ՀՀ ԱՆ. Արագ արձագանքման բժշկական թիմերը ցուցադրել են արտակարգ իրավիճակների պայմաններում բուժօգնության կազմակերպումը

Տարածաշրջանային համագործակցության համատեքստում Արագ արձագանքման բժշկական թիմերի (ԱԱԲԹ/EMT) 5-րդ գլոբալ հանդիպման շրջանակներում այսօր տարբեր տաղավարներում առողջապահական ոլորտի մասնագետները և խորհրդատվական խմբերը ցուցադրել են արտակարգ իրավիճակների պայմաններում բուժօգնության կազմակերպումը։

Տաղավարներում յուրաքանչյուր երկիր ներկայացրել է արտակարգ իրավիճակներում իրենց փորձը, մասնագիտական խմբի պատրաստվածությունը, անհրաժեշտ սարքերով ու պարագաներով հագեցվածությունը, արագ ու արդյունավետ մոբիլիզացումը, համակարգված գործողությունները բնական աղետների, հիվանդությունների բռնկումների, ճգնաժամերի կամ այլ բարդ արտակարգ իրավիճակների դեպքում:

Ցուցադրությանը մասնակցել են լրատվամիջոցների ներկայացուցիչներ, շրջել տաղավարներով, վարել հարցազրույցներ օտարերկրյա մասնագետների խմբերի հետ:

Հարցեր, պատասխաններ, մեկնաբանություններ