Գիտագործնական սեմինարների շարք միջին բուժանձնակազմի համար. morevmankan.am

«Մարգարյան ծննդատուն» ՄՄԱՊԳՀԿ-ի գիտության գծով փոխտնօրեն, բ.գ.դ., պրոֆեսոր Կարինե Առուստամյանի նախաձեռնությամբ կազմակերպվել է գիտագործնական սեմինարների շարք՝
նվիրված «Էթիկայի և դեոնտոլոգիայի սկզբունքները բուժքույրական գործընթացում» թեմային։

Սեմինարների շարքը ներառում է թե՛ տեսական դասախոսություններ, թե՛ գործնական հատված, որի ընթացքում կատարվում է իրական դեպքերի վերլուծություն և մասնագիտական քննարկում։

Սեմինարների հիմնական նպատակն է զարգացնել բուժքույրերի մասնագիտական գիտելիքները և հմտությունները՝ բարելավելով բուժաշխատողների հաղորդակցման մշակույթը, մասնագիտական վարքագծի սկզբունքների կիրառումը և որոշումների կայացման կարողությունները բարդ  իրավիճակներում։

Սա կնպաստի բուժառու-բուժաշխատող փոխհարաբերությունների բարձր մակարդակի ապահովմանը և բուժծառայությունների որակի բարձրացմանը։

Սեմինարին մասնակցում են «Մարգարյան ծննդատուն» ՄՄԱՊԳՀԿ-ի և «Թիվ 2 Բուժմիավորում» ՓԲԸ-ի բուժքույրերը, ովքեր կստանան ՀՀ առողջապահության նախարարության կողմից տրվող կրեդիտներ՝ բոլոր չորս սեմիարներին մասնակացելու դեպքում։

Հարցեր, պատասխաններ, մեկնաբանություններ