«Տիբերալ»-ի շրջանառությունը հայկական շուկայում դադարեցվել է

Անվավեր է ճանաչվել Ֆ. Հոֆման-Լա Ռոշ Լտդ Շվեյցարիայի արտադրության «Տիբերալ (օրնիդազոլ) 500մգ (10) թաղանթապատ դեղահաբեր» դեղի գրանցումը:

Ինչպես Panorama.am-ին տեղեկացրին առողջապահության նախարարությունից, բացի դեղամիջոցի անվավեր ճանաչելը, առողջապահության նախարար Հարություն Քուշկյանի հրամանով նաև հանրապետությունում դադարեցվել է նշված դեղի շրջանառությունը:

Նշենք, որ նախարարը որոշումը կայացրել է հիմք ընդունելով ՀՀ կառավարության 2001 թվականի ապրիլի 25-ի N 347 որոշման 30-րդ կետի ա) ենթակետը և հաշվի առնելով առողջապահության նախարարության դեղաբանական խորհրդի 2010թ. նոյեմբերի 26-ի 11-2/10 նիստի եզրակացությունն ու Ֆ.Հոֆման-Լա Ռոշ ընկերության գրությունները:

Հարցեր, պատասխաններ, մեկնաբանություններ