Հազվադեպ հանդիպող հիվանդությունների համար բյուջեից հատկացվում է քիչ գումար

Հայաստանում հազվադեպ հանդիպող հիվանդությունների հետազոտման, բուժման համար պետական բյուջեից քիչ գումար է հատկացվում: Պետական ֆինանսավորմամբ բուժում են ստանում մինչև 7 տարեկան հազվադեպ հիվանդություններով տառապող երեխաները: Այս մասին Երևան-Մոսկվա-Կիև-Քիշնև-Աստանա տեսակամուրջի ժամանակ ասաց Բժշկական գենետիկայի և առողջության առաջնային պահպանման կենտրոնի տնօրեն Թամարա Սարգսյանը:

Նշենք, որ փետրվարի 29-ը հազվադպ հիվանդությունների միջազգային օրն է: Հայաստանում, ըստ մասնսգետի, ամենատարածված հազվադեպ հիվանդություններն են ընտանեկան միջերկրածովյան տենդը` պարբերական հիվանդությունը, հեմոֆիլիան:

Երևանի բժշկական համալասարանի պրոռեկտոր Միքայել Նարիմանյանն էլ ասաց, որ հազվադեպ հիվանդությունների բուժման գործընթացում կարևոր դեր են խաղում նաև ընտանեկան բժիշկները, քանի որ հիվանդությունը հենց առաջին էտապում հայտնաբերելն ու բուժելը, դրական արդյունք է տալիս:

Տեսակամուրջի մյուս երկրիների մասնակիցները ներկայացրեցին այս բնագավառում իրենց երկրներում տիրող իրավիճակը:Նրանք բոլորը նույն կարծիքին էին, որ հիվանդության բուժումը արդյունավետ է միայն այն դեպքում, եթե հայտնաբերվում է շուտ ու ախտորոշվում: Բոլոր երկրներում հազվադեպ հիվանդությունների բուժումը բավականին թանկ է: Մասնագետներն այն կարծիքին էին, որ պետությունը պետք է մեծացնի տրամադրվող ֆինանսական միջոցները:

Մասնագետների կարծիքով, հազվադեպ հիվանդությունների բուժման գործում կարևոր է նաև տարբեր երկրների մասնագետների փորձի փոխանակումը:

Հարցեր, պատասխաններ, մեկնաբանություններ