2010թ. հունվար-սեպտեմբերին հանրապետությունում ծնվել է 32903 մանկիկ, որը 2009թ. նույն ժամանակաշրջանի համեմատ աճել է 2.8%-ով:

Ցավոք, 2010թ. հունվար-սեպտեմբերին արձանագրվել է նաև մեռելածնության 633 դեպք` 2009թ. հունվար-սեպտեմբերին արձանագրված 613 դեպքի համեմատ:

Ազգային վիճակագրական ծառայությունից Aysor-ին հայտնում են, որ 2010թ. հոկտեմբերի 1-ի դրությամբ ՀՀ մշտական բնակչության թվաքանակի ցուցանիշը, ընթացիկ հաշվառմամբ, կազմել է 3259.1 հազ. մարդ, այդ թվում քաղաքայինը` 2087.2 հազ. մարդ, իսկ գյուղականը` 1171.9 հազ. մարդ:

2010թ.հունվար-սեպտեմբերին հանրապետությունում արձանագրված բնակչության բնական հավելաճի և միգրացիայի մնացորդի ցուցանիշներով ՀՀ մշտական բնակչության թվաքանակը տարեսկզբի նկատմամբ ավելացել է 9.6 հազ.մարդով, իսկ 2009թ. հոկտեմբերի 1-ի նկատմամբ` 13.2 հազ. մարդով: