ԼՂՀ ԱՆ. «Եվրոպա Դոննա Արմենիա» կրծքագեղձի քաղցկեղի դեմ պայքարի հայաստանյան ներկայացուցչության նախաձեռնությամբ Արցախի շրջաններում կազմակերպվել է «Բաց դռների օր»

«Եվրոպա Դոննա Արմենիա» կրծքագեղձի քաղցկեղի դեմ պայքարի հայաստանյան ներկայացուցչության մասնագետները Արցախի առողջապահության նախարարության շրջանային բուժմիավորումներում հունիսի 12-16-ը անվճար խորհրդատվություններ են իրականացրել:

Միջոցառման նպատակն էր, որպեսզի Արցախի կանայք ևս ունենան հնարավորություն կանխարգելելու հնարավոր քաղցկեղը, լինեն ավելի տեղեկացված և ավելի տիրապետեն ինքնահետազոտման քայլերին:

Ընդհանուր առմամբ Հայաստանից ժամանած բժիշկների կողմից ՈՒՁՀ և ուռուցքաբան մամոլոգի խորհրդատվություն է անց կացվել ավելի քան 160 կնոջ, Հադրութում, Շուշիում, Մարտակերտում, Մարտունում:
 

Հետազոտության արդյունքում որոշ կանայք ուղեգրվել են մամոգրաֆիկ հետազոտության, տրվել են ցուցումներ, նշանակվել դեղորայքային բուժումներ:

Հարցեր, պատասխաններ, մեկնաբանություններ