ԵՊԲՀ. Նախարարի առաջարկով ԵՊԲՀ-ում կներդրվեն ֆրանսերենի դասընթացներ

Առանձնակի ուշադրություն դարձնելով բժիշկների մասնագիտական շարունակական կրթության կատարելագործմանը՝ Հայ-ֆրանսիական գիտաբժշկական համաժողովի շրջանակում ՀՀ կրթության, գիտության, մշակույթի և սպորտի նախարար Վահրամ Դումանյանը կարևորեց նաև ֆրանսերենի ուսուցումը ԵՊԲՀ-ում:

«Այսօրվա համաժողովը մեկնարկ կհանդիսանա նաև բժշկական համալսարանում ֆրանսերենի ուսուցման զարգացման համար, որի արդյունքում ուսանողները հնարավորություն կունենան սովորելու Փարիզում՝ ձեռք բերելով գիտելիք և հմտություններ համալսարանական հիվանդանոցների կենտրոններում»,- շեշտեց նախարարը՝ ընդգծելով բժշկական կրթության ոլորտում երկխոսության զարգացման և համատեղ ծրագրերի իրականացման անհրաժեշտությունը:

ԵՊԲՀ ռեկտոր Արմեն Մուրադյանը, անմիջապես արձագանքելով նախարարի առաջարկին, հայտնեց, որ մոտ օրերս բուհում կներդրվեն ֆրանսերենի դասընթացներ, կկազմակերպվի առաջին դասախոսությունը՝ ակնկալելով, որ Հայաստանում Ֆրանսիայի դեսպան Ան Լույոն կանցկացնի առաջին դասը:

Հարցեր, պատասխաններ, մեկնաբանություններ