ԵՊԲՀ. 11 ապագա բժիշկ կզարգացնի վիրաբուժական հմտությունները «Լանցետ» ծրագրի շնորհիվ

Կարիերայի կենտրոնի նախաձեռնությամբ Երևանի Մխիթար Հերացու անվան պետական բժշկական համալսարանում մեկնարկած «Լանցետ» (LanZzete) միջազգային ուսանողական ծրագիրն ամփոփեց նախընտրական փուլի արդյունքները:

Միջազգային հեղինակավոր ծրագրին մասնակցելու հնարավորություն ստացավ Ընդհանուր բժշկության ֆակուլտետի 4-րդ և 5-րդ կուրսերի ուսանողների առաջին խումբը: 11 ապագա բժիշկ (Արման Մելիքսեթյան, Դիանա Դումանյան, Թամարա Ներսիսյան, Լյուդմիլա Ավետիսյան, Հարություն Հարությունյան, Սեդա Մկրտչյան, Զարուհի Արզումանյան, Աննա Սարգսյան, Սամվել Ստեփանյան, Լիլիթ Բաղդասարյան և Զարինե Մարգարյան) կմասնակցի ծրագրի տեսական դասընթացին, որից հետո նրանցից լավագույնները հնարավորություն կստանան՝ ուսումնական նպատակով կատարելու վիրահատական միջամտություններ:

Դասերը կանցկացվեն շաբաթվա ընթացքում 4 օր: Առաջին դասը նախատեսվում է անցկացնել մարտի 12-ին:

Կարիերայի կենտրոնի ղեկավար Խաչատուր Մարգարյանը կոչ արեց ուսանողներին հաստատել գործընկերային հարաբերություններ և նպաստել ծրագրի արդյունավետությանը:

Նշենք, որ «Լանցետ»-ը միջազգային ուսանողական միջավայր է, որը հնարավորություն է տալիս ապագա բժիշկներին զարգացնելու վիրաբուժական գործնական հմտությունները՝ անկախ տարիքից և փորձից:

Հարցեր, պատասխաններ, մեկնաբանություններ