Կլինիկական դեպք. ազդրոսկրի շտկող ոսկրահատում՝ հետագա օստեոսինթեզով. izmirlianmedicalcenter.com

Պացիենտ՝ Վ.Դ., 30 տարեկան, դիմել է «Իզմիրլյան» բժշկական կենտրոն՝ գանգատվելով աջ ազդրոսկրի դեֆորմացիայից:

Պացիենտը 9 ամիս առաջ ազդրի կոտրվածքի կապակցությամբ վիրահատվել է Հայաստանի կլինիկաներից մեկում, որտեղ կատարվել է արտաօջախային օստեոսինթեզ, սակայն վերջնական արդյունքը պաստացի լիարժեք չի եղել (նկար 1, 2, 3):

Կատարված կլինկառենտգենաբանական հետազոտորթյուններից հետո պացիենտի մոտ ախտորոշվել է ազդրոսկրի ստորին երրորդականի ոչ ճիշտ սերտաճած կոտրվածք՝ ծնկանհոդի վարոսային դեֆորմացիա:

«Իզմիրլյան» բժշկական կենտրոնում, համապատասխան հետազոտություններ իրականացնելուց հետո, առաջարկվել է կատարել ազդրոսկրի շտկող ոսկրահատում ՝ հետագա օստեոսինթեզով:

Հաշվի առնելով պացիենտի ախտաբանական իրավիճակը, մասնագետների կողմից որոշում է ընդունվել` որպես օստեոսինթեզի մեթոդ կիրառել տիտանից արգելակվող հարթակով օստեոսինթեզ (նկար 4, 5):

Հիվանդը վիրահատվել է 31.03.2016թ.: Վիրահատությունը իրակացրել են «Իզմիրլյան» օրթոպեդ-վնասվածքաբան, բ.գ.դ. Արմեն Չարչյանը և օրթոպեդ-վնասվածքաբաններ Սահակ Սարիբեկյանը և Ստեփան Մաթոսյանը:

Հետվիրահատական շրջանն ընթացել է հարթ: Ներկա պահին բուժումը շարունակվում է (նկար 6, 7):

Հարցեր, պատասխաններ, մեկնաբանություններ