Հայաստանում բժշկական կրթությունը բարեփոխումների կարիք ունի

Չնայած դրական զարգացումներին` Հայաստանի բժշկական կրթության համակարգը կարգավորված չէ ու թերի է, և որպես հետևանք չի համապատասխանում միջազգային նորմերին ու չափանիշներին:

Բացերը լրացնելու լավագույն լուծում կարող է համարվել միջազգային փորձի տեղայնացումը, որի վերաբերյալ մի շարք առաջարկություններ ունի բժշկական կրթության փորձագետ, Ֆուլբրայթ ծրագրի մասնակից, Հայ օգնության ֆոնդի Բժշկական շրջանավարտների ասոցիացիայի խորհրդի անդամ Գևորգ Յաղջյանը:

Բժշկական կրթության հեռանկարները Հայաստանում հետազոտությամբ Յաղջյանն անցած ուրբաթ` ապրիլի 25-ին, Հայաստանի ամերիկյան համալսարանում ներկայացրեց դրանք` հիմնվելով բուհական ու հետբուհական, ինչպես նաև շարունակական բժշկական կրթության ներկա վիճակի վերլուծության վրա:

Հայաստանի առողջապահության համակարգն անցած 20 տարիներին էականորեն փոփոխվել է: Այս համապատկերում զուգահեռաբար փոփոխվել ու զարգացել է նաև բժշկական կրթությունը, սակայն խորհրդային մոդելին բնորոշ մեծաթվի անարդյունավետ մոտեցումներ ու բացթողումներ դեռ առկա են:

Քննարկմանը ներկա էին Հայաստանի ամերիկյան համալսարանի բազմաթիվ բժիշկներ, Հայաստանի ամերիկյան համալսարանի Հանրային առողջության ֆակուլտետի մասնագետներ, ՀՕՖ-ի Բժշկական կրթաթոշակների շրջանավարտների ասոցիացիայի անդամ, Շարունակական բժշկական կրթություն ծրագրով վերապատրաստում անցած ու այլ բժիշկներ:

Հարցեր, պատասխաններ, մեկնաբանություններ