Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

ԼՈՒՐԵՐ: Թվեր և փաստեր Հայաստանից

ԵՊԲՀ շրջանավարտն ԱՀԿ իր փոքրիկ թիմով կյանքեր է փրկում ամեն օր

ԵՊԲՀ շրջանավարտն ԱՀԿ իր փոքրիկ թիմով կյանքեր է փրկում ամեն օր

Որպես հայ և կանադացի, որն աշխատում է Առողջապահության համաշխարհային կազմակերպությունում, Երևանի Մխիթար Հերացու անվան պետական բժշկական համալսարանի շրջանավարտ և այցելու պրոֆեսոր, ատամնաբույժ, առողջապահության կազմակերպիչ, դասախոս, պետական ու քաղաքական գործիչ Գարի Ասլանյանը հպարտանում է իր փոքրիկ թիմի կատարած աշխատանքով, որը կյանքեր է փրկում ամեն օր:

Գարի Ասլանյանը ներկայումս ԱՀԿ Արեւադարձային հիվանդությունների վերաբերյալ հետազոտությունների եւ վերապատրաստման հատուկ ծրագրի՝ Գործընկերության և կառավարման համակարգողն է Շվեյցարիայի Ժնև քաղաքում:

ԱՀԿ մեծ թիմին միանալուց առաջ բժիշկ Ասլանյանը դաշնային պետական ծառայող էր, որն աշխատում էր Կանադայի Հանրային առողջապահության գործակալության և Արտաքին գործերի նախարարության Առևտրի և զարգացման բաժնի հետ: Այժմ նա հանդիսանում է՝

  • պրոֆեսոր Բրիտանական Կոլումբիայի համալսարանում՝ Ստոմատոլոգիայի ֆակուլտետում,
  • պրոֆեսոր Օտտավայի համալսարանում՝ Համաճարակաբանության, հանրային առողջապահոթյան և կանխարգելիչ բժշկության դպրոցում,
  • Առողջապահության համաշխարհային կազմակերպության Ուղեցույցների վերանայման հանձնաժողովի անդամ Ժնևում,
  • ԱՀԿ Տեղեկագրի խմբագիր-խորհրդատու,
  • ՄԱԿ-ի Հատուկ ամսագրի գլխավոր խմբագիր,
  • պրոֆեսոր Տորոնտոյի համալսարանում՝ Ստոմատոլոգիայի ֆակուլտետում,
  • Կանադայի Հանրային առողջապահության գործակալության՝ ստոմատոլոգիայի ոլորտում գործող Քաղաքականության և շահերի պաշտպանության հանձնաժողովի նախագահը,
  • Համաշխարհային առողջապահական հետազոտությունների կանադական կոալիցիայի տնօրենների խորհրդի նախագահը,
  • Կանադայի ստոմատոլոգների Թագավորական քոլեջի խորհրդատու,
  • Օնտարիոյի Հանրային առողջապահության ասոցիացիայի նախագահը:


Պարոն Ասլանյան, սկսենք բժիշկ դառնալու Ձեր որոշումից: Ինչպե՞ս տեղի ունեցավ մասնագիտության՝ Ձեր ընտրությունը: Արդյո՞ք դա Ձեր երազանքն էր:

Դա այնքան էլ դժվար որոշում չէր ինձ համար: Մայրս և հորական տատիկս աշխատում էին առողջապահության ոլորտում: Երիտասարդ տարիքում ինձ նաև հնարավորություն ընձեռվեց՝ աշխատելու հիվանդանոցում. դա, իսկապես, վերահաստատեց իմ որոշումն ու ընտրությունը: ԵՊԲՀ-ում սովորելու տարիներին ես շարունակում էի աշխատել հիվանդանոցում, ինչն ինձ հնարավորություն տվեց առավել խորությամբ հասկանալու առողջապահական համակարգի ուղնուծուծը և, ամենակարևորը, հասկանալու մարդկանց: Կարծում եմ՝ այդ փորձառությունը կարևոր դեր խաղաց իմ հետագա ընտրության հարցում՝ կենտրոնանալու հանրային առողջապահության ոլորտի վրա, որտեղ ես զգացի, որ անհատի առողջությունը մեծապես կախված է ընդհանուր հասարակության առողջությունից, ընդ որում՝ դա վերաբերում է ոչ միայն առողջապահական համակարգին, այլև տնտեսական ու քաղաքական կյանքին:

Ի՞նչ դժվարությունների է բախվում բժիշկը՝ ընդհանուր առմամբ, եվ ատամնաբույժը՝ մասնավորապես:

Առողջապահության ոլորտի մասնագետները հաճախակի բախվում են մի շարք դժվարությունների, սակայն նրանց ընձեռվում են նաև շատ հնարավորություններ: Ընդհանրապես, բժիշկ, բուժքույր կամ ատամնաբույժ լինելը պահանջում է ամբողջ կյանքի ընթացքում սովորելու պարտավորություն ստանձնել, քանի որ այս կամ այն գիտության վերաբերյալ մեր գիտելիքների մեծ մասը ժամանակի ընթացքում փոփոխության է ենթարկվում: Բայց սա նաև հնարավորություն է, քանի որ իրենց կարիերայի ընթացքում բժիշկները, բուժքույրերը, ատամնաբույժները տեսնում են, թե ինչպես կարող են ավելի արդյունավետորեն օգնել հիվանդներին ՝ օգտագործելով նոր գործիքներ: Սա չափազանց գոհացուցիչ զգացողություն է, ինչը առողջապահության ոլորտի մասնագետներին ստիպում է առաջընթաց ունենալ ցանկացած հասարակությունում:

Ի՞նչ արտոնություններից է օգտվում բժիշկը:

Բժիշկները կամ առողջապահության ցանկացած այլ մասնագետներ հասարակության մեջ ունեն բարձր վարկանիշ, քանի որ նրանք դիտարկվում են որպես մարդիկ, որոնք իրենց գիտելիքն ու հմտություններն օգտագործում են մարդկանց ավելի երկար և առողջ կյանք պարգևելու համար: Սա, հավանաբար, այն ոլորտներից է, որտեղ մշակույթներն ու երկրները բավականին ընդհանրություններ ունեն: Աշխատելով Կանադայում, Հարավային Աֆրիկայում, Հնդկաստանում, Շվեյցարիայում, Բրազիլիայում և շատ այլ երկրներում՝ ես բազմիցս ականատես եմ եղել այդ ընդհանրությանը: Սակայն, մյուս կողմից, ի տարբերություն այլ մասնագիտությունների՝ բժշկի նկատմամբ ի հայտ են գալիս բարձր ակնկալիքներ և նրանից պահանջվում է անել առավելագույնը:

Խնդրում եմ, պատմեք մի փոքր Ձեր մասնագիտական ուղու մասին:

Իմ այսօրվա կարիերայի մասին ես պատկերացնել անգամ չէի կարող: Ինչպես նշեցի, ԵՊԲՀ-ն ավարտելուց հետո ես որոշել էի հանրային առողջապահություն (public health) սովորել: Հենց այդ ժամանակ էլ տեղափոխվեցի Կանադա: Ես բավականին հաջողակ գտնվեցի, քանի որ Կանադայում իմ աշխատանքն ինձ տարավ դեպի երկրի պետական համակարգի տարբեր մակարդակներ, իսկ այդ համակարգը բավականին բարդ է, քանի որ երկրամասերն ու քաղաքապետարանները, ինչպես նաև դաշնային կառավարությունը լուրջ դերակատարում ունեն: Այդ ամենը հաշվի առնելով՝ ես շարունակեցի ուսումս, բայց այս անգամ՝ կենտրոնանալով քաղաքագիտության և քաղաքականության վրա, այնքանով, որքանով դա առնչվում էր առողջապահությանը: Ես նաև որպես կամավոր աշխատում էի Օնտարիոյի հանրային առողջապահական ասոցիացիայում: Դա ինձ թույլ տվեց սովորել և հետո օգնել երկրամասում հանրային առողջության պահպանմանն աջակցելու գործընթացին: Սրանք սովորական հմտություններ չեն, որոնք մենք ակնկալում ենք առողջապահության ոլորտի մասնագետից: Սակայն առողջապահությունը քաղաքական է ամեն տեղ: Ես, ի վերջո, դարձա այդ ասոցիացիայի նախագահ: Փաստորեն դա SARS-ի (Severe acute respiratory syndrome)՝ Ծանր սուր շնչառական համախտանիշի գլոբալ տարածման հետաքրքիր ժամանակաշրջանում էր, և ես տեսա, թե ինչպես վարվեցին Կանադան և Օնտարիոն այդ վիրուսի հետ: Դա ինձ հնարավորություն տվեց աշխատելու երկրամասային առողջապահության նախարարի հետ, երկրամասային գլխավոր բժշկական պաշտոնյայի և այլոց հետ. մենք ձեռնամուխ եղանք Օնտարիոյի հանրային առողջապահության համակարգի բարեփոխումներին: 17 տարի ետ նայելով՝ ես տեսնում եմ, թե ինչպես դեռևս այն ժամանակ մեր կողմից առաջարկված կամ իրականացված որոշ քայլեր օգնեցին մեզ դիմակայել COVID-19-ին այսօր:

Այս ժամանակահատվածում ես իրականացրել եմ նաև տարբեր կարճաժամկետ խորհրդատվություններ համաշխարհային առողջապահության վերաբերյալ՝ լինելով Ռուսաստանում, Ղրղզստանում, Բուլղարիայում և այլ երկրներում: Ենթադրում եմ, որ դա էր պատճառը, որ ես պաշտոն ստացա Օտտավայի դաշնային կառավարությունում՝ աշխատելով Կանադայի Արտաքին գործերի նախարարությունում՝ Համաշխարհային առողջապահության բաժնում: Սա, ուղղակի, իդեալական միքս էր իմ հմտությունների զարգացման առումով: Մի կողմից՝ ես կարող էի կիրառել իմ փորձն առողջապահության ոլորտում, իսկ մյուս կողմից՝ ես նաև կարողացա բարելավել իմ հմտությունները՝ քաղաքականության ոլորտում կայանալու համար: Կանադայի Արտաքին գործերի նախարարությունում աշխատելիս ես կարողացա նպաստել առողջապահական ոլորտի բազմաթիվ ծրագրերի զարգացմանը, որոնցում Կանադան ներգրավված էր համաշխարհային մասշտաբով: Ես խորհրդատվություն էի տրամադրում Ֆրանսիայի առողջապահության նախարարներին բանակցությունների ժամանակ տարբեր ֆորումների ընթացքում, ինչպես, օրինակ, Մեծ Յոթնյակ-ի (G7) կամ ԱՀԿ (WHO) կամ այլ միջազգային կազմակերպությունների շրջանակներում:

Կանադան համաշխարհային մասշտաբով ջանքեր էր գործադրում ցածր ու միջին եկամուտ ունեցող երկրներում պատվաստումների վերացման կամ իմունիզացիայի աջակցության համար, ինչն ուղղված էր բազմաթիվ վարակիչ հիվանդությունների վերացմանը, մասնավորապես՝ Աֆրիկայում, կամ հանրային առողջապահության համակարգերի ստեղծմանը Լատինական Ամերիկայում կամ Ասիայում: Ինձ համար առավելությւն էր այն, որ ես կարողացա օգտագործել իմ հմտությունները, որպեսզի օգնեմ Կանադային՝ իր ռեսուրսներն ավելի արդյունավետ օգտագործելու համար:

Ներկայում ես ներգրավված եմ ԱՀԿ կազմում, որտեղ աշխատում եմ մի ծրագրի շրջանակներում, որը կենտրոնացած է վարակիչ հիվանդությունների վերաբերյալ հետազոտությունների և վերապատրաստման դասընթացների վրա: Իմ ծրագիրը փոքր է, մենք հիմնվել ենք Ժնևում, սակայն մենք աշխատում ենք շատ երկրների և հաստատությունների հետ ամբողջ աշխարհի մասշտաբով: Անցած տարի, օրինակ, մենք աշխատել կամ աջակցել ենք գրեթե 900 տարբեր անձանց: COVID-19-ի պայմաններում մեր աշխատաոճը փոխվեց: ԱՀԿ գրասենյակները տարբեր երկրներում անմիջականորեն աշխատում են կառավարությունների, առողջապահության նախարարությունների և հանրային առողջապահության այլ գերատեսչությունների հետ `ապահովելով խիստ անհրաժեշտ աջակցություն, որպեսզի երկրները կարողանան ապավինել ԱՀԿ ցուցումներին` այս համավարակի ռիսկերը մեղմելու համար: Որոշ նախագծեր դադարեցված են, քանի որ մեր ուշադրության կենտրոնում են հայտնվել COVID-19-ի հետևանքով առաջացած անհապաղ կարիքները: Իմ ծրագրի նպատակն է արագացնել հուսահատության աստիճանի անհրաժեշտ COVID-19-ի վերաբերյալ հետազոտությունն այն տարածքներում, որտեղ վիրուսը կարող է փչացնել արդեն իսկ փխրուն առողջապահական համակարգերը և առողջության ամենամեծ վնասը հասցնել խոցելի բնակչությանը: Որպես կանադացի և հայ, որն աշխատում է ԱՀԿ-ում, ես հպարտանում եմ մեր աշխատանքով՝ գիտակցելով, որ այն կյանքեր է փրկում ամեն օր:

Ինչպե՞ս են պայքարում կորոնավիրուսի դեմ Կանադայում: Ձեր տեսանկյունից՝ որո՞նք են վիրուսի դեմ պայքարի ամենաարդյունավետ միջոցները: Կարո՞ղ եք նշել որևէ պետություն կամ պետություններ, որոնք արդյունավետորեն պայքարել և կանխել են դրա տարածումը:

Քանի որ ես Կանադայում չեմ ապրում այս պահին, իրականացված պայքարի մասին պատկերացումս հիմնվում է այն ամենի վրա, ինչ կարդում եմ: Կանադան SARS-ի փորձն ուներ դեռևս 17 տարի առաջ: Ինչ-որ առումով դա օգնեց Կանադային շատ բան փոխել հանրային առողջապահության համակարգում, քանի որ SARS-ն ի հայտ բերեց բազմաթիվ խնդիրներ: Բայց դեռ շատ բան պետք է արվի: Կանադան մեծ երկիր է այն երկրամասերով, որոնք պատասխանատվություն ունեն առողջության պահպանման համար. սա մարտահրավեր է՝ ապահովելու համակարգի բոլոր մասերի սահուն աշխատանքն ամբողջ երկրում: Բայց կարծում եմ, որ արդյունքները դրական են եղել, մահացության թվերն այդքան էլ բարձր չեն, ինչպես որ կարող էին լինել:

Կան երկրներ, որոնք բավականին հաջողել են այս պայքարում, օրինակ ՝ Վիետնամը կամ Նոր Զելանդիան, այնուամենայնիվ, երկրները համեմատելն այս առումով անօգուտ է: Յուրաքանչյուր երկիր ունի իր ուրույն համատեքստը, մշակույթը, համակարգի կառավարումը և հարևանությունը այլ երկրների հետ: Այս գործոններն, իրոք, էական դեր են խաղում:  Սակայն հանրային առողջապահության հիմնական մոտեցումները նույնն են, այնպես որ, եթե դա արվում է ժամանակին և ճիշտ, ապա բոլոր միջոցները պետք է օգնեն նվազեցնելու վիրուսի տարածումը և կանխելու մահերը:

Ի՞նչ կասեք COVID-19-ի դեմ Հայաստանում տարվող պայքարի մասին:

Քանի որ դեպքերի թիվը Հայաստանում չի նվազում, դա շատ մտահոգիչ է: Հանրային առողջապահության մեջ մեզանից շատերը այս պանդեմիան անվանում են ինֆոդեմիա: Թեև ՀՀ առողջապահական մարմիններն ու երկրի ղեկավարությունը կենտրոնացան խնդրի վրա դեռևս վաղ ժամանակահատվածում և գործադրեցին անհրաժեշտ ռեսուրսներ, սակայն ինֆոդեմիան, կարծես թե, նպաստեց բնակչության ապակողմնորոշմանը, որն, իր հերթին, չգիտակցեց իրավիճակի ծանրությունը: Սա, իհարկե, հիասթափեցնող է, բայց դասեր կարելի է քաղել նաև այս ամենից: Օրինակ, հանրային առողջապահության համակարգը և ԵՊԲՀ-ն կարող են բարձրացնել իրենց ներգրավվածության մակարդակը` համոզվելու, որ խորհուրդներն ու ընդունված որոշումները հիմնված են ամբողջությամբ հիմնավորված ապացույցների վրա: Սա վերաբերում է ոչ միայն COVID-19-ին, այլև առողջապահական համակարգի այլ մասերին: Այս փորձի արդյունքում Հայաստանը կարող է ի հայտ գալ որպես մի երկիր, որտեղ առողջության կամ բարեկեցության հետ կապված որոշումները հիմնված են ոչ թե բամբասանքի կամ փորձագիտական կարծիքի, այլ հիմնավորված ապացույցների վրա: Հուսով եմ նաև, որ համավարակը կհանգեցնի համընդհանուր առողջապահության լուսաբանման վերաբերյալ լուրջ քննարկումների, և Հայաստանը կներդնի համընդհանուր առողջապահության համակարգ իր բոլոր քաղաքացիների համար:

Ձեզ հաջողվու՞մ է հանգստանալ: Ի՞նչ հոբբի ունեք:

Զբոսանքներն ու արշավները լեռներում իմ սիրելի զբաղմունքն են: Հայրս հնէաբան էր, նա ինձ իր հետ տանում էր արշավների Հայաստանի լեռներում, և այժմ ինձ բախտ է վիճակվել ապրելու շվեյցարական Ալպերի կողքին: Ես նաև սիրում եմ պատրաստել կամ թխել՝ հատկապես կենտրոնանալով աշխարհի տարբեր մասերի նոր բաղադրատոմսերի վրա: Փորձում եմ պատրաստել նաև հայկական ուտեստներ, բայց միայն այն դեպքում, երբ ժամանակ ունեմ, քանի որ հայկական ուտեստները համեղ են, բայց դրանք շատ աշխատատար ու ժամանակատար են (ծիծաղում է – հեղ.): Եվ, վերջապես, չնայած՝ դա այդքան էլ հոբբի չէ, ես շարունակում եմ զարգացնել լեզվի իմ հմտությունները: Քանի որ ես, բացի հայերենից, անգերենից և ռուսերենից, սովորել եմ նաև ֆրանսերեն և պորտուգալերեն, միշտ անհրաժեշտություն կա աշխատելու լեզվական գիտելիքների վրա և դրանք կիրառելու այդ լեզուների կրողների հետ շփվելիս: 

Պլանավորու՞մ եք այցելել Հայաստան ապագայում:

Հուսով եմ՝ կկարողանամ Հայաստան այցելել ժամանակ առ ժամանակ: Շատ ավելի կարևորում եմ Հայաստանի կոլեգաներիս հետ մշտական կապի պահպանումը և պոտենցիալ նոր նախագծերի հնարավորության դիտարկումը:

Որպես հարուստ մասնագիտական ճանապարհ անցած փորձառու բժիշկ՝ ի՞նչ խորհուրդ կտաք ապագա բժիշկներին:

Իմ հիմնական խորհուրդը՝ լայնախոհ լինել և ամեն օր սովորել: Բժիշկ լինելը հիանալի է մի դարաշրջանում, երբ տեղեկատվությունը հեշտությամբ հոսում է ամբողջ աշխարհում: Միևնույն ժամանակ սա նաև վտանգավոր ժամանակաշրջան է, քանի որ տեղեկատվությունը կարող է և ճիշտ չլինել: Հետևաբար, ցանկացած ապագա բժիշկ պետք է օժտված լինի հմտություններով, ինչը թույլ կտա նրան վերլուծել տեղեկատվությունը և կատարել այսպես կոչված «հնչյունների ընտրություն», երբ խոսքը վերաբերում է իրենց ամենօրյա պրակտիկային:

Հեղինակ՝ Տաթևիկ Ղազարյան

Սկզբնաղբյուր. ԵՊ բժշկական համալսարան
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

ԵՊԲՀ.«Հերացի» համալսարանական հիվանդանոցում վիրահատվել է խեղանդամված և այրվածքներով ավելի քան 300 վիրավոր
ԵՊԲՀ.«Հերացի» համալսարանական հիվանդանոցում վիրահատվել է խեղանդամված և այրվածքներով ավելի քան 300 վիրավոր

«Մարմնի ճարտարապետի»՝ Արտավազդ Սահակյանի, կռիվն այս օրերին վիրահատարանում է: Արցախի դեմ սանձազերծված ադրբեջանաթուրքական լայնածավալ պատերազմի ընթացքում միկրովիրաբույժի ղեկավարած...

Չարորակ հիպերթերմիայի բարեհաջող բուժման դեպք. Արա Այվազյան, Նարեկ Մինասյան. armeniamedicalcenter.am
Չարորակ հիպերթերմիայի բարեհաջող բուժման դեպք. Արա Այվազյան, Նարեկ Մինասյան. armeniamedicalcenter.am

«Արմենիա» ՀԲԿ մանկական օրթոպեդիայի բաժանմունք էր ընդունվել 10 տարեկան տղա երեխա, որի մոտ առկա էր ստորին վերջույթների շատ բնորոշ ախտահարում՝ երկու կողմից աքիլեսյան ջլերի կարճացում...

ԼՈՒՐԵՐ: Վնասվածքաբանություն և օրթոպեդիա Լուրեր
Ձեր երեխաները մեր երեխաներն են, մի անհանգստացեք. Արցախում վիրահատող բժիշկ
Ձեր երեխաները մեր երեխաներն են, մի անհանգստացեք. Արցախում վիրահատող բժիշկ

Արցախի հիվանդանոցներում տղաները ստանում են լավագույն բուժումը

Պատերազմի հենց սկզբից Արցախ մեկնած օրթոպեդ-վնասվածքաբան Արա Այվազյանը իր ֆեսյբուքյան էջով ուղերձ է հղել մարդկանց...

Արագ ապաքինել ու ամեն կերպ աջակցել մեր զինվորներին. Արթմեդ ԲՎԿ թիմի սկզբունքը վիրավորների հետ աշխատելիս. mednews.am
Արագ ապաքինել ու ամեն կերպ աջակցել մեր զինվորներին. Արթմեդ ԲՎԿ թիմի սկզբունքը վիրավորների հետ աշխատելիս. mednews.am

Արթմեդ բժշկական կենտրոնի բուժական գծով փոխտնօրեն Արայիկ Ղարիբյանին հանդիպեցինք աշխատավայրում երեկոյան ժամը 10-ին: Հարցազրույցի պայմանավորվելու համար ասում էր՝ եկեք երբ հարմար է, ես օր ու գիշեր այստեղ եմ...

ՀՀ ԱՆ. Հայաստանի կողմից ապահովվել է արդյունքների 100% ճշգրտություն
ՀՀ ԱՆ. Հայաստանի կողմից ապահովվել է արդյունքների 100% ճշգրտություն

ՀՀ ԱՆ հիվանդությունների վերահսկման և կանխարգելման ազգային կենտրոնի «Ռեֆերենս լաբորատոր կենտրոն» մասնաճյուղը մասնակցել է կորոնավիրուսային հիվանդության նկատմամբ Պոլիմերային շղթայական ռեակցիա (ՊՇՌ) հետազոտության մեթոդով...

ԵՊԲՀ. Համալսարանական նյարդավիրաբույժները կատարել են COVID-19-ով հիվանդի առաջային կապակցող զարկերակի պատռված պարկաձև անևրիզմայի բուժում
ԵՊԲՀ. Համալսարանական նյարդավիրաբույժները կատարել են COVID-19-ով հիվանդի առաջային կապակցող զարկերակի պատռված պարկաձև անևրիզմայի բուժում

ԵՊԲՀ «Հերացի» թիվ 1 հիվանդանոցային համալիրի նյարդավիրաբուժության և գլխուղեղի կաթվածների վիրաբուժության մասնագիտացված կենտրոնում նյարդավիրաբույժներ Սևակ Բադայանը և Լեռնիկ Գրիգորյանը...

ԼՈՒՐԵՐ: Նյարդային համակարգ Լուրեր
Ուրոլոգիական բարդ դեպք, վիրահատական նոր մոտեցում՝ Արթմեդ բժշկական կենտրոնում. mednews.am
Ուրոլոգիական բարդ դեպք, վիրահատական նոր մոտեցում՝ Արթմեդ բժշկական կենտրոնում. mednews.am

Արթմեդ բժշկական վերականգողական կենտրոնի ուրոլոգիական բաժանմունքը հայտնի է միզա-սեռական համակարգի բարդ դեպքերի հետ աշխատելու իր մեծ փորձառությամբ: Օգոստոսի 12-ին թիմի ղեկավար, պրոֆեսոր Աշոտ Ծատուրյանի ղեկավարությամբ կրկին...

ԼՈՒՐԵՐ: Մանկաբարձություն և ուրոգինեկոլոգիա Լուրեր
ԵՊԲՀ ինտերնատուրայում սովորողները զինվորական երդում տվեցին
ԵՊԲՀ ինտերնատուրայում սովորողները զինվորական երդում տվեցին

Մխիթար Հերացու անվան Երևանի պետական բժշկական համալսարանի 21 շրջանավարտները, «1+2» ծրագիրի շրջանակում, օգոստոսի 27-ին ՀՀ ՊՆ N զորամասում զինվորական երդում տվեցին...

ԼՂՀ ԱՆ. Բնակչության առանձին (հատուկ) խմբերի համար համակարգչային և մագնիսառեզոնանսային տոմոգրաֆիկ (ՄՌՏ) հետազոտություններն իրականացվում են անվճար
ԼՂՀ ԱՆ. Բնակչության առանձին (հատուկ) խմբերի համար համակարգչային և մագնիսառեզոնանսային տոմոգրաֆիկ (ՄՌՏ) հետազոտություններն իրականացվում են անվճար

ԱՀ առողջապահության նախարարի համապատասխան հրամանով` համակարգչային  և մագնիսառեզոնանսային տոմոգրաֆիկ (ՄՌՏ) հետազոտությունները` պետության կողմից երաշխավորված անվճար բժշկական օգնություն...

Մաղթենք երեխային վերադարձ կյանքին… Կլինիկական դեպքի մասին պատմում է ռեանիմատոլոգ Սիրանուշ Ավագյանը. armeniamedicalcenter.am
Մաղթենք երեխային վերադարձ կյանքին… Կլինիկական դեպքի մասին պատմում է ռեանիմատոլոգ Սիրանուշ Ավագյանը. armeniamedicalcenter.am

«Արմենիա» բժշկական կենտրոնի վերակենդանացման բաժանմունք է ընդունվել դեռահաս աղջնակ, ով ինչ-ինչ պատճառով ցած էր նետվել «Կիևյան» կամրջից...

Լուրեր
ԼՂՀ ԱՆ. Խորհրդակցություն նախարարությունում
ԼՂՀ ԱՆ. Խորհրդակցություն նախարարությունում

ԱՀ առողջապահության նախարար Արարատ Օհանջանյանը օգոստոսի 27-ին հրավիրել է խորհրդակցություն «Համաճարակաբանության և հիգիենայի կենտրոն» ՊՈԱԿ-ի և կենտրոնի տարածքային ստորաբաժանումների ղեկավարների մասնակցությամբ...

ՀՀ ԱՆ. Ֆինանսական հաշվետվություն
ՀՀ ԱՆ. Ֆինանսական հաշվետվություն

Հայաստանի Հանրապետությունում կորոնավիրուսային համավարակի (COVID-19) կանխարգելման, վերահսկման, բուժման և այլ համալիր միջոցառումների շրջանակներում  առողջապահության նախարարության կողմից իրականացված...

«Արմենիա» ԲԿ-ն ամփոփեց COVID-19-ի դեմ ուղղված պայքարի աշխատանքները. armeniamedicalcenter.am
«Արմենիա» ԲԿ-ն ամփոփեց COVID-19-ի դեմ ուղղված պայքարի աշխատանքները. armeniamedicalcenter.am

«Արմենիա» բժշկական կենտրոնը վերադարձել է իր բնականոն աշխատանքին` ետևում թողնելով շուրջ երկու ամսվա ծավալուն աշխատանքը COVID-19 բաժնում...

Լուրեր
Կոկորդի քաղցկեղի ժամանակակից բուժում. nairimed.com
Կոկորդի քաղցկեղի ժամանակակից բուժում. nairimed.com

Քաղցկեղը կարող է ախտահարել մարդու օրգանիզմի ցանկացած օրգան` հաշվի չառնելով օրգանի կարևորությունն ու ուռուցքի հեռացնելու բարդությունները։ Ճիշտ այդպես` ուռուցքը կարող է ախտահարել կոկորդի տարրերը, և, տարածվելով...

ԼՈՒՐԵՐ: Քիթ-կոկորդ-ականջ հիվանդություններ ԼՈՒՐԵՐ: Ուռուցքաբանություն ԼՈՒՐԵՐ: Նոր բուժական մեթոդներ
Կլինիկական դեպք. ներքին քնային զարկերակի խցանում (տեսագրություն). nairimed.com
Կլինիկական դեպք. ներքին քնային զարկերակի խցանում (տեսագրություն). nairimed.com

«Նաիրի» ԲԿ անոթային վիրաբուժության ծառայության ղեկավար Գարիկ Սարգսյանը պատմում է վիրահատության մասին...

ԼՈՒՐԵՐ: Սիրտ-անոթային համակարգ Լուրեր

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ