ԵՊԲՀ. ARICE ծրագրի արդյունքները՝ Եվրոպական Միության պաշտոնական տեղեկագրում

ԵՊԲՀ ARICE ծրագրի՝ 2022 թվականի ընթացքում գրանցած հաջողություններն ամփոփվել են Եվրոպական Միության պաշտոնական տեղեկագրում։

Տեղեկագրում համառոտ ներկայացված են համալսարանական և արտասահմանցի մասնագետների մասնակցությամբ անցկացված գիտական միջոցառումները, հանդիպումներն ու արձանագրված արդյունքները։

Հիշեցնենք, որ Երևանի Մխիթար Հերացու անվան պետական բժշկական համալսարանը հաղթել էր «Քաղցկեղի հետազոտությունների ենթակառուցվածքի ստեղծումը Հայաստանի համար» (ARICE) թվինինգ ծրագրում:

Ծրագիրը նպատակ ունի Հայաստանում բարձրացնել հետազոտական ենթակառուցվածքների հնարավորությունները քաղցկեղի հետազոտության ոլորտում` զարգացնելով ժամանակակից բիոբանկի տվյալները:

ԵՊԲՀ-ն` որպես համակարգող, Առողջապահության համաշխարհային կազմակերպության Քաղցկեղի հետազոտության միջազգային գործակալության (International Agency for Research on Cancer) մասնակցությամբ ծրագիրը կիրականացնի Ավստրիայի Գրացի բժշկական համալսարանի (Medical University of Graz) և Չեխիայի Չարլզի (Կառլովի) համալսարանի հետ գործընկերությամբ` տարածելով իր կարողությունները ինստիտուցիոնալ, ազգային և տարածաշրջանային մակարդակներում:

ARICE ծրագրի արդյունավետ իրականացման շնորհիվ բժշկական համալսարանը կդառնա առաջատարը Հայաստանում քաղցկեղի գենետիկ հետազոտման ոլորտում։

Հարցեր, պատասխաններ, մեկնաբանություններ