ԼՂՀ ԱՆ. Ջանի Հադդադը իրականացրել է անվճար վիրահատություններ

Սեպտեմբերի 23-25-ը սիրիահայ վիրաբույժ Ջանի Հադդադը Արցախի առողջապահության նախարարության Շուշիի շրջանային բուժմիավորումում «Բաց դռների օր» միջոցառման շրջանակներում ընդհանուր վիրաբուժական պրոֆիլի վիրահատություններ է իրականացրել:

Ընդհանուր առմամբ Ջանի Հադդադի կողմից կատարվել է 21 վիրահատություն, մասնավորապես` ճողվածք, խպիպ, խոլեցիստիտ:
Սիրիահայ մեր հայրենակիցը կատարել է նաև մոտ 50 խորհրդատվություն:

Հիշեցնենք, որ Ջանի Հադդադը 2011 թվականից տարին 1-2 անգամ այցելում է Արցախ ՝ Շուշիի և Մարտակերտի շրջանային բուժմիավորումներում իրականացնում անվճար խորհրդատվություններ, վիրահատություններ:

Հարցեր, պատասխաններ, մեկնաբանություններ