուցակիցն է «Էրեբունի» բժշկական կենտրոնի առիթմոլոգիական սրտաբանական կենտրոնի ղեկավար, սրտաբան-էլեկտրոֆիզիոլոգ Լուսինե Մխիթարյանը:
– Բժշկուհի Մխիթարյան, ի՞նչ խնդիրներ է լուծում առիթմոլոգիական սրտաբանական կենտրոնը:
– Կենտրոնն ունի նեղ մասնագիտացում` առիթմոլոգիա, սրտի ռիթմի խանգարումների ախտորոշում և բուժում: Կենտրոնում գործում են և՛ ամբուլատոր, և՛ ստացիոնար բաժանմունքներ: Սա բազմաֆունկցիոնալ կլինիկա է, որտեղ իրականացվում են սրտանոթային հիվանդությունների ախտորոշում, բուժում, վիրաբուժական միջամտություններ:
– Վիրաբուժական միջամտությունների մասին… Սրտանոթային ո՞ր ախտաբանություններն են բուժելի այս կենտրոնում:
– Այս պահին սրտի ռիթմը վարող սարքի իմպլանտացիա ենք իրականացնում, որը կատարվում է սրտի դանդաղ աշխատանքի ժամանակ: Կենտրոնում իրականացվում են նաև անհետաձգելի առիթմոլոգիական իրավիճակների բուժում, վիրաբուժական միջամտությամբ իրականացվում են սրտի ռիթմը վարող տարբեր սարքերի իմպլանտացիաներ, սրտի էլեկտրաֆիզիոլոգիական հետազոտություններ և աբլացիաներ: Եթե ռիթմի շեղումը պայմանավորված է որևէ օջախով, ապա դա հայտնաբերվում, հետազոտվում և անհրաժեշտ գործողությունների արդյունքում վնասազերծվում է, որի արդյունքում վերականգնվում է սրտի աշխատանքի նորմալ ռիթմը: Բացի սրտի ռիթմի խանգարումներից, կենտրոնում հետազոտվում և բուժվում են նաև հիպերտոնիկ, սրտի իշեմիկ հիվանդություն, սրտային անբավարարություն ունեցող և կարդիոմիոպաթիայով հիվանդները:
![]() |
![]() |
![]() |
– Նման միջամտությունների համար անհրաժեշտ է նաև համապատասխան տեխնիկական հագեցվածություն…
– Այո', դա անհրաժեշտություն է: Հայաստանում տեխնիկապես թերևս ամենահագեցված լաբորատորիան ունենք: Մեր արդյունավետ աշխատանքի համար կան բոլոր պայմանները, բոլոր գործիքներն ու սարքերը: Հետևում ենք ժամանակի ընթացքին և, անհրաժեշտության դեպքում, ներդնում ենք գերժամանակակից, վերջին սերնդի սարքավորումներ, առանց որոնց այսօր անհնար է պատկերացնել մեր աշխատանքը: Շատ կարևոր նշանակություն ունի նաև մասնագիտացված բուժանձնակազմը: Այստեղ աշխատում են պրոֆեսիոնալ երիտասարդ կադրեր: Բացի բժիշկներից մեզ հետ աշխատում են նաև տեխնիկներ, բուժքույրեր, որոնց աշխատանքը ևս նպաստում է մեր արդյունավետությանը:
– Աշխարհում առաջին տեղում սրտանոթային հիվանդություններից մահացություններն են, այդպիսով, մեծ է նաև կենտրոնի պատասխանատվությունը…
– Ավելին` սրտանոթային մահացությունների շարքում առիթմիաներից հանկարծամահացությունն առաջին տեղում է: Պատճառը մոտ 20% դեպքերում դանդաղասրտությունն է, 70-80% դեպքերում` արագասրտությունը, որոնք կյանքին սպառնացող իրավիճակներ են ստեղծում և կարող են հանկարծակի մահացության պատճառ դառնալ:
![]() |
![]() |
![]() |
– Ելնելով Ձեր պրակտիկայից, ո՞ր ախտաբանություններն են ամենատարածվածները սրտանոթային հիվանդությունների շարքում, ի՞նչ խնդիրներով են ամենից հաճախ դիմում կենտրոն:
– Չեմ կարող առանձնացնել, բայց կենտրոն ամենից հաճախ դիմում են սրտի անկանոն, նոպայաձև արագ աշխատանքի, շողացող առիթմիաների, վերփորոքային պարոքսիզմալ տախիկարդիայի, փորոքային և նախասրտային էքատրասիստոլաների դեպքերում: Կենտրոնում բուժվում են նաև իշեմիկ կամ այլ կարդիոմիոպաթիաների հետևանքով լուրջ փորոքային տախիկարդիա ունեցող հիվանդները, որոնց բուժումը հատուկ մեթոդ և հատուկ տեխնիկա է պահանջում, ինչը հանկարծամահությունը կանխարգելող միակ արդյունավետ միջոցն է. խոսքը իմպլանտացվող սարքերի՝ կարդիովերտեր-դեֆիբրիլյատորների մասին է: Այդ հնարավորությունն այսօր ունի առիթմոլոգիական սրտաբանական կենտրոնը:
14.06.2014
|
|||||||||||||||||||||||||||||||||||
Կարդացեք նաև
14.05.2025
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
-
«Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
-
Ժողովրդական դեղամիջոցներ
-
Հղիություն. 4-րդ ամիս
-
Հղիություն. 7-րդ ամիս
-
Կոճապղպեղ նույնն է՝ իմբիր, Ginger եւ Zingiber Officinale
-
Հղիություն. 6-րդ ամիս
-
Ամուսնական առաջին գիշերը
-
Հղիություն. 2-րդ ամիս
- 4-7 ամսական երեխաների սնուցումը
-
Խնձորը` պզուկների դեմ. ազատվիր նրանցից 1 գիշերվա ընթացքում
-
Ընկերության մասին
-
Ինչպես ազատվել անցանկալի մազերից
-
Դդում
-
Պարզվում է ապագա երեխայի սեռը կախված է մայրիկի սնունդից
-
Հիվանդություն, որը փոխում է մեր կյանքը` կրծագեղձի քաղցկեղ
-
Կոճապղպեղ՝ նիհարելու համար (կոճապղպեղի թեյ)
-
Սեռական գրգռում
-
Արգանդի միոմա. նախանշանները, պատճառներն ու բուժումը
-
Հղիություն. 1-ին ամիս
-
Չիչխանի օգտակար հատկությունները
-
Երիցուկ դեղատնային - Ромашка аптечная - Matricaria chamomilla L.
-
Քարավուզ (նույն ինքը՝ նեխուր)
-
Հեշտոցային արտադրության պատճառները. մասնագետի անդրադարձը
-
Ինչպես ազատվել բերանի վատ հոտից`պարզ միջոց
-
Կրծքի ցավե՞ր ունեք. ինչ անել
-
Դիմակներ` մազերի համար
-
Ընդհանուր տեղեկություններ մարմնի համակարգերի մասին
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Խոսենք այդ մասին. ձեռնաշարժություն
-
Հիվանդություն, որի համար պետք չէ ամաչել (թութք)
-
Ընտրություն ըստ հորոսկոպի
-
Հղիությունը և նախապատրաստվելը դրան
-
Հղիություն. 9-րդ ամիս
-
Երբ գլխացավն ախտանիշ է: Հանճարեղ և օժտված մարդկանց հիվանդություն
- Շաքարային դիաբետի բուժման ժամանակակից մոտեցումները
-
Լեղաքարային հիվանդություն. բուժման մեթոդները
-
Սեռական թուլության առաջին նախանշանները. news.am
-
Հղիություն. 8-րդ ամիս
-
Ուլտրաձայնային դոպլերոգրաֆիա (երկակի (դուպլեքս) անոթների)
- Ցերվիցիտի (էնդոցերվիցիտի) կլնիկաձևաբանական բնութագիրը (գրական ակնարկ)















Գիտական բժշկություն
Հիվանդություններ
Ավանդական բժշկություն
Առողջ ապրելակերպ
Կոսմետոլոգիա
Բժշկական իրավունք
Ալգորիթմեր, թեստեր
Թվեր, փաստեր, դեպքեր
Պատմական խրոնիկա
Աֆորիզմներ
Կարիերային սանդուղքով
Երեխա
Կին
Տղամարդ
Ռեյթինգային համակարգ













