Հայ Օգնության Ֆոնդի «Աղքատության հաղթահարում Բերդի շրջանում» ծրագիր

2013թ. հունիս ամսից Հայ օգնության ֆոնդը (ՀՕՖ) Հայաստանի Հանրապետության Տավուշի մարզի Բերդ Քաղաքում և հարակից 7 գյուղական համայնքներում (Պառավաքար, Վարագավան, Վերին Ծաղկավան, Չինչին, Ներքին Կարմրաղբյուր, Տավուշ, Այգեպար) սկսել է իրականացնել  բազմակոմպոնենտ ծրագիր, որի նպատակն է նշված տարածաշրջանում հնարավորինս կրճատել  աղքատությունը և կանխարգելել դրանից բխող սոցիալ-տնտեսական ու առողջապահական խնդիրները: Առողջապահական կոմպոնենտը նշված ծրագրի անբաժանելի մասն է: 

Առողջապահական ծրագրերի շրջանակներում իրականացվել է երկշաբաթյա հատուկ ծրագրով վերապատրաստումներ Բերդի տարածաշրջանում աշխատող ընտանեկան բժիշկների և մանկաբույժների, ինչպես նաև մեկշաբաթյա հատուկ ծրագրով վերապատրաստում լաբորատոր բժիշկների համար: Սույն թվականի սեպտեմբեր ամսից սկսած իրականացվել է Բերդի տարածաշրջանի 6 ամսականից - 6 տարեկան երեխաների   հետազոտություն՝ թերսնուցման, ինչպես նաև թերսնուցման հետ առնչվող հիվանդությունների տարածվածությունը  պարզելու համար: Այս հետազոտությունը շարունակվում է և տվյալները կվերլուծվեն 2014թ. ընթացքում:

Այս ծրագրի շրջանակում իրականացվել է նաև 2 արտագնա դասընթաց՝ /6օր/ վաղ մանկական և նախադպրոցական երեխաների սնուցման և սննդի անվտանգության վերաբերյալ՝ Բերդի տարածաշրջանում աշխատող բուժաշխատողների և նախադպրոցական հիմնարկների տնօրենների համար՝ մայրաքաղաքի առաջատար մասնագետների մասնակցությամբ: Ծրագրի թիրախային տարածաշրջանի առողջապահական հաստատություններին տրամադրվել է առաջնային բուժզննման համար անհրաժեշտ բժշկական սարքեր և պարագաներ:

Տվյալ ծրագրի շրջանակներում նախատեսվում է թիրախային շրջանի մանկապարտեզներին տրամադրել ազգային ուղեցույցին համապատասխան սնունդ:

Հարցեր, պատասխաններ, մեկնաբանություններ