ԱՀ ԱՆ. Ստոմատոլոգիական ծառայության բարելավման համագործակցության ուղիները

ԱՀ առողջապահության նախարար Միքայել Հայրիյանը հուլիսի 23-ին հրավիրել է հերթական հանդիպում Արցախի Հանրապետությունում գործող լիցենզավորված ատամնաբուժական կլինիկաների տնօրենների մասնակցությամբ:

Հանդիպմանը ներկա էին ՀՀ –ից ժամանած նախարարին կից մասնագիտական խորհրդի ատամնաբուժության գծով խորհրդատու, ՀՀ առողջապահության նախարարության գլխավոր ստոմատոլոգ, Մ.Հերացու ԵՊԲՀ ստոմատոլոգիական ֆակուլտետի դեկան Լազր Եսայանը, Մ.Հերացու անվան ԵՊԲՀ թերապևտիկ ստոմատոլոգիայի ամբիոնի դոցենտ՝ բ.գ.թ. Վահե Ազատյանը, Չարենցավանի ստոմատոլոգիական պոլիկլինիկայի տնօրեն Գևորգ Կարապետյանը, Սիսիանի ստոմատոլոգիական պոլիկլինիկայի տնօրենԱրթուր Թունյանը, առողջապահության նախարարության պետական առողջապահական գործակալության պետ Ռուզան Հովհաննիսյանը, բժշկական օգնության կազմակերպման բաժնի վարիչ Լուսինե Բախշիյանը, ինչպես նաև նախարարության ՊԱԳ-ի աշխատակիցները:

Քննարկվել են պետական պատվերի շրջանակներում կլինիկաների կատարած աշխատանքները՝ մասնավորապես ատամնաբուժարանների կողմից ներկայացված հաշվետվությունները, թերությունները և ճիշտ մեխանիզմները:

Մ.Հերացուանվան ԵՊԲՀ համագործակցության շրջանակներում մասնագիտական խումբը հուլիսի 24-ին ԱՀ ԱՆ Արևիկ բուժմիավորումում ատամնաբուժական կլինիկաների աշխատողների համար սեմինար-դասընթաց են կազմակերպել «Բերանի խորոչի լորձաթաղանթի հիվանդություններ» թեմայով: Բացի սեմինարից նաև մեթոդական ցուցումներ են տրվել ստոմատոլոգիական քարտերի վարման ընթացքում ուղեցույցների ու լրացման կարգերի պահանջների պահպանման ուղղությամբ:

Հարցեր, պատասխաններ, մեկնաբանություններ