Հայաստանի Ուռուցքաբանության ազգային կենտրոնի հիվանդներին «Ավաստին» դեղը տրամադրվում է անվճար. oncology.am

Հայաստանի Ուռուցքաբանության ազգային կենտրոնի հիվանդները ներկայում` ցուցումների առկայության դեպքում, անվճար հիմունքներով կարող են բուժվել «Ավաստին» դեղի օգնությամբ: Հումանիտար ակցիան հնարավոր է դարձել Հայաստանի առողջապահության նախարարության, Ազգային կենտրոնի ու Հայ օգնության ֆոնդի համատեղ ջանքերի շնորհիվ:

Ուռուցքաբանության ազգային կենտրոնի տնօրեն Արմեն Տանանյանը հայտնել է, որ կենտրոնը հումանիտար օգնության շրջանակում ստացել է «Ավաստին» դեղի 780 չափաբաժին, որն օգտագործվում է քիմիաթերապիային զուգահեռ՝ հաստ աղու քաղցկեղի, արգանդի վզիկի, ձվարանների ու այլ տեղակայումների քաղցկեղի ժամանակ:

Արմեն Տանանյանը նշեց, որ կենտրոնը փորձում է «Ավաստինով» անվճար բուժումն իրականացնել հատկապես դրա կարիքն ունեցող` հիվանդության 3-4 փուլում գտնվող հիվանդների մոտ:

Հարցեր, պատասխաններ, մեկնաբանություններ