Հասարակության ավելի քան 50 տոկոսն ունի ճարպակալման խնդիր

«Մեր երկրում հասարակության ավելի քան 50 տոկոսն ունի ճարպակալման խնդիր, իսկ ամեն երրորդը զարկերակային ճնշում»,-անցյալ տարվա վիճակագրությունն է ներկայացնում Երևան քաղաքի գլխավոր սրտաբան Պարունակ Զելվեյանը:

Անցյալ տարվա համեմատ նկատվում է նաև սրտանոթային համակարգի հիվանդություների 30 տոկոս աճ: Դրան նպաստում են նստակյաց ապրելակերպը, ծխելը, ստրեսները: Սրտաբանը փաստում է, մեր երկրում սրտաբանությունը առողջապահական ոլորտում առավել զարգացած ճյուղ է, բայց մինչ այսօր կա առաջին անհրաժեշտության դեղերի պակաս:

«Շտապօգնության ծառայությունը չունի տրոմբոլիտիկ դեղամիջոցներ, որոնք անհրաժեշտ են առաջին օգնություն ցույց տալու համար, դրանք ունենք որոշ մասնագիտացված հիվանդանոցներ: Բայց սրտամկանի ինֆարկտի ժամանակ առաջին մեկ ժամը համարվում է ոսկի ժամանակ, որի ընթացքում պետք է հասցնել օգնել, այդ դեպքում փրկվելու հավանականությունը մեծանում է: Մեր կողմից մշակվել է սիրտ-անոթաային հիվանդությունների կանխարգելման ազգային ծրագիր, որի նպատակը հիվանդության կանխարգելումն է և հայտնաբերումը վաղ շրջանում, ինչն առավել արդյունավետ կդարձնի հետագա բուժումը»,-նշեց սրտաբանը:

Հարցեր, պատասխաններ, մեկնաբանություններ