ԵՊԲՀ. «Ուղեղի հետազոտությունների գերազանցության կենտրոն»-ի շինարարական աշխատանքները մոտենում են ավարտին

ԵՊԲՀ ռեկտոր Արմեն Մուրադյանը և բուհի հոգաբարձուների խորհրդի նախագահ Միքայել Ադամյանն այսօր այցելեցին «Ուղեղի հետազոտությունների գերազանցության կենտրոն», որտեղ ավարտին են մոտենում շինարարական աշխատանքները:
 
Շրջայցի ընթացքում նրանք ծանոթացան գերժամանակակից հնարավորություններով հագեցած գիտակրթական կենտրոնի հնարավորություններին և պայմաններին:
 
Շինարարության պատասխանատուներին տրվեցին հանձնարարականներ:
 
Նշենք, որ «Ուղեղի կենտրոն»-ի կառուցման շնորհիվ ուղեղի ուսումնասիրության հետազոտությունները կկարողանան որոշել Հայաստանի տեղը միջազգային գիտական քարտեզի վրա: Կենտրոնը կառուցվում է «Կրթության բարելավում» վարկային ծրագրի Նորարարությունների մրցակցային հիմնադրամի երկրորդ հիմնական շրջափուլով «Երևանի Մխիթար Հերացու անվան պետական բժշկական համալսարան» հիմնադրամի կողմից իրականացվող «Ուղեղի հիմնարար հետազոտությունների գիտակրթական կենտրոն» դրամաշնորհային ծրագրի շրջանակում:

Հարցեր, պատասխաններ, մեկնաբանություններ