ԱՀ ԱՆ. Նախարար Միքայել Հայրիյանը ընդունել է Համբարձում Սիմոնյանին

ԱՀ առողջապահության նախարար Միքայել Հայրիյանն ընդունել է երկօրյա այցով Արցախ ժամանած Հայ օգնության ֆոնդի (ՀՕՖ) հայաստանյան գրասենյակի առողջապահական ծրագրերի ղեկավար Համբարձում Սիմոնյանին:

Քննարկվել է Հայ օգնության ֆոնդի և «Առաջադեմ Բժշկություն» ՀԿ-ի կողմից առողջապահության նախարարության հետ իրականացվող «Բժիշկներ Արցախի համար» ծրագիրը,  որի հիմնական նպատակն է  լրացնել պատերազմից հետո համակարգում առաջացած նեղ մասնագետների պակասը՝ Արցախ գործուղելով ՀՀ բժշկական կենտրոնների առաջատար բժիշկներին:

Ողջունելով «Բժիշկներ Արցախի համար» ծրագրի մասնակից բժիշկներին  նախարար Հայրիյանը  բարձր է գնահատել նրանց կողմից  հանրապետության բնակչությանը ցուցաբերվող բժշկական օգնությունը:

Հանդիպման ընթացքում քննարկվել են նաև  ԱՀ առողջապահական համակարգի առկա կարիքները և զարգացման հետագա ծրագրերը:

Նախարար Միքայել Հայրիյանը շնորհակալություն է հայտնել Համբարձում Սիմոնյանին Արցախի առողջապահական համակարգի կենսական նշանակություն ունեցող խնդիրներին արագ արձագանքման  համար:

Այցի  շրջանակներում Համաբարձում Սիմոնյանը այցելել է Հանրապետական բժշկական կենտրոն, «Արևիկ»  բուժմիավորում, հանդիպել  բուժքույրական դասընթացի բուժքույրերի  և դիաբետի դպրոցի մասնակից ներզատաբանների հետ:

Հարցեր, պատասխաններ, մեկնաբանություններ