ԼՂՀ ԱՆ. ԱՀ Նախագահը պարգևատրել է առողջապահության համակարգի բժիշկների

Այսօր Արցախի Հանրապետության Նախագահ Բակո Սահակյանի կողմից պարգևատրվել են առողջապահության համակարգի երեք բժիշկներ:
«Արևիկ» բուժմիավորում ՓԲԸ սոմատիկ բաժանմունքի վարիչ Ռիտա Լևոնի Սահակյանին շնորհվել է վաստակավոր բժշկի պատվավոր կոչում` առողջապահության բնագավառում երկարամյա և բեղմնավոր աշխատանքի համար:

Առողջապահության բնագավառում ունեցած նշանակալի ավանդի համար «Արևիկ» բուժմիավորում ՓԲԸ հիվանդանոցային բուժօգնության գծով գործադիր տնօրենի տեղակալ, Արցախի Հանրապետության առողջապահության նախարարության խորհրդատու Մանկաբուժության գծով Կարինե Աշոտի Թարխանյանը և «Մոր և մանկան առողջության պահպանման կենտրոն» ՓԲԸ մանկաբարձ-գինեկոլոգ, Արցախի Հանրապետության առողջապահության նախարարության խորհրդատու Մանկաբարձության և գինեկոլոգիայի գծով Մանուշակ Ալեքսանդրի Սարգսյանը պարգևատրվել են «Երախտագիտություն» մեդալով:

Հարցեր, պատասխաններ, մեկնաբանություններ