ՀՀ ԱՆ. Նորագույն և թանկարժեք տեխնոլոգիաներով մատուցվող սուր կամ ենթասուր իշեմիկ կաթվածների անվճար բուժման ծրագիր

Հայաստանում շարունակում է գործել գլխուղեղի սուր իշեմիկ կաթվածների թրոմբոլիտիկ բուժման և մեխանիկական թրոմբէկտոմիա ծառայությունների պետական ծրագիրը:

Նորագույն և թանկարժեք տեխնոլոգիաներով մատուցվող սուր կամ ենթասուր իշեմիկ կաթվածների անվճար բուժման իրավունքից օգտվում են բնակչության բոլոր խմբերը:

Ծրագրում ընդգրկման հիմք է հանդիսանում պացիենտի մոտ «գլխուղեղի սուր և/կամ ենթասուր իշեմիկ կաթված» ախտորոշումը` գլխուղեղի իշեմիկ կաթվածի կլինիկական նշանների ի հայտ գալու պահից 0-24 ժամերի ընթացքում` ներառյալ տեղափոխման ժամանակահատվածը:

Այս հիվանդության հիմնական ախտանշաններն են`

• հանկարծակի ծռվածություն դեմքի շրջանում,
• թուլություն ձեռքի կամ ոտքի շրջանում` առավել հաճախ մարմնի մի կողմում,
• գիտակցության հանկարծակի մթագնում,
• խոսքի կամ խոսքի ըմբռնման հետ կապված խնդիրներ,
• հանկարծակի տեսողության խանգարում մեկ կամ երկու աչքերում,
• քայլքի և հավասարակշռության հանկարծակի խանգարում,
• գլխապտույտ,
• սուր գլխացավ առանց պատճառի:
  
  

Կարևոր է կաթվածի առաջին նշանների ի հայտ գալու պես հնարավորինս արագ դիմել շտապօգնության ծառայությանը, ինչն էլ կապահովի բուժման և վերականգնման արդյունավետությունը:

Ծրագիրը գործում է Երևանի «Սուրբ Գրիգոր Լուսավորիչ», «Աստղիկ», «Էրեբունի» բժշկական կենտրոններում, «Հերացիթիվ 1» հիվանդանոցային համալիրում, Գյումրիի և Վանաձորի բժշկական կազմակերպություններում:

Հարցեր, պատասխաններ, մեկնաբանություններ