ԵՊԲՀ. Հայդելբերգի համալսարանի պրոֆեսորները Միքայելյան համալսարանական հիվանդանոցում են

Միքայելյան համալսարանական հիվանդանոցը հոկտեմբերի 4-ից հյուրընկալել է Հայդելբերգի համալսարանի թորակալ վիրաբուժության կլինիկայի պրոֆեսոր Հենդրիկ Դիենեմաննին և առաջատար թորակալ (թոքային/ կրծքային) վիրաբույժ Պետեր Ռեիմեռին:
 
Պրոֆեսորները հոկտեմբերի 5-ին կազմակերպված կլոր սեղան-քննարկման ժամանակ կիսվեցին իրենց մասնագիտական փորձով՝ նշելով, որ ուրախ կլինեն հայ բժիշկների հետ համագործակցությունը շարունակել:
 
Հանդիպման ընթացքում պրոֆեսորները հիվանդանոցի առաջատար մասնագետների հետ անցկացրեցին հարց ու պատասխան, տեղի ունեցավ արդյունավետ քննարկում: Գործընկերները պայմանավորվածություն ձեռք բերեցին բարդ դեպքերում կապ հաստատել գերմանացի մասնագետների հետ:
 
Նշենք, որ գերմանացի պրոֆեսորները մինչև հոկտեմբերի 10-ն անցկացնելու են խորհրդատվություններ և մասնակցելու են վիրահատությունների:

Հարցեր, պատասխաններ, մեկնաբանություններ