Հայաստանում շաքարային դիաբետի 40 հազար գրանցված դեպք կա

Շաքարային դիաբետն այնքան արագ է զարգանում ու այնքան շատ է տարածված ամբողջ աշխարհում, որ համաճարակի է հանում: Այս մասին այսօրվա ասուլիսում ասաց հանրապետության գլխավոր էնդոկրինոլոգ Էդվարդ Թորոմանյանը:

Մասնագետի խոսքով, եթե 2000 թվականին ամբողջ աշխարհում շաքարային դիաբետով հիվանդերի թիվը 100 միլիոն էր, ապա, ըստ հաշվարկների, 2020 թվականին նրանց թիվը կհասնի մինչև 300 միլիոնի: «Սա ոչ միայն բժշկական, այլև սոցիալական խնդիր է, քանի որ այդ հիվանդությունից առաջացած բարդություններն անդառնալի են, տալիս են վաղ մահացություն ու ունենում են բարդություններ»,-ասաց նա: Բժշկի խոսքով, շաքարային դիաբետից մարդու մոտ կարող են առաջանալ մի շարք բարդություններ, ինչպիսիք օրինակ սրտամկանի սուր ինֆարկտն է, սիրտանոթային հիվանդությունները, փտախտը, երիկամային անբավարարությունն ու կուրությունը:

Մասնագետը նշեց, որ տարբերակում են երկու տիպի շաքարային դիաբետ: Հիվանդության առաջին տիպը հանդիպում է մինչև 20-30 տարեկան մարդկանց մոտ ու առաջ կոչվել է երիտասարդների դիաբետ: Այդ ֆեպքում նկատվում է ինսուլիսի լիակատար անբավարարություն: Իսկ երկրորդ տիպի դիաբետը հանդիպում է մեծահասակների մոտ: Այս հիվանդությունն ամբողջ դեպքերի 80 տոկոսն է կազմում:

Մեծահասակների դիաբետի ժամանակ նկատվում է ինսուլինի հարաբերական անբավարարություն: Նշենք, որ Հայաստանում այսօր գրանցված հվանդների թիվը գերազանցում է 40 հազարը: 40 հազար հիվանդից առաջին տիպի հիվանդները կազմում են 3 հազար: Իսկ այսօր դեռ պարզ չէ շաքարային դիաբետի զարգացման բոլոր պատճառները: Բայց կան մի շարք ռիսկի գործոններ, որոնք էլ նպաստում են հիվանդության առաջացմանը, առաջին հերթին մեծ դեր է կատարում ժառանգականության հարցը: Եթե ծնողներից մեկի մոտ առկա է այս հիվանդությունը, ապա ժառանգի` այս հիվանդությամբ հիվանդանալու հավանականությունը կազմում է 50 տոկոս, եթե երկու ծնողների մոտ է առկա, ապա հիվանդության զարգացման գործոնը կազմում է 80 տոկոս:

Հարցեր, պատասխաններ, մեկնաբանություններ