«Արցախցին պետք է բուժվի Արցախում». Հարություն Քուշկյան

ԼՂՀ առողջապահության նախարար Հարություն Քուշկյանը պաշտոնավարման 7 օրերի ընթացքում այցելել է 11 բուժհաստատություն: «Աշխատելու ենք գիշեր-ցերեկ, ապահովելու ենք ոլորտի զարգացումը»‰,- Ստեփանակերտի Մոր և մանկան առողջության պահպանման կենտրոնում վստահեցրել է նախարար Քուշկյանը:

Ծանոթանալով Կանանց կոնսուլտացիայի, ծնարանի և վիրահատարանի պայմաններին` նա շեշտել է դրանց բարելավման անհրաժեշտությունը:

Մոր և մանկան առողջության պահպանումը սահմանելով գերակա ուղղություն, գերատեսչության ղեկավարը տեղեկացրել է, որ սկսելու են Ծննդօգնության պետական հավաստագրի ներդրումից: Այն բարենպաստ միջավայր կստեղծի ծնելիության աճի, մայրական մահացության նվազեցման համար:

Մոր և մանկան առողջության պահպանման կենտրոնում կենտրոնն ունի կանանց առողջության ապահովման համար անհրաժեշտ սարքավորումների պակաս: Քուշկյանը կարևորել է լապարասկոպիկ ուղղության զարգացումը, հին սարքավորումը կփոխարինվի նորով:

Նախարարը շրջել է հիվանդասենյակներով, զրուցել ծննդկանների հետ, վստահեցրել, որ ամեն ծննդկանի համար անձամբ է պատասխանատվություն կրում:

Հարցեր, պատասխաններ, մեկնաբանություններ