ԵՊԲՀ. Համալսարանական մասնագետների հերթական հաջողությունը՝ այս անգամ Frontiers in Neurology ամսագրում

Երևանի Մխիթար Հերացու անվան պետական բժշկական համալսարանի մասնագետների հեղինակած հոդվածը լույս է տեսել Web of science շտեմարանի կողմից ազդեցության բարձր գործոն ունեցող Frontiers in Neurology ամսագրում։

Նյարդաբանության ամբիոնի վարիչ, «Աստղիկ» բժշկական կենտրոնի ընդհանուր և անոթային նյարդաբանության ծառայության ղեկավար, պրոֆեսոր Հովհաննես Մանվելյանի ղեկավարությամբ իրականացված հետազոտության նպատակն էր գնահատել Հայաստանում գլխուղեղի կաթվածի ազգային ծրագրի ներդրման առանձնահատկությունները և «Աստղիկ» բժշկական կենտրոնում հիմնադրված կաթվածի կենտրոնի աշխատանքի արդյունավետությունը` համեմատելով այն միջազգային գործող չափանիշների հետ։

Ըստ Նյարդաբանության ամբիոնի հետազոտող ասիստենտ, «Աստղիկ» ԲԿ կաթվածի թիմի ղեկավար, հոդվածի պատասխանատու հեղինակ Գրետա Սահակյանի` ներկայացվող հետազոտական աշխատանքը կարող է հանդես գալ որպես գլխուղեղի կաթվածի վարման առաջադեմ կառուցվածքային մոդել` բարելավելով առկա բուժսպասարկման որակը և նպաստելով Հայաստանում առողջապահական համակարգի հետագա զարգացմանը։

«Գլխուղեղի կաթվածի ծառայության ներդրման բնութագիրը Հայաստանում» (“Characteristics of Stroke Service Implementation in Armenia”) վերտառությամբ հոդվածն ամբողջությամբ հասանելի է հղումով:

Հարցեր, պատասխաններ, մեկնաբանություններ