Առաջին անգամ Հայաստանում և միայն Ս.Վ. Մալայանի անվան ակնաբուժական կլինիկայում օկուլոպլաստիկայի և նյարդաակնաբուժության բաժանմունքում անցկացվում է հետևյալ հիվանդությունների ինյեկցիոն թերապիան

1. Հեմիֆացիալ սպազմ. բնութագրվում է դեմքի մեկ կեսի մկանների անցավ, ակամա կծկումներով, որոնք առաջանում են տարբեր պատճառներով: Դրսևորվում է դեմքի անհամաչափությամբ, ջղաձգությունների հաճախականությունն աստիճանաբար մեծանում է և կարող են լինել այնքան ուժեղ, որ հանգեցնում են աչքի փակման, արցունքահոսության առաջացման ու հիվանդի ընդհանուր վիճակի վատացման:
2. Բլեֆարոսպազմը աչքի շրջանաձև մկանի երկկողմանի ակամա կծկումն է՝ տարբեր աստիճանի արտահայտվածությամբ: Ծանր դեպքերում հիվանդը դժվարանում է  բացել աչքերը:
3. Տարբեր նոզոլոգիայի տիկեր (կոպի թրթռոց, հաճախակի կկոցում և թարթում, ճակատը կնճռոտելու սովորություն և այլն)
4. Աչքի շուրջ սպիերի դեղորայքային հարթեցում
5. Դերմատոխալազիսի (կոպերի ավելցուկ ծալք) վերացում
6. Գլխացավի վերացում (քրոնիկ գլխացավ և  միգրեն)

• Մասնագետի խորհրդատվություն՝ հիվանդության ախտորոշմամբ և  ներարկվող պատրաստուկի չափաբաժնի որոշմամբ:
• Միջամտությունը անցավ է և կարճատև
• Օգտագործվում են բարձր որակի պատրաստուկներ, որոնք անցել են բազմաթիվ կլինիկական հետազոտություններ և առաջատար դիրք են զբաղեցնում վերոնշյալ հիվանդությունների բուժման գործում
• Նշված հիվանդությունների ինչպես սկզբնական, այնպես էլ բաց թողնված փուլերը ունեն բուժման բարձր արդյունավետություն
• Պահանջվում է միջամտությունների սիստեմատիկ կրկնողություն (թերապևտիկ էֆեկտը տևում է 4-ից մինչև 12 ամիս)

Հարցեր, պատասխաններ, մեկնաբանություններ