ԵՊԲՀ. Գանգուղեղային ծանր վիրավորում ստացած տղաների համար բացվեց Հայաստանում առաջին խնամքի կենտրոնը

Զինվորի տունը նոր բաժանմունք ունի: Սա Հայաստանում առաջին կենտրոնն է, որ նախատեսված է գանգուղեղային ծանր վնասվածքներով և վերականգնողական խնամքի կարիք ունեցող տղաների համար:

Զինվորի տունը հունվարի 29-ին 4 տարեկան դարձավ: Հազարավոր տղաների կյանքեր փրկած, կյանքեր փոխած, ոտքի հանած և կյանքի հանդեպ հետաքրքրությունը վերականգնած մեր կենտրոնը նոր ծրագրերով շարունակելու է իր զինվորանվեր գործը:

Բաժանմունքը գործելու է Միքայելյան համալսարանական հիվանդանոցի տարածքում. դա անհրաժեշտություն էր, քանի որ ծանր վիրավորումներով զինվորներին ռեանիմատոլոգներից բացի նույն տեղում, առանց տեղաշարժելու կկարողանան բուժօգնություն ցուցաբերել նաև այլ նեղ մասնագետներ:

Ինչպես Զինվորի տան մնացած բոլոր ծառայությունները, այս մեկը նույնպես անվճար է մատուցվելու:

Բաժանմունքի բացմանն անհրաժեշտ ամբողջ գումարը նվիրաբերել է Family Rescue Fund հիմնադրամը:

Հարցեր, պատասխաններ, մեկնաբանություններ