ԼՂՀ ԱՆ. Հերթական հանդիպումը ՁԻԱՀ-ի կենտրոնի մասնագիտական խմբի հետ

Դեկտեմբերի 18-20-ը աշխատանքային այցով Արցախի Հանրապետությունում է ՀՀ ԱՆ ՁԻԱՀ-ի կանխարգելման հանրապետական կենտրոնի մասնագիտական խումբը:

Աշխատանքային այցի շրջանակում` դեկտեմբերի 19-ին Արցախի Հանրապետության առողջապահության նախարար Արայիկ Բաղրյանն ընդունել է ՀՀ ԱՆ ՁԻԱՀ-ի կանխարգելման հանրապետական կենտրոնի տնօրեն բ.գ.դ., պրոֆեսոր Սամվել Գրիգորյանին:
Հանդիպման ընթացքում քննարկվել են ՄԻԱՎ վարակով պացիենտների դիսպանսերային հսկողության և բուժման առավել արդյունավետ կազմակերպման, ՄԻԱՎ/ՁԻԱՀ-ին արդյունավետ հակազդման հետ կապված մի շարք հարցեր:

Կարևորվել է նաև ՄԻԱՎ/ՁԻԱՀ-ի հարցերով բուժաշխատողների կատարելագործմանը և շարունակական մասնագիտական զարգացմանը վերաբերող հարցեր:

Նախարար Բաղրյանն առաջարկել է դիտարկել տեղում բուժաշխատողների համար ՄԻԱՎ վարակին առնչվող հարցերով դասընթացների կազմակերպումը, որը կբարելավի ՄԻԱՎ/ՁԻԱՀ-ին առնչվող ծառայությունների տրամադրման որակը ԱՀ-ում:

Հարցեր, պատասխաններ, մեկնաբանություններ