ԼՂՀ ԱՆ. Արցախի Հանրապետական բժշկական կենտրոնը դարձավ համալսարանական հիվանդանոց

Հոկտեմբերի 17-ին Երևանի Մխիթար Հերացու անվան պետական բժշկական համալսարանում` ռեկտոր Արմեն Մուրադյանը և Արցախի Հանրապետության Հանրապետական բժշկական կենտրոնի գործադիր տնօրեն Կարեն Բազիյանը ստորագրեցին հուշագիր`կլինիկական–կրթական համագործակցության մասին:

Համաձայն հուշագրի Հանրապետական բժշկական կենտրոնը ստացավ համալսարանական հիվանդանոցի կարգավիճակ, ինչը հնարավորություն կտա կլինիկական բազայում կիրառվող բժշկական պրակտիկան, բժշկագիտական ավանդույթները փոխանցել ու սովորեցնել օրդինատորներին, ինչպես նաև կլինիկական պրակտիկայի հիմքի վրա կազմակերպել բազմաբաղադրիչ բժշկական կրթություն:

Արցախի Հանրապետության առողջապահության նախարար Արայիկ Բաղրյանը կարևորելով Արցախ աշխարհում համալսարանական հիվանդանոցի դերը նշել է, որ առողջ ազգ ունենալու համար համակարգում անհրաժեշտ են բարձրակարգ որակավորմամբ բժիշկներ:

Հարցեր, պատասխաններ, մեկնաբանություններ