ԱՀ ԱՆ. Համալրվել է բնակչությանը ստոմատոլոգիական ծառայություններ մատուցող կլինիկաների ցանկը

ԱՀ առողջապահության նախարար Միքայել Հայրիյանը ապրիլի 19-ին  հրավիրել է հանդիպում Արցախի Հանրապետությունում գործող՝ լիցենզավորված ատամնաբուժական կլինիկաների տնօրենների մասնակցությամբ:

Արցախի  Հանրապետության առողջապահության նախարարության կողմից համալրվել է բնակչությանը  պետության կողմից անվճար ստոմատոլոգիական  ծառայություններ  մատուցող  կլինիկաների ցանկը:

2021 թվականի ապրիլից հնարավորություն է տրվել բոլոր կլինիկաներին՝ դառնալ ծրագրի շահառու:

Ներկայումս 13 մասնավոր կլինիկա համագործակցում է ԱՀ առողջապահության նախարարության հետ  և կնքվել են պայմանագրեր՝  պետության կողմից երաշխավորված անվճար բժշկական օգնություն և սպասարկում ստանալու իրավունք ունեցող՝ բնակչության առանձին (հատուկ) խմբերի Voroshum 628,  Voroshum 270 բուժսպասարկումը պետական պատվերի շրջանակներում կազմակերպելու  համար:

Նախարար Հայրիյանը իր խոսքում նշել է, որ ստոմատոլոգիական ծառայությունների պետպատվերի շրջանակներում առաջարկված գրեթե բոլոր գները հավասարեցված են գործող մասնավոր կլինիկաների գնացուցակներին։ Նախարարը  ընդգծել է, որ  այս ծրագիրը կլինի  նպատակային և  ի հայտ եկած թերությունները  արագ տեմպով կշտկվեն:

Հանդիպմանը քննարկվել են նախարարության կողմից հատկացվող գումարների բաշխման գործընթացը, ինչպես նաև բնակչությանը մատուցվող ստոմատոլոգիական ծառայությունների մատչելիությունը և որակը բարելավելու հնարավորությունները:

Միքայել Հայրիյանը   վստահեցրել է  որ կլինիկաների կողմից կատարվող աշխատանքների ուղղությամբ վերահսկողություն է իրականացվելու։ Հանդիպմանը մասնակից ատամնաբույժները հանդես են եկել առաջարկություններով:

Հարցեր, պատասխաններ, մեկնաբանություններ