ՀՀ ԱՆ. Անվավեր են ճանաչվել որոշ դեղերի գրանցումը Հայաստանի Հանրապետությունում

Ակադեմիկոս Էմիլ Գաբրիելյանի անվան Դեղերի և բժշկական տեխնոլոգիաների փորձագիտական կենտրոնի և Պֆայզեր ՀՍՓ Քորպորեյշն  ընկերության լիազոր ներկայացուցչի գրությունների հիման վրա` ՀՀ առողջապահության նախարարի հրամանով անվավեր է ճանաչվել հետևյալ դեղերի գրանցումը Հայաստանի Հանրապետությունում`

1. Սուլպերազոն, ցեֆոպերազոն, սուլբակտամ, դեղափոշի ներարկման լուծույթի, 1000մգ+1000մգ; (1) ապակե սրվակ 2000մգ»,
2. «Զետամաքս Ռետարդ, ազիթրոմիցին (ազիթրոմիցինի դիհիդրատ), դեղափոշի երկարատև ձերբազատմամբ, ներքին ընդունման դեղակախույթի, 2000մգ, պլաստիկե սրվակ (1)»:

Ակադեմիկոս Էմիլ Գաբրիելյանի անվան Դեղերի և բժշկական տեխնոլոգիաների փորձագիտական կենտրոնի և Տակեդա Ավստրիա ԳմբՀ ընկերության հայաստանյան ներկայացուցչության լիազոր ներկայացուցչի գրությունների հիման վրա` ՀՀ առողջապահության նախարարի հրամանով անվավեր է ճանաչվել հետևյալ դեղերի գրանցումը Հայաստանի Հանրապետությունում`

1. «Ալվեսկո, ցիկլեսոնիդ, ցողացիր շնչառման, դեղաչափավորված, 80մկգ/դեղաչափ, 5մլ (60 դեղաչափ) ալյումինե տարա, 8մլ (120 դեղաչափ) ալյումինե տարա»,
2. «Ալվեսկո, ցիկլեսոնիդ, ցողացիր շնչառման, դեղաչափավորված,  160մկգ/դեղաչափ, 5մլ (60 դեղաչափ) ալյումինե տարա, 8մլ (120 դեղաչափ) ալյումինե տարա»,
3. «Դաքսաս, ռոֆլումիլաստ,  դեղահատեր թաղանթապատ, 0,5մգ, բլիստերում (10/1x10/, 30/3x10/, 90/9x10/)»:

Ակադեմիկոս Էմիլ Գաբրիելյանի անվան Դեղերի և բժշկական տեխնոլոգիաների փորձագիտական կենտրոնի և Ֆ.Հոֆման-Լա Ռոշ ՍՊԸ, Շվեյցարիա ընկերության լիազոր ներկայացուցչի գրությունների հիման վրա` ՀՀ առողջապահության նախարարի հրամանով անվավեր է ճանաչվել «Քսելոդա, կապեցիտաբին, դեղահատեր թաղանթապատ,  500մգ,  բլիստերում (120/12x10/)»  դեղի գրանցումը Հայաստանի Հանրապետությունում:                                                                                                                                                       

Ի դեպ, նույն արտադրողի «Քսելոդա 500մգ» դեղը գրանցված է Հայաստանի Հանրապետությունում և առկա է դեղատներում:

Նշենք, որ ՀՀ կառավարության 2001 թվականի ապրիլի 25-ի թիվ 347 որոշման 30-րդ կետի համաձայն` դեղի գրանցումը կարող է անվավեր ճանաչվել և շրջանառությունը դադարեցվել արտադրող կազմակերպության դիմումի հիման վրա:

Հարցեր, պատասխաններ, մեկնաբանություններ